Ruka 13:34 - Ritonõpo Omiry: A Bíblia Sagrada na língua Aparai do Brasil

³⁴ Mame ynara tykase ropa: — Jerusarẽ põkomo, Ritonõpo poko urutõ kõ etapananõme matose. Topu emananõme matose Ritonõpo naropotyã pona, oya xine aropotyã pona. Tuhke rokẽ oeahmarykõ se exiase repe. Oewomarykõ se roropa exiase repe kuratiri nohpory a typoenõ ewomary samo taporiry zopikoxi. Yrome yse pyra mexiatose.

Ruka 13:34 ပူးပေါင်းရင်းမြစ်များ

Neemia 9:26

“Yrome opoetory tõ orumekary se toehse, owino toeramase toto; õmiry omipona pyra toehse toh kynexine. Toeramase toto õmihpyry omipona toehxĩpo xine. Õmiry poko urutõ kõ totapase eya xine, zae ehtoh poko tutuarõtase toto ahtao, ‘Ehmaropa Ritonõpo a ropa,’ tykase toto ahtao. Tyzehno xine orine toto, tynyrihpyrykõ ke, tõmihpyrykõ ke roropa.

Neemia 9:30

Tuhke jeimamyry ae turuse toto oya, penekehpyra mexiase. Urutõ kõ ae tõturuse Ouzenu toto netaryme repe, yrome onetara toh kynexine. Naeroro toto mekarone imehnõ nono põkomo a toto poremãkatohme eya xine.

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Saumu 17:8

Kuewomako, oenuru ewomary sã oya; taporihke exikety typoenõ ewomary sã, taporiry zopikoxi,

Saumu 36:7

Kure kuhse yna pyno oehtoh mana! Ãporiry tõ zopino jerutumã po osewomãko ynanase.

Saumu 57:1

Ypyno exiko, Ritonõpo, ypyno exiko! Oya oehnõko ase osewomatohme. Ãporiry tõ jerutumã zopino otonẽnõko ase tyryrykane konõto mynyhme ehtoh pona.

Saumu 81:13

Otato ypoetory tõ ehtoh se exiase ipunaka, Izyraeu tõ jomiry omipona ehtoh yzamaro exiry se!

Saumu 91:4

Taporihke exikety typoenõ ewomary sã taporiry zopikoxi oewomãko mana. Amonohkara mana, kokoro rokẽ amaro exĩko mana oewomatohme osewomatoh samo.

Izaja 30:15

Ynara ãko Ritonõpo Kurano, Izyraeu tõ Esemy, typoetory tomo a: “Oepyry ropa awahtao xine ya, tehme roropa awahtao xine typynanohsẽme exĩko matose; jenetuputyryhtao oya xine towomasẽme exĩko matose orẽpyra oritorỹko ase. Yrome jomipona se pyra matose.

Izaja 50:2

Oty katoh ypoetory tõ oehpyra osẽpatakãmase ymaro toytose jahtao toto pynanohse? Oty katoh jezuhpyra toh nexiase tykohmase toto ahtao ya? Seromaroro opynanohsaromepyra jekarõko matou? Tyjamihkehse jekarõko matou? Arypyra! Toiro tyripõko ase, mame tuna konõto anorỹko mana. Tuna tõ rĩko ase ona tonorẽme. Morara ahtao tuna pyra exiryke kana orihnõko mã toto tuna peneryke, tymoke exipitõko mana.

Jeremia 2:30

Kuãnopyatose, yrome anakorehmara nexiase; okurãkarykõ se pyra oexirykõke. Osekato sã mexiatose, reão samo, oekyry tõ, urutõ kõ totapase oya xine.

Jeremia 26:23

Uria tonehse Ejitu poe ekarotohme Jeoakĩ a. Mame totapapose ynororo eya ekepyry tõmase emero rokẽ zonẽtoh taka.

Jeremia 35:14

Mokaro Jonatape pakomotyã tytamurukõ nyripohpyry omipona toh nexiase uwa eukuru jehnahpyry onẽpyra ehtoh poko. Seroae ro eukuru jehnahpyry onẽpyra mã toto emero, tytamurukõ nyripohpyry omipona. Yrome ywy oturukehpyra exiase oya xine, mame ynyripohpyry omipona pyra mexiatose.

Jeremia 35:17

Naeroro, ywy, Ritonõpo Jamihmehxo Exikety, Izyraeu tõ Esemy, oenahkapotorỹko ase Juta tomo, Jerusarẽ põkõ roropa jomihpyry ae ro. Moro rĩko ase jomiry omipona se pyra oexirykõke turuse awahtao xine ya, Jezukuru se pyra ropa oexirykõke tykohmase awahtao xine ya.

Jeremia 6:16

Ynara tykase Ritonõpo Kuesẽkõ typoetory tomo a: — Xikihme ehtoko osema tõ atakuohtohpo osema kurã enetohme. Osema kurã nymyry enetupuhtoko moro ae oytotohkõme torẽtyke pyra oehtohkõme, tykase. Yrome tozuhse eya xine: — Ytopyra ynanase moro osema ae!

Ramẽtasão 1:16

“Morara exiryke xitãko ase, jenuru tõ pehme nase yxity ke. Jemuhkehkapone pyra mana, jãkyemasaromepyra mã toto ipunaka. Jepetõkara a typoremãkase ywy, ypoetory tõ patãpo po toehse mã toto.

