Ruka 22:57 - Ritonõpo Omiry: A Bíblia Sagrada na língua Aparai do Brasil

⁵⁷ — Atahmãkara exiko. Mokyro waro pyra ase, tykase Peturu eya.

Ruka 22:57 ပူးပေါင်းရင်းမြစ်များ

Mateu 10:33

Yrome ihxipỹke awahtao xine ypoko: “Jezu waro pyra ase,” karyhtao roropa oya xine imehnõ netaryme, morararo ase: “Mose waro pyra ase,” ãko ase opoko xine Ritonõpo Kapuaõ netaryme, tykase Jezu.

Mateu 26:70

— Arypyra, tykase Peturu toto netaryme. — Otara ãko hmahno? Zuaro pyra sãtã ase, tykase Peturu.

Ruka 12:9

Yrome ihxipỹke awahtao xine ypoko: “Jezu poetory kara ase,” karyhtao roropa oya xine imehnõ netaryme, morararo ase: “Mokyro ypoetoryme pyra mana,” ãko ase opoko xine Ritonõpo nenyohtyã netaryme.

Ruka 22:56

Mame apoto pũto Peturu tonese nohpo a. Ynara tykase ynororo: — Mose roropa Jezu maro nexiase, tykase.

Ruka 22:58

Moromeĩpo orutua a tonese Peturu. — Omoro mase Jezu poetoryme roropa, tykase ynororo eya. — Arypyra, ywy kara. Ipoetoryme pyra ase, tykase Peturu.

João 18:25

Peturu osũnõko ro kynexine. Ynara tykase imehnõ eya, tõturupose: — Mokyro poetoryme pyra hma? tykase toto, tõturupose Peturu a. — Ỹ, Ipoetoryme pyra ase, tykase, Peturu a tozuhse toto.

João 18:27

— Arypyra, ywy kara akene, tykase Peturu. Mame kuratiri totase eya.

Atos 3:19

— Oorypyrykõ irumekatoko. Jezu eahmatoko oesẽkõme aehtohme, oorypyrykõ korokatohme eya,

1 João 1:9

Mãpyra kyyrypyrykõ ekaroryhtao Ritonõpo a kyyrypyrykõ korokãko mana. Kure rokẽ kyritorỹko roropa mana kypyno xine toexiryke. Zae roropa ynororo ipunaka.