Ruka 1:53 - Ritonõpo Omiry: A Bíblia Sagrada na língua Aparai do Brasil

⁵³ Omise exiketõ tautuhmase kurã ke. Yrome tymõkomokã tonyohse ropa eya tymõkomoke pyra ropa, tomahpõke pyra roropa.

Ruka 1:53 ပူးပေါင်းရင်းမြစ်များ

Saumu 146:7

tyrohmanohpose exiketõ ewomãko mana, omise exiketomo a tonahsẽ ekarõko mana. Ãpuruhpyry taõkõ tũtanohpõko ropa Ritonõpo Kuesẽkõ mana,

Saumu 34:10

Reão tõ omise exĩko, emitapãnõko mã toto, yrome Kuesẽkõ omiry omipona exiketõ mã emitapãpyra mana.

Ezekieu 34:29

Nono kurã ekarõko ase eya xine otyro zamaro exikety. Mame omise exikehnõko Izyraeu tõ nonory põkõ mana. Toto onypoihtopyra exĩko imeimehnõ nonory põkõ mana.

Mateu 5:6

— Ritonõpo omipona se awahtao xine yronymyryme tãkye exĩko matose Ritonõpo poe. Zae ehtoh ekarõko roropa Ritonõpo mana oya xine.

Ruka 1:54

Yrome typoetory tõ Izyraeu tõ typynanohse eya tõmihpyry ae ro, pake morara katopõpyry ae ro kytamurukomo a.

Ruka 6:21

— Tãkye roropa matose omise exiketomo. Imeĩpo otuhnõko matose. Tuesapare exĩko roropa matose. — Amarokõ roropa xitaketomo, tãkye ehtoko. Imeĩpo exianãko ropa matose.

Ruka 6:24

— Naeroro tomeseke ehtoko tymõkomoke exiketomo. Atãkyemãko matose seromaroro tymõkomoke oexirykõke repe, oepehpyrykõ oemarykõ po toehse exiryke. Yrome imeĩpo atasamãko myhẽ matose.

João 6:35

— Ourukõme nymyry ase, tykase Jezu eya xine. — Ya ooepyrykohtao omise pyra exikety sã exĩko matose. Tãkye rokẽ exĩko matose jenetuputyryhtao oya xine. Tuna se pyra exikety sã exĩko matose tãkye rokene, tykase ynororo eya xine.

1 Korĩtiu 1:26

Wenikehpyra ehtoko wekyry tomo, oehtopõpyrykõ poko onymenekara ro awahtao xine. Tuhke pyra mexiatose, zuaro exiketomo. Tuhke pyra mexiatose tamuximãkomo. Tuhke pyra roropa mexiatose tymõkomoke exiketomo.

1 Korĩtiu 4:8

Otarãme azahkuru matose ynara ãko: “Otyro se pyra ynanase, emero nae,” ãko matose. “Tymõkomoke ynanase, porehme,” ãko roropa matose repe. Yrome azahkuru matose. Tuisame sã matose tuisame pyra yna ahtao, Aporu maro. Tuisame nymyry awahtao xine tãkye jexiry, amaro xine tuisame ynanexiry roropa.

1 Samueu 2:5

Tuesapare exiketõ mã omise exĩko ropa, toerohtoh zupĩko toh mana tonahsẽ epekahtohme ropa. Yrome omise aexityã omise pyra ropa exĩko. Emũkuasaromepyra exikety toemũkuase setime, yrome mokyro, tumũkue tuhke exikety tumũkue pyra toehse ropa mana.