Ramẽtasão 4:13

Yrome morara toehse iirypyryme urutõ kõ exiryke, oturuketõ roropa iirypyryme exiryke, ahno kurã totapapose eya xine exiryke.

Ozeja 11:2

Yrome itamurumehxo tykohmase ynororo ahtao ya, itamurumehxo toesyryhmase ynororo ywinoino. Tynekarory tõ tyahkase eya xine, tyneponãmarykõ Paau eahmatohme. Ixtaratu tyahkase eya xine roropa tyneponãmarykõ eahmatohme.

Ozeja 11:7

Ypoetory tõ putupyra sã rokẽ mã toto, jomiry omipona pyra; morara exiryke tarosẽme exĩko mã toto epetõkara a, tynamoto tõme. Imehnõ toto onypynanohsaromepyra exĩko mã toto.

Joeu 2:23

“Atãkyematoko, Jerusarẽ põkomo, ywy, Ritonõpo Oesẽkõ, nyrihpyry imehxo ehtoh pokoino. Konopo ekaroase oya xine zae konopo oehtoh po, ikonopotatoh po te, eina exisasaka ahtao roropa, konopo itamurume, osemazuhme ehtopõpyry samo.

Zakaria 1:4

Atamurukõ sã pyra ehtoko. Otato pyra toh nexiase turuse toto ahtao urutõ komo a pake, sero jomihpyry tokarose ahtao eya xine: “Ritonõpo Jamihmehxo Exikety ynara tyripõko mana oya xine: popyra ehtoh poko pyra ehtoko. Zae pyra oehtohkõ irumekatoko.” Yrome jomihpyry omipona pyra toh nexiase.

Mateu 22:3

Mame typoetory tõ taropose eya imehnõ eahmatohme toto a, otuhtoh konõto pona toto oehtohme. Yrome otuhtoh konõto pona toytorykõ se pyra toehse toto.

Mateu 22:6

Imehnomo a ipoetory tapoise. Typipohse eya xine. Totapase roropa toto eya xine.

Ruka 15:28

— Mame tohne toehse irui ipunaka. Tapyi taka tomomyry se pyra toehse. Morarame jũ toytose eya imaro tõturutohme. “Oty katohme koh omõpyra mano tapyi taka? Aimo, omõko,” tykase jumy eya.

Ruka 19:44

Tuhke ozehnotokõ exĩko mana õmye xine. Oryhmatorỹko mã toto. Oesaõkõ ryhmãko roropa mã toto emero porehme atapyĩ taõkõ maro. Oesarykõ pahnõko mã toto. Topu risẽme tapyi ahtao, topu pahnõko roropa mã toto. Oya xine jenehpoase Ritonõpo repe, typoko ourutohkõme repe. Yrome yse pyra matose. Morara exiryke oryhmatorỹko mã toto. Osepynanohpyra matose emero porehme, tykase Jezu Jerusarẽ põkõ poko.

Ruka 23:28

Mame Jezu toeramase tõturutohme eya xine. Nuh tykase ynororo, ynara tykase eya xine: — Xihxi tomo, Jerusarẽ põkomo, opoko xine rokẽ oxitatoko. Ypoko xitara ehtoko. Opoenõkõ poko roropa oxitatoko. Oty katohme? Arypyra.

Atos 7:52

Urutõ kõ tyyryhmase atamurukomo a emero. “Ritonõpo mũkuru oehnõko mana,” kananõ totapase toto a. Mokaro saaro matose. Mokyro mexixihmatose tooehse ahtao.

Atos 7:59

Mame topu ke totaparyhtao ro ynara tykase Exitewão: — Tuisa Jezu, kuaroko oesaka, tykase rokẽ ynororo.

Atos 8:1

Morarame Exitewão tomĩnose Sauru a jehno toexiryke. Morarame Exitewão etapaxĩpo Jezu poetory tõ totapazomose moroto ro zehnotokomo a. Morara exiryke tãtahpahse toh emero Jutea pona, Samaria pona, enara. Peturu tõ rokẽ epara kynexine.

Teuteronomiu 32:29

Tuaro toto ahtao, enetuputyry oty katohme tonahkase toto, zuaro roropa toto exiry oty katohme tuãnohse toto ya.

Teuteronomiu 5:29

Kure exiry jũme aosenetupuhtohkõ moro sã ahtao, juno toto ahtao, ynyripohpyry tõ omipona exikehpyra toto ahtao! Kure rokẽ exiry eya xine, ipakomotyamo a roropa jũme rahkene.

Apokaripxi 11:8

Mame osema taka toto ekepyry emãko mana, moro pata konõto po, Kuesẽkõ exixihmatopõpyry po. Moro pata tyorõ ke esehtõko toto seromaroro. “Sotoma moro,” ãko mã toto. “Ejitu,” ãko roropa mã toto iirypyryme moro pata põkõ exiryke itamurume.

Ruti 2:12

Kure rokẽ oripory se ase Ritonõpo a onyrihpyry emetakame. Osewomary se mexiase Ritonõpo, Izyraeu tõ Esẽ, maro. Eya oripory se ase kure rokene.