Ruka 21:11 - Ritonõpo Omiry: A Bíblia Sagrada na língua Aparai do Brasil

¹¹ Nono jamihme kywyh kywyh ãko roropa mana. Imehnõ emitapãnõko mã toto. Enaroxitapãnõko roropa mã toto. Tyrohsẽ konõto roropa exĩko. Kapu pokona tuarõtatoh exĩko. Oserehtoh roropa exĩko mana.

Ruka 21:11 ပူးပေါင်းရင်းမြစ်များ

Jo 41:9

“Mokyro ihpory Rewiatã eneryhtao rokẽ oserehnõko ahno mana, enaroxitapãnõko mana, epukãko nono pona aorikyhpyry samo.

Joeu 2:30

Moro ẽmepyry oehtoh enetupuhtohme osenuruhkapotoh rĩko ase kapu ao, nono po roropa, munu te, apoto roropa, akurũ tõ orexĩto maro.

Mateu 24:7

Toiro pata põkõ mã imepỹ pata pona ytõko morotõkõ etapase. Tuisa konõto poetory tõ mã ytõko imepỹ tuisa poetory etapase roropa. Mame tomirykõke tuhke orihnõko mã toto tynahke pyra toexirykõke. Nono kywyh kywyh ãko mana tuhke pata tamuru punero.

Ruka 21:10

Ynara tykase roropa ynororo: — Pata tamuru poe soutatu tõ ytõko imepỹ pata esẽ poremãkapose. Imoihmãkõ imepỹ pona ytõko morotõkõ etapase roropa.

Ruka 21:12

— Mame morohne exipyra ro ahtao ãpoitorỹko toh mana. Ohtomatorỹko roropa mã toto. Juteu tõ atamorepatoh taka aarotorỹko mã toto ohxirotohkõme oẽmapotohkõme ãpuruhpyry taka. Oekarotorỹko toh mana tuisa konõto tomo a, kowenu tomo a roropa, jomipona oexirykõke.