Ruka 4:20 - Ritonõpo Omiry: A Bíblia Sagrada na língua Aparai do Brasil

²⁰ Morotoino pape totapuruse ropa eya isekeremaxĩpo. Mame tokarose ropa orutua a, atamorepatoh erase akorehmane a. Mame typorohse ropa ynororo kohrame. Tonese eya xine tỹme.

Ruka 4:20 ပူးပေါင်းရင်းမြစ်များ

Mateu 26:55

Mame ynara tykase Jezu imoihmãkomo a: — Oty katohme tytapemake moehtou? Tykaparuke roropa moehtou? Japoiry se matose zehnoto apoiry samo. Yrome kokoro rokẽ yporotyasene Ritonõpo Tapyĩ tao. Kokoro rokẽ amorepato exiasene roropa. Oty katoh pake ro japoipyra mexiatose?

Mateu 27:60

Mame tykyryry aka okepy tõmase, topu eutary risẽ aka. Pake hkopyra moro eutary tahkapose eya topu konõto aka. Morarame moro aka Jezu ekepyry tõmase ahtao tyya, topu parihmã ke okepy ẽ tapuruse eya. Mame toytose ropa ynororo.

Ruka 19:48

Yrome Jezu omiry etary se imoihmãkõ exiryke, onetapara toehse toh aporo.

Ruka 4:17

Mame Izaja nymerohpyry tokarose imepyny a isekerematohme eya. Mame pape typiapose eya ahtao, tynymenekahpyry tysekeremase eya, ynara tykase:

Ruka 4:21

Mame tõturupitose ynororo eya xine, ynara tykase: — Seromaroro sero ynysekeremahpyry ajohpe pyra toehse nase ypoko. Onetahpyrykõ morararo ypoko kynako, tykase Jezu eya xine.

Ruka 5:3

Morarame kanawa aka tõtyrise Jezu, Ximão kanary aka: — Kanawa isyryhmako pitiko irãnakahme samo, tykase Jezu Ximão a. Mame typorohse ynororo kanawa ao. Mame ahno tõ tamorepase eya kanawa ao tahtao.

João 8:2

Sã, yrokokoro toytose ropa ynororo Ritonõpo Tapyĩ taka. Imoihmãkõ tõximõse ahtao Jezu typorohse, toto amorepatohme.

Atos 16:13

Morarame oserematoh ae ynanytoase tuna ehpikoxi. “Otarãme Ritonõpo maro oturutoh nae mã moroto juteu tõ atamorepatopo,” ynanase. Mame ynanyporotyase rahkene oturuse morotõkõ maro nohpo tõ maro.

Atos 3:12

Morarame morohnome aepyrykõ eneryhtao tyya ynara tykase Peturu: — Orutua komo, wekyry tomo, serara ekurãkano onenepitopyra hmatou? Jezu rokẽ mose kurãkaropa, yna kara, kypyno xine toexiryke.