Ruka 1:16 - Ritonõpo Omiry: A Bíblia Sagrada na língua Aparai do Brasil

¹⁶ Tuhkãkõ Izyraeu tõ Ritonõpo poko enetupuhpõko ropa mana, toto esẽme enetupuhpõko ropa mana aomipona toto ehtohme.

Ruka 1:16 ပူးပေါင်းရင်းမြစ်များ

Izaja 49:6

Ynara ãko mã ynororo ya: “Pitiko rokẽ oerohtoh oya nae? Ypoetoryme orĩko ase Izyraeu tõ enehtohme ropa isene ro exiketomo, toto kurãkatohme ropa inonorykõ po. Moro motye oekarõko ase juteutõkara ezurume roropa oehtohme, imeimehnõ pynanohneme oehtohme sero nono etyhpyry ponãmero.”

Tanieu 12:3

Mokaro tuaro exiketõ, imehnõ tuhkãkõ amorepananõ zae ehtoh poko toto ehtohme, zemimã sã exĩko mã toto, xirikuato sã kapu poko, jũme osezehkara sã exĩko mã toto.

Marakia 3:1

Ritonõpo Jamihmehxo Exikety ynara ãko: — Jomiry arone aropõko ase osemazuhme jesemary kurãkatohme. Mame Oesẽkõ eraximaryhtao oya, axĩ oehnõko mana Tytapyĩ taka. Ritonõpo omiry arone enery se oehtohkõ oehnõko mana. Ynetapohpyry ekarõko mana.

Mateu 21:32

Ynara exiryke, João ahno ẽpurihkane toytose oya xine repe, ãmorepase xine, Ritonõpo omipona oehtohkõme repe. Yrome aomiry zae exiry onenetupuhpyra mexiatose. Mokaro a rokẽ iirypyryme aehtyamo a rokẽ tonetupuhse ywy. Ritonõpo omipona toehse mã toto. Mame mokaro tonese oya xine repe. Yrome oorypyrykõ onurumekara mexiatose. João omiry omipona pyra mexiatose, tykase Jezu eya xine.

Ruka 1:76

Mame tumũkuru a ynara tykase Zakaria: — Aimo, Ritonõpo poe urutõme exĩko mase, Kuesẽkõ Imehxo Exikety poe. Osemazuhme sã ytõko mase Kuesẽkõ esemary akorokaneme samo, ipoetory tõ tuarõtatohme tosẽkõ oehtoh poko.

Ruka 3:3

Mame Joatão poro toytoytose João, kokoro rokẽ oturuse ahno tõ maro. Ynara tykase ynororo: — Oorypyrykõ irumekatoko oẽpurihkatohkõme. Oorypyrykõ turumekase oya xine ahtao okorokatorỹko Ritonõpo mana, tykase João toytoryhtao Joatão poro.