Ruka 2:28 - Ritonõpo Omiry: A Bíblia Sagrada na língua Aparai do Brasil

²⁸ Mame tapoise eya. Ynara tykase ynororo Ritonõpo a: — Kure rukukuh Ritonõpo nae.

Ruka 2:28 ပူးပေါင်းရင်းမြစ်များ

Saumu 32:11

Tãkye ehtoko emero zae ehtoh poko exiketomo, Ritonõpo nyrihpyry poko atãkyematoko! Eremiatoko tãkye rahkene, amarokõ emero aomiry omipona exiketomo!

Maku 10:16

Morara kaxĩpo poetohti tapoise Jezu a eahmatohme. Zupuhpyrykõ pona tomary tyrise eya kure rokẽ toto ripotohme Ritonõpo a. — Kure rokẽ oripotorỹko ase Papa Kapuaono a, tykase ynororo eya xine.

Maku 9:36

Mame poeto pitiko tyrise eya toto rãnaka, xikihme. Mame tonaka tyrise eya eahmatohme. Ynara tykase ynororo:

Ruka 1:46

Mame toremiase Maria Ritonõpo netaryme:

Ruka 1:64

Morarame axĩ toekurãkase ropa ynororo. Taomitanohpose ropa. — Kure Ritonõpo mana, tykase ynororo.

Ruka 1:68

— “Kure mase,” sykatone Ritonõpo a. “Yna esẽme mase, Izyraeu esẽme!” sykatone eya. Typoetory tõ akorehmatohme tooehse ynororo iirypyrykõ korokatohme, toto myhpokatohme ropa samo.

Ruka 2:20

Morarame toytose ropa kaneru erase tomo. Toytorykõ ropa ahtao toremiase toto. Ynara tykase toto Ritonõpo a: — Kure kuhse mase, Ritonõpo. Imehxo mase, tykase toto, toremiarykohtao. Tãkye toehse toto tynenehpyrykõ poko, tynetahpyrykõ poko roropa, Ritonõpo nenyokyhpyry omiry zae toehse exiryke.

Ruka 2:27

Mame Ritonõpo Zuzenu poe toytose ynororo Ritonõpo maro oturutoh taka. Moroto ynororo ahtao jẽ tõ tooehse. Tumũkuru Jezu tonehse. Moeze omihpyry poe tynekarory ekarose toytose toto. Mame Jezu tonese eya jẽ enao.

Ruka 2:29

Seromaroro õmihpyry ae ro onenehpohpyry enẽko ase rahkene, orihpyra ro jahtao. Amonohkara mase. Jenuru ke nymyry onenehpohpyry enẽko ase, sero nono põkõ pynanohneme. Morara exiryke tãkye ase. Torẽtyke pyra exi rahkene jorikyry poko.

Jozue 22:33

Mame aomirykõ Izyraeu tõ zamaro kynexine. Naeroro Ritonõpo toahmase eya xine. Osenetupuhpyra toehse toh kynexine osetapary poko te, Rupẽ tõ nonory enahkary poko te, Kate tõ nonory maro.