Rewitiku 26:18 - Ritonõpo Omiry: A Bíblia Sagrada na língua Aparai do Brasil

¹⁸ — Morarame morohne toehse ahtao jomiry omipona pyra ro awahtao xine, yrome oorypyrykõ poko ro awahtao xine, awãnohtopõpyrykõ motye 7me enehpõko ase awãnohtohkõme.

Rewitiku 26:18 ပူးပေါင်းရင်းမြစ်များ

Saumu 119:164

Oeahmazomõko ase 7me, toiro ẽmepyry ae, anapiakatoh tonõ zae rokẽ exiryke.

Exutu 9:14

Seromaroro oryhmatoh epukãko opona xine te, otuisary tõ pona te, ahno pona, enara, zuaro oehtohkõme, sero nono po imepỹ ysã exikety pyra mana.

Porowepio 24:16

Ajohpe pyra exikety epuepukaryhtao owõnõko ropa mana. Yrome popyra ehtoh poko exiketõ enahkãko mana, popyra ehtoh toehse ahtao.

Izaja 5:25

Naeroro tyekĩtapãse Kuesẽkõ typoetory tõ poko; tomary tanỹse eya, tuãnohse toto. Ypy tõ tykytyky tykase kehko, aorihtyã ekepyry tõ typahsẽ sã tõxinamasẽme exĩko pata esemary po. Morara toehse ahtao ro toto zehno Ritonõpo ehtoh enahpyra ro; tomary tanỹse ro mana typoetory tõ wãnohtohme.

Jeremia 14:4

Tupito poko erohketõ roropa tupuhpyrykõ zõtõko mã toto ihnamoryme, torẽtyke mã toto yronymyryme, konopo oehpyra exiryke, nono tonore exiryke roropa.

Tanieu 3:19

Morara kary etaryke tyya mokaro oseruaõkõ zehno toehse tuisa Napukotonozo. Ẽmyty kamirarame toehse, toto zehno aexiryke. Moro apoto tyripose eya axituhxo 7me typokõmase ehtopo.

Rewitiku 26:21

— Mame morohne toehse ahtao oorypyrykõ poko ro awahtao xine, jurumekaryhtao ro, ynyripohpyry tõ omipona pyra roropa awahtao xine awãnohtohkõ popyrahxo 7me enehpõko ase.

Rewitiku 26:24

oepeme pyra exĩko ase, mame awãnohtorỹko ase 7me jetuhxo exikety ke.

Rewitiku 26:28

tohne jexiryke awãnohtorỹko ase oorypyrykõ pokoino 7me popyrahxo exikety ke.

1 Samueu 2:5

Tuesapare exiketõ mã omise exĩko ropa, toerohtoh zupĩko toh mana tonahsẽ epekahtohme ropa. Yrome omise aexityã omise pyra ropa exĩko. Emũkuasaromepyra exikety toemũkuase setime, yrome mokyro, tumũkue tuhke exikety tumũkue pyra toehse ropa mana.