Ruka 11:9 - Ritonõpo Omiry: A Bíblia Sagrada na língua Aparai do Brasil

⁹ — Naeroro ynara ãko ase oya xine, moro saaro ekaropotoko Ritonõpo a. Mame ekarõko oya xine mana. Onupirykõ ekaropotoko Ritonõpo a. Mame onupirykõ enẽko matose. Tapyi tapuruse ahtao roropa ikohmatoko. Mame esẽ apuruhmakãko mana. Moro saaro tahxime õtururukohtao Ritonõpo a, oezuhtorỹko mana.

Ruka 11:9 ပူးပေါင်းရင်းမြစ်များ

Saumu 118:5

Jetuarimaryhtao Ritonõpo tykohmase ya; tozuhse ywy eya tanỹse ywy eya jetuarimatoh poe.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Saumu 27:8

Ynara mase ya: “Osehko jeahmase.” Kuezukuase: “Oehnõko ase oeahmase, Jesemy Ritonõpo.”

Saumu 34:10

Reão tõ omise exĩko, emitapãnõko mã toto, yrome Kuesẽkõ omiry omipona exiketõ mã emitapãpyra mana.

Saumu 34:4

Tõturuse ywy Kuesẽkomo a jakorehmatohme, mame tozuhse ywy eya; typynanohse ywy joserehtopõpyry tõ poe.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Kãtiku 5:6

Mame omõtoh etapuruhmakase ypyno exikety omõtohme repe, yrome pake toytose ropa ynororo. Aomiry etary se exiase yronymyryme! Upiase repe, onenepyra exiase; ykohmase, yrome jezuhpyra nexiase.

Izaja 45:19

Tokare pyra oturupyra exiase, otonẽpyra exiase xinukutumao, ynara kara exiase Izyraeu tomo a: ‘Kuupitoko ahno esao pyra.’ Ywy Ritonõpo, zae rokẽ oturuase, jomiry zae ehtoh enetupuhtoko zae rokẽ exiryke.”

Jeremia 29:12

Mame ykohmãko matose, oturũko roropa matose ya, mame ywy oezuhtorỹko ase.

Jeremia 33:3

— Jeremia, ykohmaryhtao oya oezuhnõko ase, ourũko ase zuaro pyra oehtoh poko, kurãkõ poko, zuaro exipitopyra aehtyamo.

Tanieu 9:3

Jemynyhmary enetupuhpotohme upo amuruase kamisa topuxiximã risemy, typorohse ywy oruno htaka, otuhpyra exiase oturutohme yronymyryme Ritonõpo a, ypenetatoh ekarory poko te, osekarory poko, enara.

Mateu 21:22

Jenetuputyryhtao oya xine, onekaropohpyrykõ ekarõko Ritonõpo mã oya xine, õtururukohtao imaro, tykase Jezu eya xine.

Mateu 21:31

Morara ahtao onoky tumy omipona kynexine? tykase Jezu eya xine. — Mokyro osemazuhme aenuruhpyry, tykase toto. — Ỹ, tykase Jezu. — Etatoko pahne, iirypyrymãkõ omõnõko mã toto Ritonõpo esaka, kowenu tinerũ poko erohketomo, orutua kõ poko aehtyã roropa. Tosẽkõme Ritonõpo enetuputyryke tyya xine omõnõko mã toto, tyyrypyrykõ turumekase exiryke roropa tyya xine. Yrome amarokõ otarame etyhpyryme omõnõko matose enetuputyryhtao oya xine. Otarãme omõpyra matose ekurehnõko onenetupuhpyra oexirykõke.

Mateu 6:29

Yrome kure potu mã ekuru, Saromão zuponỹpyry kurã motye kuhse kure ona ekuru mana.

Maku 11:24

Morara exiryke ynara ãko ase oya xine, Ritonõpo maro õtururukohtao õpenerykõ poko, inekarory enetupuhtoko. Mame õpenerykõ ekarõko oya xine mana.

Maku 13:37

Ourutopõpyrykõ ya ekarõko roropa ase imehnomo a. Joepyry ropa imomohtoko, tykase Jezu eya xine.

