Ruka 14:1 - Ritonõpo Omiry: A Bíblia Sagrada na língua Aparai do Brasil

¹ Mame parixeu tapyĩ taka toytose Jezu otuhse, oserematoh ae. Moroto imehnõ parixeu tõ roropa kynexine. Jezu enẽko tỹme toh kynexine.

Ruka 14:1 ပူးပေါင်းရင်းမြစ်များ

Saumu 37:32

Zae ehtoh poko exiketõ enẽko popyra exiketõ mana. Toto etapary se mã toto.

Saumu 41:6

Jenese oehketõ ajohpe rokẽ mã toto; oturupõko mã toto kure pyra jehtoh poko, mame tõmirykõ ahpahnõko mã toto.

Saumu 62:4

Tuisame pyra jyripory se rokẽ matose; ajohpe oexirykõ se matose. Kurã sã jekarõko matose õmirykõ ke, yrome okurohtao xine popyra jyripõko matose.

Porowepio 23:7

“Otuhko ty toiro,” ãko mã ynororo repe, yrome tyoro aosenetupuhtoh mana.

Mateu 12:12

Kaneru tõ kure Ritonõpo a. Ipyno mana. Yrome kaneru motye kuhse opyno xine mana. Naeroro azahkuru matose imehnõ akorehmary se pyra awahtao xine. Moeze omihpyry omipona sytatose imehnõ akorehmaryhtao kyya xine oserematoh ae ro, tykase Jezu eya xine.

Maku 3:2

Morarame parixeu tõ Jezu enẽko toh kynexine aehxirotohme repe. — Otarãme kurãkara kurãkãko ropa mana oserematoh ae, tykase toto.

Ruka 11:37

Mame tõturukehse Jezu ahtao, parixeu a toahmase tytapyĩ taka autuhtohme. Mame toytose ynororo itapyĩ taka, otuhse. Mame osemahpyra ro typorohse ynororo otuhtoh pona.

Ruka 14:2

Mame imepỹ tooehse Jezu a, jaxiry jaohpyry, apory jaohpyry. Mokyro tooehse Jezu a. Mame Jezu enẽko toh kynexine. Kurãkara kurãkaryhtao, popyra ekarõko toh kynexine, oserematoh ae kurãkara kurãkaryke eya.

Ruka 17:20

Ynara tykase parixeu tõ Jezu a: — Otãtahtao Kuesẽkõme toexiry enepõko Ritonõpo nah? tykase toto. Ynara tykase Jezu eya xine: — Kuesẽkõme Ritonõpo ehtoh osenepyra mana.

Ruka 20:20

Naeroro Jezu apoitoh eraximãko rokẽ toh kynexine. Enenanõ topehmase eya xine Jezu enekunohtohme repe. — Kure sã oturutoko imaro. Oturupoko roropa eya. Mame yronymyryme aomiry etatoko. Otarãme azahkuru ynororo mana. Otarãme kowenu kerekeremãko mana. Morara ahtao kowenatu a ekarõko sytatose. Kowenatu omi poe rokẽ etapãko sytatose, tykase toto Jezu poko.

Ruka 6:7

Moro tao Moeze nymerohpyry poko amorepatõkõ kynexine parixeu tõ maro. Ahno kurãkary enery se toh kynexine Jezu a oserematoh ae. “Mokyro popyra mana. Moeze nymerohpyry omipona pyra mana,” kary se toh kynexine. Morara exiryke toraximase eya xine, Jezu hxirotohme tyya xine.

João 3:1

Mame orutua mokyro, esety Nikotemu. Tuisame ynororo kynexine, juteu esẽme. Parixeume roropa kynexine.

Atos 5:34

Yrome toiro towõse tõturutohme. Parixeume ynororo, esety Kamarieu. Moeze omihpyry poko amorepatõme ynororo. Emero ise roropa toh kynexine. Mokyro a Peturu tõ jarãnaka taropose aporo. Mame ynara tykase ynororo: