Ruka 2:21 - Ritonõpo Omiry: A Bíblia Sagrada na língua Aparai do Brasil

²¹ Pake: “Jezume esehpako,” tykase Ritonõpo nenyokyhpyry Maria a, emũkuapitopyra ro ahtao. Morara exiryke 8me tõmehse ahtao tosehpase Jezume, esehpapotopõpyry ae ro. Jaĩpotapihpyry tysahkapose jũmane a tytamurukõ omi poe.

Ruka 2:21 ပူးပေါင်းရင်းမြစ်များ

Jenexi 17:12

Taroino opoenõkõ aipotapihpyry isahkatoko, enurusenã, 8me ẽmepyry taropose ahtao aipotapihpyry isahkatoko. Opoetory poenõ tonuruse ahtao isahkatoko roropa.

Rewitiku 12:3

Mame ẽmepyry 8mã po enurusenã aĩpotapihpyry sahkãko mana.

Mateu 1:21

Enurũko mana orutuame. Mame Jezume mokyro esehpãko mase. Ynara exiryke, typoetory tõ kurãkãko mana. Toto rypyry korokãko roropa mana. Morara exiryke Jezume esehpãko mase, tykase sã mokyro Ritonõpo nenyokyhpyry Joze a aosenety.

Mateu 1:25

Yrome typyty maro pyra kynexine aporo aenururu ponãmero. Mame tonuruse ahtao Jezume tosehpase eya.

Mateu 3:15

Yrome ynara tykase Jezu eya: — Jomipona rokẽ exiko. Morara awahtao Ritonõpo omipona exĩko sytase, tykase. Morara karyke tyya Jezu omipona toehse João.

Ruka 1:31

Poetoẽme exĩko mase. Emũkuãko mase orutuame. Jezume ke mesehpatase.

Ruka 1:59

Mame 8me tõmehse ahtao poeto aĩpotapihpyry sahkase tooehse jekyry tomo: “Mose Ritonõpo poetoryme,” katohme. Mame Zakariame esehpary se toh kynexine repe, jũ esety ae ro, repe.

Piripo 2:8

Mame orẽpyra toexiry turumekase Tumy omipona toehtohme ipunaka toorikyry ponãmero. Tumy omihpyry ae ro Jezu kynorihne. Wewe axikahpyry pokona toxixihmase, iirypyryme aexihpyry samo.