Ruka 17:15 - Ritonõpo Omiry: A Bíblia Sagrada na língua Aparai do Brasil

¹⁵ Mame toekurãkary ropa eneryke tyya, toirõ toeramase ropa Jezu a. — Kure Ritonõpo mana, tykase ynororo opore.

Ruka 17:15 ပူးပေါင်းရင်းမြစ်များ

Mateu 9:8

Mame moro eneryke tyya xine tõserehse toto. — To! Kure mase Ritonõpo, ajamitunuru tokarose oya exiryke ahno a. Morara exiryke kurãkara tukurãkase ropa eya, tykase toto Jezu poko.

Maku 2:12

Mame kuranõpokara towõse ropa totuety tapoe. Totuety tarose ropa eya. Mame tutũtase ropa ynororo tapyi tae imoihmãkõ neneryme. Mame tõsenuruhkase toto. — To! tykase toto. — Kure Ritonõpo imehxo. Mose ro panõ onenepitopyra sytatose, tykase toto.

João 5:14

Imeĩpo tunukurãkahpyry ropa tonese ropa Jezu a Ritonõpo Tapyĩ tao. Ynara tykase ynororo eya: — Enẽko mase. Kure mexi ropa. Morara exiryke oorypyry irumekako, popyra ipunaka oehtoh anapoizomopyra oehtohme, tykase Jezu eya.

João 9:38

— Ỹ, enetupuhnõko ase, tykase. Tosekumuru po typorohse ynororo Jezu ẽpataka, tuisame imehxo enetuputyryke tyya. Morara exiryke tosekumuru po typorohse ynororo Jezu ẽpataka tonuremỹpokara.