Ruka 12:12 - Ritonõpo Omiry: A Bíblia Sagrada na língua Aparai do Brasil

¹² Ynara exiryke, Ritonõpo Zuzenu ãkorehmatorỹko mana ezukurukõ poko moro tao awahtao xine, tykase Jezu eya xine.

Ruka 12:12 ပူးပေါင်းရင်းမြစ်များ

Exutu 4:11

Yrome ynara tykase Ritonõpo eya: — Onoky myta ekarõko ahno a? Onoky ahno tyripõko otato pyra te, sekere kara roropa? Onoky imehnõ rĩko tonure te, tonurẽkara roropa? Ywy ase Ritonõpo Oesẽkomo.

Exutu 4:12

Naeroro ytoko. Ãkorehmãko ase õtururu poko. Õturutoh ekarõko ase oya.

Mateu 10:19

Mame aarorykohtao terekatu a ohxirotohkõme, oserehpyra ehtoko. Torẽtyke pyra ehtoko ezukurukõ poko oya xine. “Otara ãko hano jyhxiroryhtao? Otãto toto ezuhnõko hano?” kara ehtoko. Toto maro awahtao xine, Ritonõpo ãkorehmatorỹko mana toto ezukuru poko.

Mateu 10:20

Morarame õmirykõ ke toto onezuhpyra matose. Ritonõpo Zuzenu nekarohpyry ke rokẽ toto ezuhnõko matose.

Ruka 12:13

Mame ynara tykase ahno rãnaono Jezu a: — Amorepatono, oturuko urui a Papa ekepyry mõkomohpyry apiakatohme eya zokonaka ekarotohme ya, tykase ynororo Jezu a.

Ruka 21:15

Toto ezuhtoh ekarõko ase oya xine. Tuaro oritorỹko roropa ase zae rokẽ ozehnotokõ ezuhtohme oya xine. Oezuhpyra xine exĩko toh mana.

Atos 4:8

Ritonõpo Zuzenu Peturu ao kynexine. Aomi poe Peturu tõturuse: — Tamuxi tomo, pata esamo,

Atos 6:10

Yrome typoremãse toto orẽpyrahxo Exitewão exiryke Ritonõpo Zuzenu poe.

Atos 7:55

Yrome Ritonõpo Zuzenu Exitewão maro kynexine. Kakoxi tõsenuhmase tahtao Jezu tonese kapu ao xikihme, Ritonõpo maro. Saerehkane konõto tonese roropa eya Ritonõpo ezurume.