Ruka 1:79 - Ritonõpo Omiry: A Bíblia Sagrada na língua Aparai do Brasil

⁷⁹ Saereh ãko xixi kapu ae emero pona, sero nono pona. Moro saaro mã Kypynanohnekomo. Emero kuenetorỹko mana. Toorikyrykõ zuno exiketõ pynanohnõko roropa mana. Enaromyra toto rĩko ropa mana, torẽtyke pyra toto rĩko roropa mana, tykase Zakaria tumũkuru a.

Ruka 1:79 ပူးပေါင်းရင်းမြစ်များ

Jo 10:22

jerutume ehtoh nonory pona, otupitoh pona. Moroto saereme ehtoh ikohmamyry sã mana, xinukutume rokene.”

Jo 3:5

Moro ẽmepyry kohmanohpory se ase, xinukutume rokẽ ehtohme, moro ẽmepyry oxiõtory se ase akurũ tõ ke, xixi ezehkatohme.

Saumu 107:10

Toitoine ikohmamyry ao toh nexiase, xinukutume ehtoh ao, tyrohmanohpose ãpuruhpyry tao, tymyhse keti kurimene risẽ ke,

Saumu 107:14

Touse toto eya moro kohmamyry poe, tymyhpokase ropa eya, keti tõ tamohse eya.

Saumu 23:4

Jemynyhmaryhtao yronymyryme enaromyra ase ymaro oexiryke, Ritonõpo Jesemy; jewomãko mase, zae tyritoh enepõko mase ya azamaro jehtohme.

Saumu 25:12

Ritonõpo enetupuhnanõ tosẽkõme ipoe tuaro exĩko mã toto tosemarykõ poko zae toehtohkõme.

Saumu 44:19

Yrome oya tomase yna, akurihmohpyry sã onokyro tõ rãnao, turumekase yna oya xinukuturu htao.

Porowepio 3:17

Tuaro awahtao isene oehtoh azamaro exĩko mana, tuaro oehtoh oewomãko roropa mana oytoryhtao.

Porowepio 8:20

Zae ehtoh poko exiketõ esemary ae ytõko ase, ajohpe pyra ase, zae ehtoh se exiketõ maro ytoytõko ase,

Izaja 42:16

Tonurãkara arõko ase imepỹ osema ae, moro ae ytopitopyra ro toh nexiase. Toto kohmamyry myakamãko ase saerehkatoh ke. Osema tupimãkõ tupime pyra tyrĩko ase toto esemaryme. Morara tyrĩko ase, totapose ya exiryke. Morara tyrĩko ase rahkene, ekurehpyra ase.

Izaja 42:7

tonurãkara enuru etapuruhmakãko mase, ãpuruhpyry taõkõ myhpokãko mase, tapuruse aexityã xinukutumao tũtanohpõko ropa mase.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.

Izaja 48:22

Yrome popyra ehtoh poko exiketomo a ynara ãko Ritonõpo mana: “Amaro xine osewomatoh pyra mana.”

Izaja 49:6

Ynara ãko mã ynororo ya: “Pitiko rokẽ oerohtoh oya nae? Ypoetoryme orĩko ase Izyraeu tõ enehtohme ropa isene ro exiketomo, toto kurãkatohme ropa inonorykõ po. Moro motye oekarõko ase juteutõkara ezurume roropa oehtohme, imeimehnõ pynanohneme oehtohme sero nono etyhpyry ponãmero.”

Izaja 49:9

Ãpuruhpyry taõkomo a ynara ãko ase: ‘Otũtatoko ropa ãpuruhpyry tae!’ Ikohmamyry ao aexityamo a ynara ãko ase: ‘Tymyhpokase matose oytotohkõme ropa saeremãka!’ ãko. “Kaneru sã exĩko mã toto onahpoty enapyryhtao osema ehpio, emorymã po roropa.

Izaja 59:8

Osepeme ehtoh waro pyra matose, oxiehno rokene, onyrityã zae pyra mã kehko emero. Zae pyra ehtoh poko sehxo matose, naeroro osewomasaromepyra matose.

Izaja 9:2

Ezuru konõto enẽko Ritonõpo waro pyra exiketõ mana; orihketõme toh nexiase tyyrypyhpyke toexirykõke. Yrome Ritonõpo nymenekahpyry ytõko eya xine mana. Toto tuarõtanohtorỹko mana,

Jeremia 2:6

Yse hkopyra toh nexiase; Yrome ya tonehse toto Ejitu poe. Ya ro tarose toto ona tonorẽ poro, ypy tõ poro, oramã kuroko; tuna pyra ehtoh poro, orihmapotoh poro, morotona ahno ytopyra, ahno esary pyra roropa moroto.

Jeremia 6:16

Ynara tykase Ritonõpo Kuesẽkõ typoetory tomo a: — Xikihme ehtoko osema tõ atakuohtohpo osema kurã enetohme. Osema kurã nymyry enetupuhtoko moro ae oytotohkõme torẽtyke pyra oehtohkõme, tykase. Yrome tozuhse eya xine: — Ytopyra ynanase moro osema ae!

Mateu 4:16

Ritonõpo waro pyra exiketõ ezuru konõto enẽko mana. Orihketõme matose tyyrypyhpyke oexirykõke. Yrome Ritonõpo nymenekahpyry oya xine ytõko mana. Otuarõtanohtorỹko mana,” me tymerose pake Izaja a.

Ruka 2:32

Ezurume exĩko mã mose. Juteutõkara amorepãko roropa mana zae toto osenetupuhtohme, kure toto ehtohme roropa. Izyraeu tõ roropa imehxo tyrĩko toh mana, tykase Ximeão Ritonõpo a.

João 1:9

Saerehkanemã mokyro, nono pona ayhtohpyry. Kuamorepatorỹko mã emero, Ritonõpo omiry poko.

João 12:46

Oepyase xiaro sero nono põkõ ezurume. Ãmorepatorỹko ase Ritonõpo omiry poko. Jenetuputyryhtao oya xine oorypyrykõ poko pyra exĩko matose. Ixinukuturu htoko ytoketõ sã pyra exĩko matose. Saeremae ytoketõ sã rokẽ exĩko matose.

João 8:12

Morarame ynara tykase Jezu imoihmãkomo a: — Emero ezurume ase. Ymaro ytoketõ mã saeremae ytõko mã toto. Zae rokẽ toh exĩko isene roropa toh mana. Xinukutumã htaka ytopyra toh mana, tyyrypyrykõ poko pyra toexirykõke, tykase eya xine Jezu.

Atos 10:36

— Ritonõpo a Izyraeu tõ tamorepapose urutõ komo a, Jezu Kyrixtu waro toto ehtohme, zehzehno pyra toto ehtohme. Emero Kuesẽkõme Jezu Kyrixtu mana. Moro waro matose.

Atos 26:18

Toto amorepase ytoko ajoajohpe pyra aehtohkõme, joroko tamuru rumekatohme eya xine, Ritonõpo omipona rokẽ toto ehtohme. Iirypyrykõ korokãko ase tosẽkõme jenetuputyryhtao eya xine. Esarykõ ekarõko ase eya xine ypoetory tõ maro,” tykase Jezu ya.

Romanos 3:17

Kure toexirykõ waro pyra toto imehnõ maro.

Epezu 5:8

Osemazuhme aporo Kyrixtu waro pyra mexiatose. Koko ytoketõ sã mexiatose. Yrome Jezu Kuesẽkõ poetoryme toehse oexirykõke saeremae ytoketõ sã matose. Naeroro zuaro exiketõ sã ehtoko, Ritonõpo omipona.