Ruka 23:53 - Ritonõpo Omiry: A Bíblia Sagrada na língua Aparai do Brasil

⁵³ Mame typorohkase eya. Mame kamisa ke tyõtose. Topu oramãka Jezu ekepyry tõmase eya. Moro aka imepỹ ekepyry ononẽpitopyra kynexine.

Ruka 23:53 ပူးပေါင်းရင်းမြစ်များ

Izaja 53:9

Mame tonẽse ekepyry iirypyrymãkõ ekepyry tõ esaka, tymõkomokã maro tonẽse ynororo toorihse ahtao, imehnõ onyryhmara ynororo ahtao ro, ajohpe pyra zae rokẽ aomiry ahtao roropa.”

Maku 15:46

Morarame kamisa karimutumã topekahse eya Jezu ekepyry zõtotohme. Touse ahtao wewe poe tyõtose eya topu eutary risẽ aka tyritohme. Morarame topu parihmã ke okepy ẽ tapuruse eya.

Ruka 23:52

Mame toytose ynororo Pirato a Jezu ekepyry ekaropose. — Jezu ekepyry ouxi wewe poe, tykase ynororo eya. — Ỹ, touta ropa, tykase eya Pirato. Mame toytose ynororo rahkene touse ropa.

Ruka 23:54

Sexta-feira ae morara toehse. Kohmãsasaka kynexine. 6 orame toehse ahtao oserematoh po toehse kynexine juteu tomo a.

João 19:41

Moe pyra tupito kynexine Jezu exixihmatopõpyry a. Moroto kynexine zonẽtopo, topu tyrisenano, moro tupito po. Imepỹ ekepyry ononẽpitopyra kynexine moro aka.

Atos 13:29

Morarame Ritonõpo nekarohpyry ae ro toxixihmase Jezu eya xine. Morotoino ekepyry touse ropa wewe pokoino, zonẽtohme topu aka.