Ruka 10:30 - Ritonõpo Omiry: A Bíblia Sagrada na língua Aparai do Brasil

³⁰ Mame Jezu a tozuhse. Ynara tykase ynororo eya aosenetupuhtohme: — Ahno toytose Jerusarẽ poe Jeriko pona. Juteu mokyro. Morarame osema ae aytoryhtao omato komo a tapoise ynororo. Imõkomory roropa tarose eya xine. Totatotapase roropa ynororo eya xine. Mame moroto ro turumekase eya xine orihsasaka ahtao.

Ruka 10:30 ပူးပေါင်းရင်းမြစ်များ

Saumu 88:4

Imehnõ orihsasaka exiketõ sã ase; tapotũkehse exikety sã ase.

Jeremia 51:52

Morara exiryke ynara ãko ase: Papironia põkõ neponãmary wãnohtoh oehnõko mana. Toto wãnohnõko ase. Mame tapurose exiketõ pusuh ãko mã toto, sapararahme nono poro.

Ramẽtasão 2:12

Mokaro poetohti tõ ynara ãko: “Aja, omisehxo hano! Aja, tuna sehxo puh ano!” ãko mã toto. Mame epukãko mã toto osema tõ tao tapurose exiketõ samo. Mame okynã pyra orihnõko mã toto tysekõ enao.

Ezekieu 30:24

Mame Papironia tuisary apory tõ rĩko ase jamihme, ytapemã rĩko ase emahpokoxi. Yrome Ejitu tuisary apory tõ tahkãko ase. Morarame pusuh ãko mã ynororo; orihnõko mana topekara ẽpataka.

Ruka 10:31

Moromeĩpo Ritonõpo maro oturukety toytose moro osema ae. Mame mokyro etaetapahpyry tonese eya. “Tee, jam,” tykase rokẽ ynororo. Zomye rokẽ toytose ynororo. Enupunara myhehxo ipoko. Osema ehpikuroko rokẽ toytose.

Ruka 18:31

Mame Jezu a imoihmãkõ htae typoetory tõ tykohmase tyya 12mãkomo, tõturutohme toto maro. Ynara tykase ynororo eya xine: — Etatoko pahne, ytõko sytatose Jerusarẽ pona. Moroto Kapu ae Ayhtohpyry ryhmãko mã toto. Ritonõpo poe urutõ kõ nymerohpyry ae ro, ihtomãko mã toto. Katopõpyry ae ro emero exĩko mã seromaroro.

Ruka 19:28

Morarame Jezu tõturukehse. Mame tymarõkõ esemazupurume toytose Jerusarẽ pona.