Ruka 17:25 - Ritonõpo Omiry: A Bíblia Sagrada na língua Aparai do Brasil

²⁵ Yrome osemazuhme aporo osanume exĩko ynororo mana. Etuarimãko itamurume mana. Mame tosẽkõme ise pyra roropa exĩko seromatokõ mana.

Ruka 17:25 ပူးပေါင်းရင်းမြစ်များ

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Mateu 16:21

Morotoino typoetory zurupitone Jezu toorikyry poko. Ynara tykase ynororo: — Jerusarẽ pona ytõko ase Ritonõpo omi poe. Moroto jahtao yyryhmãko juteu tõ esẽ mana, Ritonõpo maro oturuketõ tuisary tõ roropa, Moeze omihpyry poko imehnõ amorepananõ roropa. Mame jetapapõko mã toto. Yrome oseruao tõmehse ahtao ẽsemãnõko ropa ase, tykase Jezu eya xine.

Mateu 21:42

Ynara tykase Jezu eya xine: — Ritonõpo omiry onysekeremara ro matou? Ynara tymerose mana: “Tapyi risẽ sã mokyro mana, tapyi rinanõ nurumekahpyry samo. ‘Popyra sero nase,’ tykase toh repe. Yrome tapyi nikapuru apoihtyme toehse kure exiryke, tũpore, jamihme tapyi ehtohme. Morara tyrise Kuesẽkomo a. Morara exiryke kure mana. Kyzamaro xine mana,” me tymerose Ritonõpo omiryme.

Maku 10:33

— Etatoko pahne, Jerusarẽ pona ytõko sytatose. Kapu ae Ayhtohpyry ase. Yrome Ritonõpo maro oturuketõ tuisary tõ jewokãko mana. Moeze omihpyry warõkõ roropa jewokãko jorihmapotohme juteutõkara a.

Maku 12:10

— Ritonõpo omiry onenepyra ro matou? Meneatose ro. Ynara tymerose eya: “Tapyi rinanõ nurumekahpyry: ‘Topu popyra,’ karyke eya xine, mororo tyrise ropa tapyi kyryryme, kure exiryke tũpore, jamihme tapyi ehtohme.

Maku 8:31

Mame typoetory tõ maro tõturuse Jezu: — Kapu ae Ayhtohpyry ase. Yrome tuhke rokẽ jurumekãko mã toto, tamuximãkomo, Ritonõpo maro oturuketõ tuisamãkomo, Moeze omihpyry warõkomo, enara. Utuarimapõko mã toto. Jorihmapõko mã toto. Yrome oseruao tõmehse ahtao ẽsemãnõko ropa ase, tykase ynororo.

Maku 9:31

Mame ynara tykase ynororo typoetory tomo a: — Kapu ae Ayhtohpyry ase. Yrome jewokãko toh mana ahno a jorihmapotohme. Mame taorihmapose jahtao ẽsemãnõko ropa ase oseruao tõmehse ahtao, tykase Jezu typoetory tomo a.

Ruka 18:31

Mame Jezu a imoihmãkõ htae typoetory tõ tykohmase tyya 12mãkomo, tõturutohme toto maro. Ynara tykase ynororo eya xine: — Etatoko pahne, ytõko sytatose Jerusarẽ pona. Moroto Kapu ae Ayhtohpyry ryhmãko mã toto. Ritonõpo poe urutõ kõ nymerohpyry ae ro, ihtomãko mã toto. Katopõpyry ae ro emero exĩko mã seromaroro.

Ruka 18:33

Ypiypipohnõko mã toto. Moromeĩpo jetapãko toh mã rahkene. Yrome oseruao tõmehse ahtao ẽsemãnõko ropa ase, tykase Jezu.

Ruka 24:46

— Ynara tymerose Ritonõpo omiryme: “Ynymenekahpyry ypoe ro etuarimãko mana. Orihnõko mana. Mame ẽsemãnõko ropa mana oseruao tõmehse ahtao.”

Ruka 9:22

Mame ynara tykase ropa ynororo typoetory tomo a: — Kapu ae Ayhtohpyry htomãko mã Izyraeu tõ tamuxiry tomo. Tutuisarykõme yse pyra exĩko mã toto. Jetapary se exĩko mã toto, Ritonõpo maro oturuketõ tuisary tõ maro, Moeze nymerohpyry poko amorepatõkõ maro roropa. Mame jexixihmapõko toh mana jorihmapõko. Yrome moromeĩpo oseruao tõmehse jahtao ẽsemãnõko ropa ase, tykase eya xine.

João 1:11

Tosaka tooehse ynororo repe, yrome jekyry tõ ise pyra.

João 12:38

Morara exiryke zae kynexine urutõ omihpyry pake, Izaja omihpyry. Ynara tykase ynororo: “Ritonõpo Kapuaono, moxiã nase yna omiry onenetupuhpyra nase toto. Ajamitunuru roropa onenetupuhpyra nase toto,” tykase Izaja pake. Zae morara tykase. Zae ro aomihpyry mã seromaroro.

1 Samueu 10:19

Yrome Ritonõpo Oesẽkõ turumekase oya xine. Opynanohnekõ turumekase. Ynara tykase amarokomo: ‘Arypyra. Tuisa se ynanase yna esẽme ehtohme.’ Morara exiryke oximõme ehtoko Ritonõpo ẽpataka. Jako poenõ 12mãkõ oxiekyry tomo ipakomotyã maro.”

1 Samueu 8:7

Mame tozuhse ynororo Ritonõpo a, ynara tykase: — Mokaro omiry etako, orumekãko rokẽ pyra mã toto. Jurumekãko roropa mã toto tutuisarykõme, tykase Ritonõpo.