Ruka 10:4 - Ritonõpo Omiry: A Bíblia Sagrada na língua Aparai do Brasil

⁴ Tineru ẽ anaropyra ehtoko, pakara tõkehko sapatu roropa anaropyra ehtoko amaro xine. Mame etypohpyra ehtoko õturutohkõme imehnõ maro osema tao. Topohme ytotoko.

Ruka 10:4 ပူးပေါင်းရင်းမြစ်များ

Jenexi 24:33

Morarame tonahsẽ tonehse ahtao eya xine, ynara tykase Aparão poetory: — Otuhpyra ase aporo oturupyra ro jexiryke, tykase. — Ỹ kaxiko, oturuko tykase Rapão eya.

Jenexi 24:56

Yrome ynara tykase Aparão poetory: — “Taro exiko aporo” kara ehtoko ya. Zae rokẽ tonehse ywy Ritonõpo a xiaro jesẽ ekyry tomo a, tynymenekahpyry enepotohme ya. Naeroro ytoxi ropa jesemy a ropa, tykase ynororo.

2 Tuisa 4:24

Mame apõ tyripose ahtao jumẽta pona, ynara tykase ynororo typoetory a: — Axĩ ke mose jeky aropoko. Etypohpopyra exiko, kara jahtao, tykase.

2 Tuisa 4:29

Toeramase Eriseu Keazi a. Ynara tykase: — Ymyxiry apoiko oytotohme. Mame ytoko. Imehnõ maro oturupyra exiko toto eneryhtao oya osema tao. Imehnõ otururuhtao oya onezuhpyra exiko. Topohme rokẽ ytoko. Mame ymyxiry tyriko mose mũkuru pona.

Porowepio 4:25

Topohme osenuhmako, zae oehtoh waro oehtohme. Epuipyra exiko, ihxipỹke exikety sã pyra exiko

Maku 6:7

Mame typoetory tõ tykohmase tyya 12me, toto enyohtohme. Asasakoro rokẽ tonyohse toto eya. Ynara tykase ynororo eya xine: — Joroko tõ itũtanohpotatoko ropa ahno ae Ritonõpo omi poe.

Ruka 22:35

Mame ynara tykase Jezu 12mãkomo a: — Osemazuhme oenyokyrykohtao ya tineru anaropyra mexiatose. Saku te, sãtaja tõ roropa anaropyra mexiatose. Oty se ro mexiatose etuarimara oehtohkõme? — Arypyra, tykase toto.

1 Samueu 21:8

Mame Aimereke a ynara tykase Tawi: — Typyreke pyra hma taro ekarotohme ya arypyra jexiryke? Tuisa omi poe taryporyke tooehse jexiryke ypyre onenehpyra tokurehse ywy, tykase Tawi.