Ruka 23:2 - Ritonõpo Omiry: A Bíblia Sagrada na língua Aparai do Brasil

² Mame Jezu tyhxirose eya xine. Ynara tykase toto: — Mose yna ekyry enekunohnõko mana. Azahkuru toto amorepãko mana. Ynara nase: “Tineru onekaropyra ehtoko sero pata tamuru esemy a, Ĩperatu a,” nase mose ro, tykase toto ajohpe rokene. “Ritonõpo nymenekahpyryme ase, oesẽkõme ase,” nase roropa ynororo, tykase toto Pirato a.

Ruka 23:2 ပူးပေါင်းရင်းမြစ်များ

1 Tuisa 18:17

Mame Eria tonese ahtao ynara tykase Akape eya: — Omoro mase Izyraeu tõ erekohmane konõto! Opokoino Izyraeu tõ nonory po konopo oehpyra toehse, tykase.

Saumu 35:11

Popyra exiketõ ykerekeremãko mã toto; jyhxirõko mã toto popyra ehtoh poko ipoko pyra jahtao.

Saumu 62:4

Tuisame pyra jyripory se rokẽ matose; ajohpe oexirykõ se matose. Kurã sã jekarõko matose õmirykõ ke, yrome okurohtao xine popyra jyripõko matose.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Jeremia 38:4

Mame mokaro tamuximãkõ toytose tuisa a, ynara tykase toto: — Mokyro orihmapory se ynanase. Moro sã aotururuhtao soutatu tõ konehmãko mana sero pata po; ahno emero jamihkehnõko mã toto. Mose imehnõ akorehmary se pyra mana, toto poremãkapory se rokẽ mana emero porehme.

Amoxi 7:10

Mame omi taropose Amazia a, oturukety Peteu po tuisa Jeropoão netaryme, Izyraeu esemy, ynara tykase ynororo eya: — Amoxi osenetupuhnõko mana ahno tõ emero õmiry omipona pyra tyripotohme, tykase Amazia Jeropoão a. — Oepeme pyra roropa toto ripory se mana. Kynonorykõ poremãkapory se roropa mana.

Zakaria 11:8

Typenekehse exiase imehnõ kaneru pyno exiketõ poko. Toiro nuno ae oseruao kaneru poko erohketõ aropoase, toto se pyra toehse jexiryke. Yse pyra toehse roropa toh nexiase.

Mateu 17:27

— Yrome tohne mokaro riry se pyra sytatose. Morara exiryke kana anỹse ytoko ikuhpo kuaka. Mame osemazuhme kana tanỹse oya ahtao, ĩtaka eneko. Tineru enẽko mase ĩtao. Moro tineru aroko tineru apoine a, Ritonõpo Tapyĩ tinerũme, onekaroryme ynekaroryme, enara, tykase Jezu eya.

Mateu 22:21

Ynara tykase Jezu eya xine: — Morara ahtao Ĩperatu kyryry ekarotoko eya. Yrome Ritonõpo kyryry ekarotoko Ritonõpo a, tykase.

Mateu 27:11

Morarame Jezu kowenatu ẽpataka tooehse ahtao ynara tykase kowenatu eya: — Juteu tõ tuisary mahno? tykase tõturupose. — Ỹ, ywy ase, tykase Jezu.

Maku 12:17

Morarame ynara tykase Jezu eya xine: — Morara ahtao kowenu kyryry ekarotoko ropa kowenu tuisary a. Morararo Ritonõpo kyryry ekarotoko Ritonõpo a, tykase Jezu eya xine. Morarame toepohnohse toto Jezu otururu etaryke tyya xine.

Maku 15:2

Mame Pirato tõturupose Jezu a: — Juteu tõ tuisary hmahno? tykase ynororo eya. — Ỹ, ywy ase, tykase Jezu.

Ruka 23:14

Ynara tykase ynororo eya xine: — Mose menehtou ya. Imoihmãkõ enekunohnõko mana, mykatou ya. Morohne poko ekaropõ eya onetarykõme. Iirypyryme pyra mana ya. Ipoko õturutopõpyrykõ poko pyra nexiase.

Ruka 23:5

Yrome orẽpyrahxo ynara tykase toto eya: — Azahkuru opoetory tõ amorepãko mã mose ro, tykase toto ajohpe rokene. — Karirea po imoihmãkõ tamorepapitose eya, kutuisarykõ omipona pyra toto ehtohme, Ĩperatu omipona pyra toto ehtohme. Seromaroro tarona tooehse rahkene. Azahkuru ro toto amorepase tooehse ynororo tarona.

João 18:29

Morara exiryke tutũtase Pirato tapyi tae, toto ẽpatakãmase. Ynara tykase ynororo eya xine: — Oty popyra ehtoh poko mose hxirõko matou? tykase.

João 18:30

Ynara tykase juteu tuisary tõ eya: — Ajoajohpe pyra mose ro ahtao, oya onenehpyra ynanexiry, tykase toto.

João 19:12

Morara kary etaryke tyya Jezu tũtanohpory se ropa toehse ynororo ipunaka. Yrome juteu tõ sekere tykase opore: — Mokyro tũtanohpory ropa ahtao oya Ĩperatu epeme pyra mase exĩko. “Tuisame ase,” kahpõ mã Ĩperatu epeme pyra mana, tykase toto Jezu poko.

Atos 24:13

Jyhxirõko toh mã repe. Yrome ehxiropyra ase, azahkuru pyra jexiryke, ajoajohpe pyra jexiryke roropa.

Atos 24:5

Mose Pauru ajoajohpano. Imehnõ pata tõ poro ytoytokety mose ro. Tyoro amorepatõ mose ro, kowenu omipona pyra juteu tõ ehtohme. Nazare põ poetory esẽ mose ro.

Romanos 13:7

Naeroro kowenu nepehmapotyã oya xine epehmatoko. Kure rokẽ tyritoko roropa toto emero porehme.