Ruka 11:10

Ynara exiryke, ekaroponanõ tynekaropohpyrykõ apoĩko mã toto. Zupinanõ tunupihpyrykõ enẽko ropa mã toto. Tapyi taka tomomyry se exiketõ ikohmaryhtao, tapyi apuruhmakãko mã toto. Omõnõko roropa mã toto.

João 14:13

Mame ekaroporyhtao Papa a, emero ekarõko ase oya xine, Papa omi poe ekaroporyhtao, Papa ime exiry enepory se jexiryke oya xine.

João 15:16

Onymenekahpyrykõ kara ase. Amarokõ matose ynymenekatyamo. Tymenekase matose ya eperytaketõ sã oehtohkõme, jumanatome jomipona oehtohkõme. Morarame emero ekarõko mã Papa oya xine jomi poe ekaroporyhtao oya xine.

João 15:7

Ymaro awahtao xine, jomiry okurohtao xine ahtao roropa emero ekarõko mã Papa ekaroporyhtao oya xine.

João 4:10

Ynara tykase Jezu eya: — Ritonõpo nekarory onenetupuhpyra mase. Jenetupuhpyra roropa mase. Tonetupuhse oya jahtao: “Oya hko tuna se ano,” mykary ya. Mame tuna kurã ekarory oya soesoekane panõ ekarory oya, orihpyra oehtohme jũme, tykase Jezu nohpo a.

Romanos 2:7

Toitoine matose kure imehnõ riry poko penekehpyra. Morara awahtao xine kure oexirykõ se matose. “Kure mase. Tuisamehxo roropa mase,” kary etary se matose Ritonõpo a. Orihpỹme oexirykõ se roropa matose jũme. Amarokõ rĩko orihpỹme Ritonõpo mana.

2 Korĩtiu 6:2

Ynara tymerose Ritonõpo omiryme: “Seroae okurãkarykõ se ase. ‘Yna pyno exiko,’ kary oya xine etãko ase opyno xine jexiryke,” ãko. Naeroro etatoko pahne! Seromaroro okurãkarykõ se Ritonõpo mana. Ekurehpyra ehtoko. Seroae ro enetupuhtoko oesẽkõme!

Epereu 11:6

Ritonõpo zamaro ehsaromepyra sytatose onenetupuhpyra kuahtao xine. Ynara exiryke, Ritonõpo ehtoh enetuputyryhtao rokẽ kyya xine, imaro oturũko sytatose. Ynara enetuputyryhtao roropa kyya xine, tõmipona se exiketomo a kurãkõ ekarõko Ritonõpo mana. Morohne enetuputyryhtao rokẽ kyya xine kuomirykõ etãko Ritonõpo mana.

Epereu 4:16

Morara exiryke oserehpyra sehtone. Soturutone Ritonõpo maro, kypyno xine exiryke. Kyyrypyrykõ korokãko mana. Kypyno xine toexiryke jamihme kyritorỹko mana, kyyrypyrykõ poko kyrirykõ se joroko tamuru ahtao.

Tiaku 1:5

Tuaro oexirykõ se awahtao xine, Ritonõpo omipona oehtohkõ poko ekaropotoko Ritonõpo a. Mame otuarõtanohtorỹko mana, ekaroporyhtao oya xine, kutuarõtanohnekõme aexiryke. Kynekaropohpyrykõ motyẽkãko roropa mana.

Tiaku 5:15

Mame toto oturutopõpyry poe ekurãkãko ropa kurãkara mana, Jezu enetuputyryke mokaro a. Kuesẽkõ mã mokyro kurãkãko ropa mana. Iirypyryme mokyro ahtao iirypyry korokãko roropa mana.

1 João 3:22

Emero ekarõko mã Ritonõpo kyya xine tõmipona kuahtao xine. “Otytyko se ase,” karyhtao kyya xine, ekarõko mana tyamaro kuexirykõke.

Apokaripxi 2:24

“Yrome amarokomo imehnõ Tiatira põkõ roropa mokyro namorepahpyry xihpyry omipona pyra matose. Joroko tamuru namorepatoh poko atamorepara mexiatose. Ynara ãko ase oya xine, tyorõ onyripopyra ase oya xine.