Ruka 3:10 - Ritonõpo Omiry: A Bíblia Sagrada na língua Aparai do Brasil10 Morara kary etaryke tyya xine ynara tykase toh eya: — Morara ahtao oty poko ynanah yna onuãnohpyra Ritonõpo ehtohme? tykase toto tõturupose. အခန်းကိုကြည့်ပါ။ |
Mame soutatu tõ tõturupose roropa eya. Ynara tykase toto: — Yna ke? Otara ãko ynanah rorohpa? tykase toto. Ynara tykase João eya xine: — Amarokomo? Ynara rokẽ ehtoko. Imehnõ onyryhmara ehtoko. Ajohpe pyra ehtoko imehnõ hxiroryhtao roropa oya xine. Osetaehkara ehtoko oerohtamitukõ apoitoh poko oya xine, tykase eya xine.
Oorypyrykõ irumekatoko. Kure ehtoko, iirypyryme pyra, oorypyrykõ turumekase oya xine exiry waro imehnõ ehtohme. Ynara kara ehtoko roropa: “Tuisamehxo Aparão ekepyry kynexine. Naeroro kuãnohpyra xine Ritonõpo mana, Aparão pakomotyãme kuexirykõke,” kara ehtoko. Ynara ãko ase oya xine, Aparão pakomotyãme senohne topu tõkehko riry waro Ritonõpo mana. Ise tahtao tyriry, tykase João eya xine.