Ruka 12:16 - Ritonõpo Omiry: A Bíblia Sagrada na língua Aparai do Brasil

¹⁶ Mame ynara tykase ropa Jezu eya xine toto osenetupuhtohme: — Tupito konõto esẽ narykapohpyry toperytase itamurume.

Ruka 12:16 ပူးပေါင်းရင်းမြစ်များ

Jo 12:6

Omato kõ torẽtyke pyra mã toto tytapyĩkõ tao, Ritonõpo kerekeremananõ roropa. Ritonõpo oneahmara mã toto; tyjamitunuru rokẽ moĩko mã toto.

Jo 24:23

Imehnõ ewomãko Ritonõpo mana isene ro, yrome toto onenekehpyra mana.

Saumu 73:12

Popyra exiketõ ynara sã mã toto: tymõkomoke itamurume mã toto, mame itamurumehxo tytineruke exĩko mã toto.

Ezekieu 16:49

Ãkorõ Sotoma, ẽxiry tõ maro epyrypaketõme toh nexiase, itamurume tynahke toto exiryke, tymõkomoke roropa, erohpyra toto ahtao ro; yrome tymõkomokãkara pyno pyra toh nexiase, etuarimaketõ anakorehmara roropa.

Ozeja 2:8

Tuaro pyra nexiase: ywy exiase, tiriiku ekaroneme eya, uwa eukuru jehnahpyry te, azeite roropa ekaroase eya; ynekarory tõ tuhke ekaroase eya, parata te, uuru roropa, yrome ynekarotyã tokarose tyneponãmary a, Paau a, eahmatohme.

Mateu 13:8

Mame ipuhturu typahse ahtao, nono kurã pona toepukase roropa. Tahtase. Kure toperytase roropa tuhke, nono kure exiryke.

Mateu 5:45

Omy kapuaõ poenõme oehtohkõme. Ynara exiryke, xixime tyrĩko Ritonõpo mana iirypyrymãkõ pona, kurãkõ pona roropa, enara. Morararo konopo enehpõko Ritonõpo mana kurãkõ pona, iirypyrymãkõ pona roropa, enara.

Ruka 12:15

Ynara tykase ropa Jezu totananomo a: — Etatoko kure. Tuaro ehtoko, õpynukõme rokẽ pyra tyritoko. Ynara exiryke, toipãme rokẽ omõkomorykõ mana. Yrome ãkorehmara xine mana oytorykohtao Papa esaka, tykase Jezu eya xine.

Ruka 12:17

Mame ynara tykase ynororo tukurohtao rokene: “Oty rĩkohxo ke hano? Tosake pyrahxo hnae ynapyry tomo,” tykase ynororo.

Atos 14:17

Yrome tahxime kynosenepone samo. Tynyrihpyry kurã enepone roropa. Ynororo rokẽ konopo enehpõko mana kỹkyryrykõ ahtatohme, eperytatohme roropa. Kuohkõ ekarõko roropa mana tãkye kuehtohkõme kutuarõtatohkõme typoko, tykase Pauru Rixityra põkomo a.