Ruka 22:60 - Ritonõpo Omiry: A Bíblia Sagrada na língua Aparai do Brasil

⁶⁰ Yrome ynara tykase Peturu: — Otara ãko mahno? Zuaro pyra reh ahse, tykase Peturu eya. Mame aotururuhtao ro kuratiri totase eya.

Ruka 22:60 ပူးပေါင်းရင်းမြစ်များ

Mateu 26:34

Yrome ynara tykase Jezu Peturu a: — Etako pahne, sero kohmamyry ae kuratiri onetara ro ahtao: “Jezu waro pyra ase, Jezu waro pyra ase,” ãko mase oseruao, tykase Jezu eya.

Ruka 22:34

— Etako pahne Peturu, kuratiri onetara ro ahtao seroae: “Jezu waro pyra ase! Jezu waro pyra ase!” ãko mase oseruao, tykase Jezu eya.

Ruka 22:59

Morarame okynã pitiko ahtao imepỹ roropa orẽpyra tõturuse Peturu maro. — Ajohpe pyra. Jezu maronõpome mase, Karirea põme oexiryke, tykase.

Ruka 22:61

Mame toeramase Jezu. Tỹkakoxi tõsenuhmase. Peturu tonese eya. Mame tosẽ omihpyry poko wenikehpyra toehse Peturu: “Kuratiri onetara ro ahtao seroae: ‘Mose waro pyra ase. Mose waro pyra ase,’ ãko mase oseruao,” katopõpyry poko wenikehpyra toehse.

João 18:27

— Arypyra, ywy kara akene, tykase Peturu. Mame kuratiri totase eya.