Ruka 18:13 - Ritonõpo Omiry: A Bíblia Sagrada na língua Aparai do Brasil

¹³ — Mame mokyro, kowenu tinerũ poko erohkety ameke rokẽ toexikihmase Ritonõpo a tõturutohme. Kakoxi osenuhmara kynexine Ritonõpo ẽpataka, popyra toexiry enetuputyryke tyya. Toepurotõtõmase ynororo toemynyhmaryke. Ynara tykase ynororo: “Ritonõpo, iirypyryme rokẽ ase, nupunato kueneko myhene,” tykase ynororo.

Ruka 18:13 ပူးပေါင်းရင်းမြစ်များ

2 Samueu 12:13

Mame ynara tykase Tawi Natã a: — Yyrypyry poko exiase, iirypyryme ase Ritonõpo neneryme. — Ỹ, oorypyry korokãko Ritonõpo mana, tykase Natã, orihpyra mase.

2 Koronika 33:19

Tuisa Manase oturutopõpyry Ritonõpo a te, ezuhtopõpyry Ritonõpo a te, inyrityã iirypyryme tyyrypyry onurumekara ro ahtao te, ahno nyrityã eahmatopõpyry eya Ritonõpo myakãme te, imehnõ neponãmary eahmatoh ritopõpyry eya te, ahno naxikahpyry roropa eahmatohme, morohne emero tymerose pape pokona esety Urutõ kõ Ehtopõpyry.

2 Koronika 33:23

Yrome tumy sã pyra tyyrypyry onurumekara nexiase Ritonõpo omipona toehtohme ropa. Iirypyryme tumy ehtopõpyry motye tyyrypyry poko nexiase.

Extara 9:6

Ynara tykase ywy: — Ritonõpo, ehxirõko ase yronymyryme. Enaromỹke ywy jupuhpyry anymyry poko oẽpataka. Yna rypyry itamurume nae nase, zuemã sã nase yna a. Tyneryse sã ynanase yna rypyry aka. Kaetokohxo yna rypyry toehse, kapu pona samo.

Jo 42:6

Morara exiryke ehxirõko ase joturutopõpyry poko emero. Yyrypyry tõ ekarõko ase oya, taro typorohse jahtao nono pona, oruno htao.”

Saumu 106:6

Popyra toehse kymarokomo, zae pyra ipunaka; iirypyryme toehse sytatose, kytamurukõ samo.

Saumu 119:41

Ritonõpo Jesemy, ypynohxo oehtoh enepoko ya, kypynanohko jepetõkara winoino õmihpyry ae ro!

Saumu 130:7

Izyraeu tomo, Ritonõpo Oesẽkõ enetupuhtoko opyno xine exikehpyra aexiryke, opynanopyrykõ se exikehpyra roropa aexiryke.

Saumu 25:11

Ritonõpo Jesemy, õmihpyry omipona exiko, yyrypyry tõ ikorokako, tuhke toehse exiryke!

Saumu 25:7

Moino ro iirypyryme toehse ywy, poetome ro jahtao azahkuru jehtopõpyry poko owenikehko. Yna pyno oexiryke, kure roropa oexiryke wenikehpyra exiko ypoko, Ritonõpo, Jesemy!

Saumu 40:12

Tomyehmase ywy yyryhmatoh ke tuhke. Ikuhpỹme mã toto. Yyrypyry tõ pokoino otupĩko ywy tonurẽkara samo. Jũsety motye jupuhpyry po yyrypyry tõ toehse tuhke, naeroro typoremãse ywy.

Saumu 41:4

Ynara ase: “Ritonõpo Jesemy, iirypyryme toehse ywy oneneryme. Juãnohpyra exiko kukurãkako ropa.”

Exutu 33:10

Moro akurũ eneryke Izyraeu tomo a Tapyi omõtoh tao tosekumuru po typorohse toto emero porehme.

Izaja 1:18

Ynara ãko Ritonõpo Kuesẽkõ mana: “Osehtoko xiaro, soturutone sero poko. Oorypyrykõ ke tonohse sã matose tahpireme, xinukutumehme sã xikuxikumã samo. Yrome okurikatorỹko ase, karimutume exĩko ropa matose mauru samo, karimutume kaneru hpoty samo.

Izaja 6:5

Mame ynara ase: — Popyra ehtoh oehnõko ya! Tytahse ywy iirypyryme jexiryke! Ypotapihpyry nuriame nase. Ahno maro roropa ase typotapihpyryke nuriame exiketõ ke. Jenuru ke Tuisa Imehxo Exikety enease, Ritonõpo Jamihmehxo Exikety mokyro.

Izaja 66:2

Ya ro kapu tyrise, nono roropa, senohne emero esẽme ase. Tymõkomokãkara pyno ase, tyyrypyry rumekary se exiketõ roropa, Tosẽkõme jenetupuhnanõ yzamaro mana, jomihpyry omipona exiketomo.

