Ruka 3:5 - Ritonõpo Omiry: A Bíblia Sagrada na língua Aparai do Brasil

⁵ Jakanahmã inonõtotoko osepune ehtohme, ypy tõkehko tahkasẽme exĩko roropa pipahme ehtohme. Ijome exikety osema ahtao topohme tyritoko. Osema akorokapỹ akorokatoko roropa amimome osema ehtohme.

Ruka 3:5 ပူးပေါင်းရင်းမြစ်များ

Izaja 40:4

Jakanahmã emero tynonotosẽme exĩko osepune aehtohme, somohmã tõkehko ypy tõ maro tahkasẽme exĩko osepune ehtohme. Nono somokyhmã ke jakanahmã roropa amimome exĩko mã kehko, ypy tõ osepune amimome exĩko mana.

Izaja 42:16

Tonurãkara arõko ase imepỹ osema ae, moro ae ytopitopyra ro toh nexiase. Toto kohmamyry myakamãko ase saerehkatoh ke. Osema tupimãkõ tupime pyra tyrĩko ase toto esemaryme. Morara tyrĩko ase, totapose ya exiryke. Morara tyrĩko ase rahkene, ekurehpyra ase.

Izaja 45:2

“Ywy roro osemazuhme ytõko ase, ypy tõ pipahmãko ase oesemaryme, emorymãkõ roropa; pata tõ omõtoh tonõ metau risẽ tahkãko ase te, kurimene risẽ roropa.

Izaja 49:11

Osema konõto rĩko ase ypy tõ rãnakuroko, osema amimomã poro ypoetory tõ ytotohme.

Ezekieu 17:24

Mame wewe tõ emero nono po zuaro exĩko mã kehko, ywy ase Ritonõpo. Wewe kaetokohxo exiketõ akohnõko ase, zumo pyra exiketõ ahtanohpõko ase. Wewe tõ isene ro exiketõ anorymapõko ase, tonore aexityã ahtanohpõko ropa ase. — Ywy, Ritonõpo, oturuase. Emero tyrĩko ase jomihpyry ae ro.”

Tiaku 1:9

Tymõkomoke pyra awahtao xine tãkye ehtoko. Ritonõpo nekarohpyry poko tãkye ehtoko roropa. Imeĩpo imehxo oritorỹko Ritonõpo mana ipoenõme oexirykõke.