Ruka 13:19 - Ritonõpo Omiry: A Bíblia Sagrada na língua Aparai do Brasil

¹⁹ Moxitatu puhturu ke mana pitiko. Mame tarykase ahtao tupito pona, ahtãko mana. Mame tamorihtase ahtao wewe konõto sã exĩko mana. Torõ tõ esaryme roropa exĩko. Osesarĩko torõ tõ mana, amoriry htaka. Moro sã mã kuesẽkõme Ritonõpo enetuputyry kyya xine, tykase Jezu eya xine.

Ruka 13:19 ပူးပေါင်းရင်းမြစ်များ

Kãtiku 4:12

Kuku, tupito arykahpyry sã mase, tuna kurã enatyry maro apuruhpyry sã roropa mase.

Kãtiku 4:16

Owõko tyryrykane inikahpozakoxi! Osehko tyryrykane ikurenae! Tyryry kaxiko utupi pona typoxine osa ehtohme porehme. Ah ypyno exikety noehno tutupi pona, epery kurã menekatohme, tynapyryme, enahtohme tyya.

Kãtiku 6:2

Ypyno exikety tyhtose tutupi pona, tynarykatyã enese, otyro typoxine exikety. Toky tõ kaneru tõ nahpãko mana tutupi po, ekuru tõ, ririo tõ apoĩko roropa mana.

Kãtiku 8:13

Kuku ỹpynu, õmiry etary se mã jepe tomo. Ywy roropa õmiry etary se ase ynarykahpyry po.

Izaja 53:1

Ynara ãko mã toto: “Tupimehxo nase yna omiry zae ehtoh enetuputyry, Ritonõpo nyrihpyryme moro enetuputyry.

Izaja 53:10

Mame ynara tykase Ritonõpo: “Kure ya iiryhmary, sam tykamexipose ynororo ya. Tõsekarose ynororo toorihtohme iirypyrymãkõ rypyry epehpyryme, typakomotyã enẽko mana, jumanatome isene exĩko mana. Ipokoino Ritonõpo osenetupuhtoh zae exĩko mana.

Izaja 58:11

Ywy Ritonõpo, zae ehtoh poko aarotorỹko ase; ynekarory kurã ke tuesapare exĩko matose konopo oehpyra ro ahtao, jamihme oritorỹko ase, kure rokẽ rahkene. Tupito arykahpyry sã exĩko matose ekurehpyra konopo ahtao, iporiry enatyry sã exĩko matose anorypyra exikety samo.

Izaja 61:11

Mame wewe ahtary sã nono po, ipuhturu ahtary sã roropa tupito po, moro sã typoetory tõ pynanohnõko Ritonõpo Imehxo Exikety mana. Mame imeimehnõ nonory põkõ eremiãko. Mokyro eahmãko mã toto emero porehme.

Izaja 9:7

Tuisa Tawi paryme exĩko mana, imyakãme roropa tuisame. Mame jamihme aexiry wãtãko itamurume mana. Jũme osetapara exĩko ipoetory tõ mana. Zae ehtoh poko tuisame erohnõko mana, kure ehtoh tyripõko roropa mana. Apitorymã poe morara ehtoh exikehpyra exĩko mana jũme. Sero põkõ pyno toexiryke ipunaka, Kuesẽkõ Jamihmehxo Exikety morohne ripõko mana, emero.

Jeremia 31:12

Oehnõko mã toto eremiase tãkye toexirykõke ypy Xião pona; atãkyemãko mã toto ynekarory tõ poko eya xine, tiriiku tõkehko, uwa eukuru, azeite, pui tomo te, kaneru tomo, enara. Tupito tarykasãme exĩko mã toto tuna itamurume nae ahtao, emero ise toto ehtoh nae exĩko mã toto.

Ezekieu 31:6

Torõ tomo a emero rokẽ tymỹ tyrise amoriry po; moro zopino onokyro tomo a toemũkuase toto, jerutume wewe zopino, moroto tõseremase ahno tomo.

Tanieu 4:12

Moro wewe ary enekurã sã nexiase, topere roropa itamurume nexiase, ipoko nono põkõ emero enahnõko sã toh nexiase. Onokyro tõ tooehse oseremase moro wewe zopikoxi, jerutume potu exiryke. Tymỹkõ tyrise torõ tomo a amoriry tõ pokona. Epery tonahse isene exiketomo a emero.

Tanieu 4:21

Zary kurã sã nexiase, topere roropa itamurume nexiase. Sero nono põkõ emero ipoko tõtuhse sã toh nexiase. Onokyro tõ tõseremase zopino jerutume potu exiryke. Tymỹkõ tyrise torõ tomo a amoriry tõ pokona.

Zakaria 2:11

Moro ẽmepyry toehse ahtao ahno tõ tuhke oehnõko mã toto Ritonõpo Oesẽkomo a, ipoetoryme exĩko mã toto. Imaro xine exĩko roropa mana. Mame zuaro exĩko Izyraeu tõ mana, Ritonõpo Jamihmehxo Exikety a tonyohse ywy oturuse imaro xine.

Mateu 17:20

Ynara tykase Jezu eya xine: — Pitiko rokẽ jenetuputyryke oya xine tũtara joroko kynako, õmipona xine pyra kynako. Etatoko pahne, jenetuputyryhtao oya xine pitiko repe, moxitatu puhturu samo, ynara ãko matose sero somohmã netaryme: “Ytoko esyryhmako mõtona,” ãko matose. Mame õmi poe xine esyryhmãko mana. Emero tyriry waro exĩko matose.

Maku 4:30

— Moro sã matose Ritonõpo tupime. Oty sã ropa Ritonõpo tuisame exiry nae?

Ruka 17:6

Ynara tykase esẽkõ eya xine: — Ritonõpo omiry enetuputyryhtao oya xine pitiko rokẽ repe, onekaropohpyrykõ ekarõko Ritonõpo mana. Ynara karyhtao oya xine sero oroxi panõ a: “Otouko omity maro tuna konõto kuaka atarykata ropa,” karyhtao oya xine, õmipona xine otoũko mana, tykase Jezu eya xine.

Atos 2:41

Morarame mokaro a Jezu tonetupuhse Peturu omiry etaryke tyya xine. Tõpurihkase toto Peturu tomo a. Moro ẽmepyry ae tuhke tomãse toto Jezu poetoryme, 3.000me.

Atos 21:20

Mame Pauru omiry etaryke tyya xine tãkye toehse toto. — Kure mase, tykase toto Ritonõpo a. Mame Pauru a ynara tykase toto: — Etako pahne jepe, tuhke juteu tõ roropa Jezu poetoryme toehse. Mokaro emero Ritonõpo nymeropohpyry Moeze a omipona exiketomo.

Atos 4:4

Mame Peturu tõ otururu totase tyya xine exiryke Jezu tonetupuhse imoihmãkomo a tosẽkõme. Tuhke Jezu poetoryme toehse toto, 5.000me.

Romanos 15:19

Ritonõpo jamitunuru eneryke tyya xine te, kurãkõkara kurãkatopõpyry eneryke tyya xine roropa Ritonõpo omipona toehse mã toto, Ritonõpo Zuzenu jamitunuru ymaro exiryke. Naeroro jytoryhtao Jerusarẽ poe Iriria pona ynara ase: “Kyrixtu enetuputyryhtao oya xine opynanohtorỹko Ritonõpo mana,” asene imeimehnõ netaryme pata tõ punero.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.