Ezekieu 16:63

Popyra onyrityã korokãko ase emero, yrome morohne poko wenikehpyra exĩko mase. Toehxirose oexiryke ihxipỹke exĩko mase õtururu poko. Ywy, Ritonõpo Imehxo Exikety, oturuno.

Tanieu 9:5

Tyyrypyhpyke toehse ynanase, azahkuru ehtoh roropa; popyra ehtoh poko toehse ynanase, õmiry omipona pyra; onyripohpyry omipona pyra toehse ynanase, zae ehtoh turumekase yna a.

Mateu 10:3

Piripe roropa kynexine Patoromeu te, Tome te, Mateu roropa. Kowenu tinerũ apoiry poko aerokuhpyry Mateu kynexine. Imepỹ Tiaku roropa Aupeu mũkuru kynexine te, Tateu te,

Mateu 6:5

— Mame Ritonõpo maro õtururukohtao ajohpãkõ sã pyra ehtoko. Xikihme owõnõko mokaro mana, oximõmãkõ rãnao, jarao roropa osema tao tõturutohkõme Ritonõpo maro repe. Etatoko pahne, mokaro pake topehmase sã mã toto.

Mateu 9:13

Ritonõpo omiry poko otuarõtatoko. Ynara ãko Ritonõpo omiry: “Onekarorykõ ya kure repe, kaneru tõkehko. Yrome imehnõ pyno oexirykõ se nymyry ase,” ãko Ritonõpo omiry. Moro enetuputyryhtao oya xine, joehtopõpyry poko enetupuhnõko roropa matose. Kapu ae tyhtose ywy. Kure exiketõ poko hkopyra ase. Yrome iirypyryme exiketõ pyno ehse oepyase, Ritonõpo poetoryme toto ehtohme, tykase Jezu parixeu tomo a.

Maku 11:25

Mame õtururukohtao Ritonõpo a imehnõ zehno pyra ehtoko. Zae pyra toto ehtopõpyry poko tuenikaro rokẽ ehtoko, Omykõ kapuaõ ozehno xine pyra ehtohme roropa, oorypyrykõ korokatohme roropa eya.

Ruka 17:12

Mame pata pitiko pona toeporehkase ahtao tõseporyse Jezu ipũ imotatyã maro, 10me. Amekeino rokẽ tõsenuhmase toto torukoimorykohxike.

Ruka 22:41

Morotoino toytose ynororo myahme sã pitiko toiroro toehtohme. Tosekumuru po typorohse tõturutohme Tumy a.

Ruka 23:48

Morarame Jezu orihxĩpo, exixihmary enehpõkõ toytose ropa tosaka xine. Toepurotõtõmase toto toytorykõ ropa ahtao, sam karyke tukurohtao xine.

Ruka 5:8

Yrome moro eneryke Ximão Peturu a tosekumuru po typorohse ynororo Jezu ẽpataka imehxo Jezu enetuputyryke tyya. Ynara tykase ynororo Jezu a: — Tuisa, amekehme sã exiko ywinoino. Popyra ase, iirypyryme, tykase ynororo.

Atos 2:37

Morarame toemynyhmase toto Peturu omiry etaryke tyya xine: — Morara ahtao oty rĩko ynanah? tykase toto Peturu tomo a, tõturupose.

Romanos 5:8

Yrome moro motye kuhse kypyno xine Ritonõpo ehtoh mana. Iirypyryme ro kuahtao xine Kyrixtu kynorihne kymyakãkõme, orihpyra kuehtohkõme.

2 Korĩtiu 7:11

Oemynyhmatohkõ zae kynexine Ritonõpo a. Axĩ toemynyhmase amarokomo oorypyrykõ poko. Oorypyrykõ rumekary se toehse matose. Oorypyrykõ poko oehtopõpyrykõ poko toehxirose matose. Ipoko ropa oexirykõ zuno toehse mexiatose. Yronymyryme kure ehtoh poko se toehse matose. Tyyrypyry poko aexihpyry zehno mexiatose. Mokyro wãnopyry se mexiatose. Naeroro imehnõ tutuarõtanohse zae oehtohkõ poko.

1 Timoteu 1:15

Ynara kary zae mana, Jezu Kyrixtu nono pona tooehse iirypyrymãkõ pynanohse. Morara katopõpyry enetuputyry kure. Ywy roropa iirypyryme itamurume aexihpyryme ase.

Epereu 4:16

Morara exiryke oserehpyra sehtone. Soturutone Ritonõpo maro, kypyno xine exiryke. Kyyrypyrykõ korokãko mana. Kypyno xine toexiryke jamihme kyritorỹko mana, kyyrypyrykõ poko kyrirykõ se joroko tamuru ahtao.

Epereu 8:12

Mame toto rypyry korokãko ase, toto onuãnohpyra ase exĩko. Iirypyrykõ poko wenikehnõko roropa ase jũme,” tykase.