Ruka 3:11 - Ritonõpo Omiry: A Bíblia Sagrada na língua Aparai do Brasil11 Ynara tykase João eya xine: — Imehnõ pyno ehtoko. Asakoro oupõkõ ahtao, toiro ekarotoko arypyra exiketomo a. Anapyrykõ roropa apiakatoko tynahkãkara napyryme, tykase eya xine. အခန်းကိုကြည့်ပါ။ |
Mame morara kary etaryke tyya ynara tykase Jezu eya: — Toiro ise ro mase. Omõkomory emero ekamoko, tineru apoitohme oya. Mame otinerũ ekaroko tymõkomokãkara a, etuarimaketomo a, enara. Morara tyrise oya ahtao tymõkomoke exĩko mase Ritonõpo esao kapu ao. Moromeĩpo osehko ropa ya ymaro oytotohme, ypoetoryme oehtohme, tykase Jezu eya.
Mame towõse xikihme Zakeu tytapyĩ tao. Ynara tykase ynororo Jezu a: — Etako pahne, yyrypyry rumekary se ase. Naeroro ymõkomory apiakãko ase, zokonaka ekarotohme tymõkomokãkara a; imehnõ tinerũ tomatonanohse ahtao ya ynematonanopyhpyry motye asakoropane ekarõko ropa ase eya xine, tykase Zakeu Jezu a.
Tymõkomoke kuahtao xine etuarimaketõ poko senupunatone. Enupunara kuahtao xine ajohpe rokẽ sytatose ynara karyhtao: “Ritonõpo se ase yronymyryme,” karyhtao kyya xine. Morara kaxĩpo etuarimaketõ poko enupunara kuahtao xine ajohpe rokẽ sytatose. Mãpyra etuarimaketõ poko kuenupunarykohtao, ajohpe pyra sytatose.
Ynara kananõ mã: “Ritonõpo poko enupunãko ase,” kananõ mã Jezu poetory zehno ahtao ajohpe rokẽ mã toto. “Ritonõpo pyno ase,” ãko mã toto. Otãto tynenehtorykõ poko enupunãko nah? Mãkara tynenerykõ poko enupunara mã toto. Morara ahtao Ritonõpo pyno ehsaromepyra mã toto tyekyrykõ poko enupunara toehtohkõ samo.