Ruka 24:4 - Ritonõpo Omiry: A Bíblia Sagrada na língua Aparai do Brasil

⁴ — Otarahkoh nexiase? tykase toto oseya rokene. Mame tuaro pyra toto ahtao ro, mõtoino rokẽ asakoro orutua kõ tõsenepose eya xine. Zupõkõ karimutume kynexine. Saereh ãko sã kynexine.

Ruka 24:4 ပူးပေါင်းရင်းမြစ်များ

Jenexi 18:2

Mame tõsenuhmase ynororo. Oseruao orutua kõ tonese eya xikihme osema tao. Toto eneryhtao tururume toytose ynororo toto ẽpatakãmase. Tosekumuru po typorohse ynororo, tõmyty po nono pona toto ẽpataka.

Maku 16:5

Mame okepy ẽ aka tomõse toto. Moro tao nuasemã tonese eya xine, typorohse tapotunuru wino, karimutumã ke tupoke.

Ruka 2:9

Moroto toto ahtao Ritonõpo nenyokyhpyry tõsenepose eya xine. Ritonõpo ezuru a tyeipose toto. Epona xine saereh tykase kaino. Saereme potu toehse. Syh tykase toto. Tõserehse toto saerehkane eneryke tyya xine.

Ruka 24:5

Tõserehse toto mokaro eneryke tyya xine. Tupueh tykase toto nono pokoxi. Mame ynara tykase mokaro eya xine: — Oty katoh aẽsemamyhpyry ropa zupĩko matohu zonẽtopõpyry ao?

Atos 1:10

Morarame Jezu poetory tõ osenuhmaryhtao ro kakoxi asakoro orutua kõ toeporehkase toto rãnaka, tupoke karimutumã ke.

Atos 12:7

Morarame Peturu tuaro pyra ahtao Ritonõpo nenyokyhpyry toytose eya. Mõtoino rokẽ saereh tykase ãpuruhpyry tao. Peturu motary tytemuhmase eya, tõpakase eya. — Owõko axiny, tykase ynororo eya. Mame imyhtopõpyry keti toepukase emary tõ poe.

1 Timoteu 3:16

Ajohpe pyra nase. Ynara enetupuhnõko sytatose, osemazuhme tuaro pyra Jezu poko sexiatose repe, yrome Ritonõpo kutuarõtanopyatose. Tumũkuru tonehpose ahnome. Iirypyryme pyra tonepose mokyro Ritonõpo Zuzenu a. Tonese roropa Ritonõpo nenyohtyamo a, kapuaõkomo a. Tokarose ahno tomo a, juteutõkara a roropa. Tonetupuhse roropa mokaro a. Moromeĩpo tarose ropa ynororo kapu aka.