Rewitiku 26:8 - Ritonõpo Omiry: A Bíblia Sagrada na língua Aparai do Brasil

⁸ amarokõ omame ahtao 100me oepetõkara poremãkãko matose, 100me awahtao xine 10 miumãkõ poremãkãko matose. Toto etapãko matose emero porehme.

Rewitiku 26:8 ပူးပေါင်းရင်းမြစ်များ

1 Koronika 11:11

Apitoryme Jasopeão, Hakamoni põ kynexine, “Oseruaõkõ” tuisaryme kynexine ynororo. Tywaratã ke tõsetapase ynororo 300mãkõ maro. Totapase toto eya emero porehme toiro etonatoh po.

1 Koronika 11:20

Morarame Apisai, Joape akorony, “30mãkõ” tuisaryme kynexine. 300me topetõkara totapase eya, warata ke. Naeroro orẽpyrahxo exiketyme toehse ynororo “30mãkõ” maro.

Exite 9:16

Ẽmepyry 13me aehtoh ae, nuno ataa po, juteu tõ tõximõse toto, pata nonory tõ po osewomatohme. 75 miumãkõ totapase eya xine, tyzehno xine exiketomo. Morara exiryke tõsepynanohse toh nexiase tyzehno xine exiketõ wino. Yrome imõkomohpyry anapoipyra toh nexiase. Yrokokoro, 14me aehtoh ae tõseremase toto, tõseahmase roropa otuhtoh poko te, atãkyematoh poko, enara.

Rewitiku 26:7

Oepekõkara poremãkãko matose, toto enahkãko matose;

Zakaria 12:8

Moro ẽmepyry toehse ahtao Jerusarẽ põkõ ewomãko ase. Jamihme pyrahxo exiketõ toto rãnao tuisa Tawi jamihme ehtopõpyry sã exĩko mã toto. Tawi pakomotyã ytõko mã toto osemazuhme imehnõ aroryme, Ritonõpo nenyokyhpyry samo, Ritonõpo ehtoh sã roropa.

Numeru 14:9

Yrome Ritonõpo onurumekara ehtoko, moro nono põkõ zuno pyra ehtoko. Toto poremãkapõko sytatose. Tupime pyra exĩko mana Ritonõpo kymaro xine exiryke. Mokaro neponãmarykõ pake typoremãkase eya. Towomaneke pyra toehse mokaro mana; naeroro enaromyra ehtoko, tykase Karepe, Jozue maro.

Numeru 31:4

Emero oxiekyry tõ toiro miume soutatu tõ imenekatoko, aropotohme etonatohme.

Teuteronomiu 28:7

— Oepetõkara toehse ahtao etonase amaro xine, toto enahkapõko Ritonõpo Kuesẽkõ mana onenerykõme. Oximõme osetapase oehnõko mã toto atakenaka samo. Yrome sapararahme epãko mã toto, otupĩko rokẽ rahkene.

Teuteronomiu 32:30

Oty katohme miumãkõ toepase toh nexiase toiro rokẽ topetõkara winoino? Oty katohme 10 miumãkõ toepase, tokahmase ahtao asakoro ahno a? Towomanekomo a turumekase toto exiryke; tokamose toto Ritonõpo a epetõkara a.

Jozue 23:10

Toiro Izyraeume exikety poe, miume epetõkara epãko mã toto, Ritonõpo Kuesẽkõ amaro xine exiryke. Ãkorehmatorỹko mana orẽpyra oehtohkõme, tõmihpyry ae ro.

Juize 15:15

Moroto jumẽtu zemata zehpyry tonese eya, anorypyra ro exikety. Moro tapoise eya tykaparume, ike mokaro etapatohme. Ahno totapase eya moro jumẽtu zematahpyry ke, 1.000me orutua komo totapase eya.