Ruka 5:21 - Ritonõpo Omiry: A Bíblia Sagrada na língua Aparai do Brasil

²¹ Yrome morara kary etaryke tyya xine ynara tykase Moeze nymerohpyry poko amorepatõkomo, parixeu tõ maro: — Onokyhxo keh mose ro Ritonõpo poenohnõko. Imepỹ rypyry onykorokasaromepyra sytatose ahnome rokẽ kuexirykõke. Ritonõpo poenohnõko mana, tykase. — Ritonõpo rokẽ ahno rypyry korokary waro mana, tykase toto oseya rokene.

Ruka 5:21 ပူးပေါင်းရင်းမြစ်များ

Saumu 103:3

Yyrypyry tõ korokãko mana emero, kure pyra jehtoh kurãkãko roropa mana;

Saumu 130:4

Yrome popyra yna ehtoh korokãko mase, morara exiryke oeahmãko ynanase.

Saumu 32:5

Mame osekaroase oya, yyrypyry ekaroase, popyra jehtoh ononẽpyra exiase, zae pyra jehtopõpyry emero ekaroase oya, mame yyrypyry tõ emero mykorokase.

Saumu 35:5

Ah tiriiku pihpyry sã nexĩ toto tarose tyryrykane a, tokahmase toto ahtao Ritonõpo nenyokyhpyry a!

Izaja 1:18

Ynara ãko Ritonõpo Kuesẽkõ mana: “Osehtoko xiaro, soturutone sero poko. Oorypyrykõ ke tonohse sã matose tahpireme, xinukutumehme sã xikuxikumã samo. Yrome okurikatorỹko ase, karimutume exĩko ropa matose mauru samo, karimutume kaneru hpoty samo.

Izaja 43:25

“Yrome ywy, ywy roro, Ritonõpo Oesẽkõme ase, naeroro oorypyrykõ korokãko ase, oorypyrykõ poko wenikehnõko roropa ase.

Izaja 44:22

Popyra oehtohkõ ykorokase, oorypyrykõ roropa emero; osenepyra toehse mã kehko akurũ esahpyry samo. Osehtoko ropa ya Opynanohneme jexiryke.”

Tanieu 9:19

Yna otururu etako, Ritonõpo! Yna rypyry ikorokako, Ritonõpo! Otatõme exiko, yna akorehmako Ritonõpome oehtoh waro imehnõ emero ehtohme, okyna hkopyra exiko yna pynanopyry poko, Jesemy, opoetoryme yna exiryke, Jerusarẽ apataryme roropa exiryke.

Tanieu 9:9

Yrome yna pynanohneme mase, axĩ yna rypyry korokary se ropa mase yna rypyry poko xihpyry toehse ropa yna ahtao ro.

Rewitiku 24:16

Taorihmaposẽme exĩko mana imoihmãkomo a topu tõ ke. Izyraeume exiketyme ahtao te, imepỹ nono põme ynororo ahtao otara kara; popyra Ritonõpo esety tyripose ahtao taorihmaposẽme exĩko mana.

Mikeja 7:19

Yna pynanohnõko ropa mase; popyra yna ehtoh enahkapõko mase, yna rypyry tõ pahnõko mase zue aka tuna konõto kuaka.

Mateu 26:65

Morara kary etaryke tyya tupõ tyxihxihkase Ritonõpo maro oturuketõ tuisary a. — Epo hnae, tykase ynororo. — Epyrypãko rokẽ mose mana. Ritonõpo mũkurume osekarõko mana. Popyra mose nase ipunaka. Imehnõ se pyra sytatose mose hxironeme. Seromaroro aomiry kahpyry metatou.

Mateu 9:3

Mame morara kary etaryke tyya xine ynara tykase Moeze nymerohpyry poko amorepatõkomo: — Mose zae pyra mana, Ritonõpo poenohnõko rokẽ mana, tykase toto Jezu poko.

Ruka 3:8

Oorypyrykõ irumekatoko. Kure ehtoko, iirypyryme pyra, oorypyrykõ turumekase oya xine exiry waro imehnõ ehtohme. Ynara kara ehtoko roropa: “Tuisamehxo Aparão ekepyry kynexine. Naeroro kuãnohpyra xine Ritonõpo mana, Aparão pakomotyãme kuexirykõke,” kara ehtoko. Ynara ãko ase oya xine, Aparão pakomotyãme senohne topu tõkehko riry waro Ritonõpo mana. Ise tahtao tyriry, tykase João eya xine.

Ruka 5:17

Morarame tyorõ ẽmepyry ae ahno amorepãko Jezu kynexine. Parixeu tõ roropa moroto kynexine typorohse, Moeze nymerohpyry poko amorepatõkõ maro. Imepỹ põkõ kynexine mokaro, Karirea rãnaõ põkomo, Jutea rãnaõ põkomo, Jerusarẽ põkõ roropa, enara. Ritonõpo jamitunuru Jezu maro kynexine. Naeroro kurãkõkara kurãkaneme kynexine.

Ruka 5:22

Mame aosenetupuhtohkõ waro Jezu kynexine. Ynara tykase eya xine: — Oty katohme ykerekeremãko matou okurohtao xine?

Ruka 7:49

Mame imehnõ otuhketõ ynara tykase toto oseya rokene: — Onoky mose ro iirypyry korokane? tykase toto.

João 10:33

Ynara tykase juteu tomo: — Ajamitunuru enepory pokoino pyra oetapary se ynanase. Ritonõpo ime exiry ime oexiry sã pyra mana. Ahnome rokẽ mase. Yrome Ritonõpome osekarõko mase, epyrypãko rokẽ mase, tykase toto eya.

Romanos 8:33

Kypoko xine ynara ãko Ritonõpo mana: “Kure nase toto, iirypyrykõ tykorokase mana,” ãko kypoko xine mana.