Ruka 2:36 - Ritonõpo Omiry: A Bíblia Sagrada na língua Aparai do Brasil

³⁶ Moroto roropa toehse kunumuximano, esety Ana, Panueu ẽxihpyry. Asea parỹpyryme roropa kynexine. Ritonõpo omiry ekaroneme roropa kynexine. Pytỹpome roropa ynororo. Apitoryme tyniotase. Yrome 7me jeimamyry toehse ahtao toorihse inio.

Ruka 2:36 ပူးပေါင်းရင်းမြစ်များ

Jenexi 30:13

Ynara tykase Reia: — Tãkye rokẽ ase! Taroino imehnõ nohpo tõ tãkye jekarõko mã toto. Tumũkuru tosehpase eya Aseame.

2 Tuisa 22:14

Toytose Hiukia tomo, Aikã te, Akapoa te, Sapã te, Asaia maro ekaropose nohpo urutono a, esety Huuta. Esary Jerusarẽ po kynexine, pata zokonaka tyrisenã po. Inio esety Sarũ, Tikiwa mũkuru, Hara pary, upo eraseme kynexine ynororo Ritonõpo Tapyĩ tao. Huuta turuse toto Ritonõpo papẽ sekerematopõpyry poko tuisa a kehko.

Jo 5:26

Tamuhpõme orihnõko mase, jamihme ro, otyro epery toehsehxo ahtao samo. Moro samo tamuhpõme orihnõko mase, jamihme ro.

Saumu 92:14

Tamuhpõme toehse ahtao kure ro exĩko mã toto zae ehtoh poko, eperytaketõ samo, ahtãko ro, jamihme ro.

Exutu 15:20

Urutõme Miriã kynexine Arão oryxiry. Pãteru tapoise eya imehnõ nohpo tõ emero imaro toehse, pãteru tõ etõko, wãko toto.

Ezekieu 13:17

Ynara tykase Ritonõpo: — Ahno mũkuru, seromaroro nohpo tõ eneko, oekyry tomo, typoe xine rokẽ imeĩpo ehtoh ekarõko mã toto, urutõ samo. Oturuko zae pyra toto ehtoh poko.

Ruka 2:38

Morarame toeporehkase ynororo. Moroto poeto tonese eya jẽ maro: — Kure rukukuh na Ritonõpo, tykase ynororo. Poeto poko tõturuse roropa ynororo Jerusarẽ põkõ pynanohne eraximananõ netaryme.

Atos 2:18

Ỹ, ypoetory pona emero Juzenu aropõko ase, orutua kõ pona, nohpo tõ pona roropa.

Atos 21:9

Mokyro ẽxiry tõ asakoropane kynexine, tyniotary satokõkara. Urutõ kõ mokaro Ritonõpo poe.

1 Korĩtiu 11:5

Yrome nohpo tomo, tuhpõke oturutoko Ritonõpo a oximõme awahtao xine. Imehnõ amoreparyhtao roropa oya xine tuhpõke Ritonõpo omiry poko toto amorepatoko. Tuhpõke pyra awahtao xine oniokõ hxirõko matose, ehxirõko roropa matose oũsety sahkahpyry samo.

1 Korĩtiu 12:1

Wekyry tomo, ynara matose: “Oty ekarõko Ritonõpo Zuzenu nae kyya xihne?” matose pape poko. Naeroro Zuzenu Kurã nekarory tõ poko ourutorỹko ase, zae zuaro oehtohkõme.

1 Timoteu 3:2

“Iirypyryme pyra ke ehtoko rorohpa ohxiropyra xine imehnõ ehtohme. Jezu poetory amorepaneme oexirykõ se awahtao xine, toiro rokẽ typye ehtoko. Emotyẽkara ehtoko. Tuaro ehtoko. Kure rokẽ ehtoko. Katonõ pyno ehtoko. Imehnõ amorepaneme kure ehtoko,” kaxiko Jezu poetory amorepaneme se exiketomo a.

1 Timoteu 5:9

Pytỹpo esety imeroko oximõmãkõ ipyno ehtohme 60me jeimamyry nae ahtao. Esety imeroko iniõpyry toiro rokẽ ahtao.

Jozue 19:24

Mame nono tokamose ropa 5me ehtopo, Asea tõ oxiekyry tõ esaryme.

Apokaripxi 7:6

12.000me Asea pakõme, 12.000me Napatari pakõme, 12.000me Manase pakõme,

Juize 4:4

Urutõme Ritonõpo poe Tepora kynexine, Rapitote pyty. Apiakaneme roropa kynexine ynororo, Izyraeu tõ akorehmaneme zae ehtoh riry poko.

1 Samueu 1:2

Eukana asakoro typye nexiase, Ana, Penina, enara. Penina tumũkue toehse, yrome Ana tumũkue pyra nexiase.