Ruka 2:12 - Ritonõpo Omiry: A Bíblia Sagrada na língua Aparai do Brasil

¹² Mame mose ro poko enetupuhnõko matose, ynara eneryhtao oya xine. Enurusenã enẽko matose kamisa ke tãtose. Tohrame mana pui nahpatoh tao. Ourutorỹko ase ipoko enese oytotohkõme, tykase eya xine ynororo.

Ruka 2:12 ပူးပေါင်းရင်းမြစ်များ

2 Tuisa 19:29

Mame ynara tykase Izaja tuisa Ezekia a: — Ynara zae tõmiry ehtoh enetupuhpotoh rĩko Ritonõpo mana. Sero jeimamyry ae, moae roropa, tamoreme tahtase exiketõ enahnõko matose. Yrome moromeĩpo otyro arykãko matose, tiriiku tõkehko, ipuhturu apoĩko roropa matose. Uwa zoko arykãko matose, epery enahnõko roropa matose.

2 Tuisa 20:8

Mame tõturupose Ezekia eya: — Oty rĩko Ritonõpo nae, jukurãkary ropa waro jehtohme? Oseruao tynyhse jahtao jytotohme Ritonõpo Tapyĩ taka?

Saumu 22:6

Yrome ywy orukome rokẽ ase; ahnome pyra. Jeunohnõko mã toto emero, ypoihtõko roropa mã toto.

Exutu 3:12

Ynara tykase Ritonõpo: — Amaro exĩko ase. Ypoetory tõ enepyryhtao oya Ejitu poe, sero ypy pona oehnõko matose jeahmase. Morara toehse ahtao tuaro exĩko matose ywy roro kuenyohno.

Izaja 7:11

— Ekaropoko Ritonõpo Oesẽkomo a toiro enetupuhpotoh enepotohme oya. Moro enetupuhpotoh otarame oehnõko moino zue ae, aorihtyã esary poe te, otarame oehnõko kaino kapu ae.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Ruka 2:13

Mame mõtoino rokẽ kapuaõkõ imehnõ tõsenepose eya xine. Ritonõpo nenyokyhpyry tomo. Morarame toremiase toto, kapuaõkomo, Ritonõpo kure exiry poko. Ynara tykase toto toremiase:

Ruka 2:7

Aemũkuapitory kynexine orutuame. Ahno eky tapyĩ tao tonuruse ynororo katonõ nyhtoh pehme exiryke. Mame tumũkuru tãtose jeny a kamisa ke. Pui napyry ẽ aka tyrise eya inyhmatohme tosake pyra toexirykõke.

1 Samueu 2:34

Mame jomihpyry waro oehtohme opoenõ asakoro orihnõko mana, Hopini, Pineia, enara. Toiro ẽmepyry ae orihnõko mã toto.