Ruka 1:50 - Ritonõpo Omiry: A Bíblia Sagrada na língua Aparai do Brasil

⁵⁰ Imehnõ pyno roropa Ritonõpo mana. Tõmipona exiketõ pyno kuhse mana. Pakatokõ pyno kynexine. Seromatokõ pyno roropa mana. Moromeĩpo ypakomotyã pyno exikehpyra mana. Mya otuotuhponamãko mana.

Ruka 1:50 ပူးပေါင်းရင်းမြစ်များ

Jenexi 17:7

Ynara mã jomiry oya, opoenomo a, apakomotyamo a roropa, jũme etyorõmara mana: jũme ywy, Ritonõpo Oesẽkõme exĩko ase apakomotyã Esẽme roropa.

2 Tuisa 17:39

Jomipona ehtoko. Ywy ase Ritonõpo Oesẽkomo. Ywy opynanohtorỹko ase ozehno xine exiketõ winoino,” tykase.

Saumu 103:11

Kapu kae exiry sã sero nono epoe, moro sã mã kypyno xine Ritonõpo ehtopo, tõmiry omipona se exiketomo a.

Saumu 115:13

Imehxo Ritonõpo rinanõ mã, kure mokaro rĩko roropa Ritonõpo mana, tuisamehxo exiketomo, ime pyra exiketõ roropa.

Saumu 118:4

Ah aomipona exiketõ emero ynara nykã toto: “Kypyno xine aexiry jũme enahpỹme mana!”

Saumu 145:19

Aomiry omipona exiketõ ise ehtoh ekarõko mana; toto kohtary etãko mana, ipynanohtorỹko mana aorikyrykõino.

Saumu 147:11

Ritonõpo zamaro mokaro, aomiry omipona exiketomo, penekehpyra exiketõ Ritonõpo eraximary poko typynanohtohkõme.

Saumu 31:19

Kure kuhse okyryry tõ onukurãkahpyry ekarotohme õmiry omipona exiketomo a! Kure oehtoh enẽko imehnõ mana emero, oenetupuhnanõ ewomary oya enẽko mã toto.

Saumu 85:9

Ajohpe pyra, tõmihpyry omipona se exiketõ pynanopyry se Ritonõpo mana, kynonorykõ po exikehpyra toehtohme, Kypynanohnekõme.

Exutu 20:6

Yrome ypyno exiketõ pynanohnõko ase, jomipona exiketomo te, ynyripohpyry rinanõ roropa. Toto poenõ te, ipakomotyã roropa pynanohnõko ase miume zumakahpõkomo a, jomiry se toto exiryke.

Ruka 1:49

Jamihme Ritonõpo mana. Tuhke jakorehmase. Kurãme nymyry mana.

Apokaripxi 19:5

Morarame Ritonõpo apõ poe omi etase ropa. Ynara nase: — “Kure mase, Ritonõpo,” kahtoko Kuesẽkomo a, ipoetoryme awahtao xine, emero porehme, tuisa tomo, tuisame pyra exiketõ roropa. “Kure mase,” kahtoko Ritonõpo zuno exiketomo, tykase.