Ruka 13:18 - Ritonõpo Omiry: A Bíblia Sagrada na língua Aparai do Brasil

¹⁸ Mame ynara tykase Jezu eya xine: — Tyoro sã Ritonõpo kuesẽkõme exiry. Ynara sã mana enetupuhtohme rokene.

Ruka 13:18 ပူးပေါင်းရင်းမြစ်များ

Ramẽtasão 2:13

Pata Jerusarẽ põkomo, nupunato aexihpyry, otara ãko ha ãkorehmatohme? Otãto oemuhkehkapõko hano, Xião põkomo? Imehnõ etuarimapitopyra nexiase asamo. Oporemãkatopõpyry itamurume mana tuna konõto zumohxo ehtoh samo. Opynanohsaromepyra imehnõ mana.

Mateu 13:24

Morarame typoetory tamorepase ropa Jezu a. Ynara tykase ynororo eya xine: — Ritonõpo emero esẽme mana. Imepỹ sã roropa mana, tupito esẽ samo. Mokyro a tutupi tarykapose otyro puhturu kurã ke.

Maku 4:26

Morarame ynara tykase ropa Jezu: — Ritonõpo tuisame exiry otyro puhturu arykane sã mana. Mame otyro puhturu arykãko sã mana tupito pona.

Ruka 13:20

Mame ynara tykase ropa Jezu: — Tyoro sã roropa kuesẽkõme Ritonõpo enetuputyry mana.

Ruka 17:21

Morara exiryke ynara kara imehnõ mana: “Enetoko ke moro yro,” kara mã toto. “Yrorohxo rukuh moro,” kara roropa mã toto, tuisame Ritonõpo ehtoh okurohtao xine exiryke, tykase Jezu eya xine.

Ruka 7:31

Morarame ynara tykase Jezu eya xine: — Oty sã seromatokõ Izyraeu tomo? Onoky sã roropa toh nae?