Ruka 18:1 - Ritonõpo Omiry: A Bíblia Sagrada na língua Aparai do Brasil

¹ Mame typoetory tõ tamorepase Jezu a toto osenetupuhtohme tõtururukõ poko Ritonõpo maro. Ynara tykase ynororo eya xine: — Ritonõpo maro oturukehpyra ehtoko. Penekehpyra ehtoko õtururukõ poko Ritonõpo a, tykase ynororo eya xine.

Ruka 18:1 ပူးပေါင်းရင်းမြစ်များ

Saumu 102:17

Typoetory tõ irumekatyã omiry etãko mana. Otato exĩko mana, toto otururu etãko.

Saumu 27:13

Zuaro ase isene ro jahtao Ritonõpo Jesẽ nyriry kurã enẽko ase orihpyra ro jahtao.

Saumu 65:2

Yna otururu etaneme oexiryke, oya ahno emero nono põkõ oehnõko mana oeahmase

Saumu 86:3

Omoro mase Ritonõpo, Jesemy. Naeroro juãnohpyra exiko; oya jotururu poko kohmãnõko ase.

Izaja 40:31

Yrome Ritonõpo enetupuhnanõ mã jamihme exĩko ropa. Onuhnõko mã toto kakoxi piano tõ samo; tururume ytõko mã toto yrome apotũkehpyra exĩko; pupu po ytoytõko mã toto, mame etaehpyra exĩko.

Izaja 62:7

“Ah Ritonõpo oseremara nexino, Jerusarẽ kurãkatoh ropa ponãmero eya, sero nono põkõ emero ripotohme Ritonõpo a Jerusarẽ patary eahmatohme.”

Jeremia 29:12

Mame ykohmãko matose, oturũko roropa matose ya, mame ywy oezuhtorỹko ase.

Jona 2:7

Orihsasaka jahtao, wenikehpyra opoko exiase, Ritonõpo, oturuase oya, mame kuetase Atapyĩ kurã tao awahtao.

Ruka 11:10

Ynara exiryke, ekaroponanõ tynekaropohpyrykõ apoĩko mã toto. Zupinanõ tunupihpyrykõ enẽko ropa mã toto. Tapyi taka tomomyry se exiketõ ikohmaryhtao, tapyi apuruhmakãko mã toto. Omõnõko roropa mã toto.

Ruka 21:36

Naeroro joepyry ropa eraximatoko. Kokoro rokẽ oturutoko Ritonõpo maro, poremãpyra oehtohkõme serara tooehse ahtao. Mame ehxiropyra matose Kapu ae Ayhtohpyry ẽpataka oytorykohtao, tykase Jezu eya xine.

Romanos 12:12

Jezu maro tuhke jeimamyry aropõko sytatose Ritonõpo esao. Moro poko õsenetuputyrykõ poko tãkye ehtoko. Oetuarimarykohtao eanahtotoko. Oturukehpyra ehtoko Ritonõpo maro.

2 Korĩtiu 4:1

Yna pyno toexiryke yna erohtoh tokarose Ritonõpo a yna a imehnõ amorepatohme typoko, tõmiry kurã poko, enara. Naeroro orẽpyra ynanase erohnõko.

Karaxia 6:9

Naeroro penekehpyra sehtone imehnõ riry poko kure. Morarame poremãpyra kuahtao xine kurã apoĩko sytatose imeĩpo.

Epezu 6:18

Morohne poko ehtoko emero õtururukohtao Ritonõpo maro. Oturutoko Ritonõpo a, ãkorehmatohkõme. Emero rokẽ ahtao oturutoko Ritonõpo maro Zuzenu nekarory poko. Naeroro tuaro ehtoko. Poremãpyra ehtoko roropa. Ritonõpo poetory poko oturukehpyra ehtoko.

Piripo 4:6

Torẽtyke pyra ehtoko. Emero poko oturutoko Ritonõpo maro. Openetatohkõ ekaropotoko eya. Mame: “Kure mase Papa,” kahtoko roropa eya õtururukohtao.

Koroxi 4:12

Epapura roropa: “Kure pãna matou?” kary se oya xine mana. Mokyro oekyrykõme roropa mana. Jezu Kyrixtu omipona exiketyme roropa mana. Oturukehpyra ynororo yronymyryme Ritonõpo a opoko xine Jezu enetuputyry onurumekara oehtohkõme. “Orẽpyra Koroxi põkõ tyriko Papa, tuarohxo toto ehtohme zae ehtoh poko. Õmiry zae ehtoh waro tyriko toto. Õmipona ipunaka tyriko toto roropa,” ãko ynororo Ritonõpo a opoko xine.

Koroxi 4:2

Oturukehpyra ehtoko Ritonõpo a. Tuaro ehtoko õtururukohtao, “Kure mase,” kakehpyra ehtoko Ritonõpo a.

1 Tesaronika 5:17

Oturukehpyra ehtoko Ritonõpo netaryme.

1 Samueu 1:12

Mame moro poko aotururuhtao putiputime rokẽ oturũko nexiase Ritonõpo a. Mame ipotapihpyry tonese Eri a.