Ruka 18:27 - Ritonõpo Omiry: A Bíblia Sagrada na língua Aparai do Brasil

²⁷ — Ỹ, ãmoreme xine ro osepynanohsaromepyra matose. Yrome Ritonõpo opynanopyrykõ waro mana, tykase Jezu eya xine.

Ruka 18:27 ပူးပေါင်းရင်းမြစ်များ

Jenexi 18:14

Oty tupime nae Ritonõpo a? Arypyra, emero tupime pyra ya. Naeroro morara ykano: “Taroino jeimamyry taropose ahtao oehnõko ropa ase. Mame morara ahtao Sara emũkuãko mana.”

Jo 42:2

“Enetupuhnõko ase, Ritonõpo, jamihmehxo mase. Tyriry se oehtoh emero tyrĩko mase. Oetypohkaposaromepyra imehnõ mana.

Jeremia 32:17

— Ritonõpo Jesemy, ajamitunuru ke kapu tyrise oya nono roropa. Emero tupime pyra mana oya.

Tanieu 4:35

Ritonõpo a kurãkõ nymyryme pyra sytatose; ipoetoryme sytatose nono põkomo te, inenyohtyã kapuaõkõ roropa. Tyriry se ynororo ahtao anakorekehkasaromepyra sytatose. ‘Morohne poko pyra exiko,’ kasaromepyra sytatose eya.”

Zakaria 8:6

Moro otarame exisaromepyra ekarõko aehtyamo Papironia poe, namoto tõme ehxĩpo. Yrome ya moro exĩko mana, Ritonõpo Jamihmehxo Exiketyme jexiryke.

Mateu 19:26

Tonese toto Jezu a. Mame ynara tykase ropa ynororo eya xine: — Ãmoreme xine omõpyra matose Ritonõpo esaka. Yrome Ritonõpo typoetoryme orirykõ waro mana, emero tyriry waro Ritonõpo exiryke, tykase Jezu eya xine.

Ruka 1:37

emero tyriry waro Ritonõpo exiryke, tykase.

Ruka 18:26

Ynara tykase aomiry etananomo: — Morara ahtao otara Ritonõpo esaka omõnõko ynanah, jũme imaro yna ehtohme? tykase toto, tõturupose Jezu a.