Ruka 5:5 - Ritonõpo Omiry: A Bíblia Sagrada na língua Aparai do Brasil

⁵ Mame ynara tykase Ximão eya: — Ỹ toerohse yna itamurume repe. Kana anỹse ynanẽmehno repe. Yrome ananỹpyra ynanekurehno, tykase ynororo eya. — Yrome omorohko. Õmi poe tarãpa emãko ropa ase, tykase Ximão eya.

Ruka 5:5 ပူးပေါင်းရင်းမြစ်များ

Ezekieu 47:10

Tuna enatyry Keti wino tuna enatyry Ekeraĩ pona kana anỹnanõ osenẽko mã toto tuna konõto ehpikuroko. Moroto tarãpa tõ rĩko mã toto xixi aka anorytohme. Moroto kana itamurume exĩko mana, tuhke tyotyoro kana tõ exĩko roropa tuna Metiteraneu kuaõ samo.

Ruka 17:13

Jezu tykohmase eya xine, ynara tykase toto: — Jezu! Tuisa! Nupunato yna eneko myhene, tykase toto.

Ruka 8:24

Morara exiryke axĩ Jezu tõpakase ropa eya xine. Ynara tykase toto: — Jezu, Jezu, nerỹko reh sytatohse, tykase toto. Mame Jezu towõse ropa. Tõmiry ke tyryrykane tymynyhpãkapose eya, pohkane roropa tymynyhpãkapose. Mynytyme tuna toehse ipunaka.

Ruka 8:45

— Onoky keh ytemuhmano? tykase Jezu eya xine. — Arypyra, tykase toto eya. Mame ynara tykase Peturu: — Tuhke nase ahno epuepurohmãko. Otarãme moxiaro kynako.

Ruka 9:33

Mame mokaro asakorõkõ onuhpitoryhtao ropa, ynara tykase Peturu Jezu a: — Pãna, kure taro kuexirykomo. Tapyi ynanamoxi, oseruao, axĩtao rokene, toiro atapyĩme, toiro Moeze tapyĩme, toiro Eria tapyĩme, enara ynanamoxi, tykase Peturu. Morara tykase ynororo onenetupuhpyra toexiryke moro poko.

Ruka 9:49

Morarame ynara tykase João Jezu a: — Imepỹ ynanenease. Joroko tũtanohpõko ropa nexiase ahno ae oesety poe. Morara kamexipopyra ynanexiase eya kymaro xine pyra aexiryke, tykase João Jezu a.

João 15:14

Jepeme matose jomipona awahtao xine.

João 2:5

Mame tapyi esẽ poetory tomo a ynara tykase Jezu eny: — Mose omipona rokẽ ehtoko, umũkuru omipona, tykase ynororo eya xine.

João 21:3

Morarame ynara tykase Peturu eya xine: — Urakanase ytõko ase, kana anỹse, tykase toto a. — Amaro ytõko ynanase, tykase toto eya. Morarame toytose toto. Kanawa aka tõtyrise toto. Moromeĩpo toytose toh rahkene. Kana anỹse tõmehse toto. Yrome ananỹpyra tokurehse toto.