Rewitiku 26:11 - Ritonõpo Omiry: A Bíblia Sagrada na língua Aparai do Brasil

¹¹ Osesarĩko ase arãnao xine, Ytapyĩ Kurã tao, jũme orumekara xine exĩko ase.

Rewitiku 26:11 ပူးပေါင်းရင်းမြစ်များ

2 Samueu 7:7

Jytojytoryhtao Izyraeu tõ maro, ynara kapitopyra exiase toto tuisaryme ynymenekatyamo a: ‘Tapyi amotoko, apupari risemy, ytapyĩme ehtohme,’ kara.”

1 Tuisa 6:13

Taro exĩko ase ypoetory tõ Izyraeu tõ maro, sero Tapyi tao, onyrihpyry tao. Jũme toto onurumekara exĩko ase.

1 Tuisa 8:13

Seromaroro Tapyi Kurã tyrise ya, jũme oesaryme ehtohme.

1 Tuisa 8:27

— Yrome otãto exĩko mah, Ritonõpo, yna maro sero nono po? Onyrityã maro? Kapu tytororo opune pyra mana. Otãto sero tapyi, ynyrihpyry opune exĩko nae?

Saumu 106:40

Naeroro typoetory tõ zehno toehse Ritonõpo, typenekehse ynororo toto poko.

Saumu 76:2

Tapyike mã ynororo pata Jerusarẽ po; tosao mana ypy Xião po.

Saumu 78:59

Morohne eneryke tyya, tyekĩtapãse Ritonõpo kynexine, typoetory tõ Izyraeu turumekase eya.

Exutu 25:8

Tapyi Kurã tyripoko Izyraeu tomo a jesaryme ehtohme toto rãnao.

Exutu 29:45

Osesarĩko ase ypoetory tõ Izyraeu tõ rãnao. Toto Ritonõpome exĩko ase.

Exutu 29:46

Tuaro exĩko mã toto: Ywy, Ritonõpo, toto Esẽme ase. Ya toto tonehse Ejitu poe toto maro jehtohme. Ywy ase Ritonõpo, Izyraeu tõ Esemy.

Jeremia 14:21

Õmihpyry poko wenikehpyra exiko, typahsẽme rokẽ yna onekaropyra exiko, Jerusarẽ onyporemãkapopyra exiko, onymenekahpyry Tuisa Konõtome oehtoh apõ esaryme exiryke. Omihpyry onetapohpyry yna a omipona exikehpyra exiko.

Ramẽtasão 2:7

Tykyryry apoto apõ poko typenekehse Ritonõpo nexiase, Tytapyĩ kurã turumekase eya. Ineneryme moro apuru tõ tahkananõme toh nexiase. Moroto tykohtase toh nexiase orẽpyra toehtohkõ poko, Ritonõpo eahmatopõpyry yna a esahpokoxi.

Joeu 2:27

Mame amaro xine jehtoh waro exĩko matose. Ywy, Ritonõpo Oesẽkõme jehtoh waro exĩko matose, imepỹ ritõ pyra mana ipunaka. Mame ypoetory tõ onyporemãkapopyra ropa exĩko mã toto jũme.”

Rewitiku 20:23

Imehnõ ahno ehtoh onypoenohpyra ehtoko. Mokaro aropõko ase moro nono poe õmomyrykohtao osesaritohme. Typenekehse ywy mokaro poko, popyra ehtoh poko toto exiryke.

Rewitiku 26:15

jomihpyry rumekaryhtao oya xine, ynyripohpyry se pyra awahtao xine, ynetapohpyry oya xine omipona pyra awahtao xine,

Rewitiku 26:43

— Yrome apakomotyã sapararahme ahtao imehnõ nonory po, moro nono ynekarohpyry oya xine patãpome exĩko mana, oseremãko sã rokẽ mana jeimamyry tõ ae. Apakomotyã ynyripohpyry omipona pyra toehse toexirykõke tyyrypyrykõ epehmãko mã toto.

Rewitiku 26:44

Yrome topekõkara nonory poro toto ahtao toto onurumekara exĩko ase, toto onenahkara exĩko roropa ase. Ynetapohpyry eya xine anamonohpyra ase. Ywy ase Ritonõpo, toto Esemy.

Zakaria 11:8

Typenekehse exiase imehnõ kaneru pyno exiketõ poko. Toiro nuno ae oseruao kaneru poko erohketõ aropoase, toto se pyra toehse jexiryke. Yse pyra toehse roropa toh nexiase.

Epezu 2:22

Amarokõ roropa imaro exĩko matose Ritonõpo tapyĩme, imehnõ Jezu poetory tõ maro, emero porehme, Ritonõpo Zuzenu esaryme.

Teuteronomiu 32:19

Moro eneryke tyya tohne toehse Ritonõpo. Typoenõ turumekase eya, imũkuru tomo, ẽxiry tõ maro.

Jozue 22:19

Seromaroro ononorykõ popyra oya xine ahtao, osehtoko ropa xiaro Ritonõpo nonory pona, Ritonõpo eahmatoh kurã pona, Ritonõpo maro Oturutoh esaka. Nono zokonaka ekaropotoko taro yna a. Yrome Ritonõpo onurumekara ehtoko; yna roropa onurumekara ehtoko, imepỹ apoto apõ riry poko oya xine, Ritonõpo Kuesẽkõ eahmatoh myakãme.

Jozue 22:31

Ynara tykase oturukety Pineia, Ereaza mũkuru Rupẽ tomo a, Kate tõ maro, Manase tõ maro xixi tũtatoh wino exiketomo a: — Seromaroro zuaro toehse yna, Ritonõpo kymaro xine mana, irumekary se pyra oexirykõke. Izyraeu tõ typynanohse oya xine kuãnohpyra xine Ritonõpo ehtohme.

Apokaripxi 21:3

Mame omi etase opore exikety, Ritonõpo apõ poe: — Seromaroro Ritonõpo esary nono põkõ maro mana. Toto maro osesarĩko mana. Toto esẽme exĩko mana.

Apokaripxi 7:15

Morara exiryke Ritonõpo apõ ẽpataka mã toto. Aomipona roropa toh mana imaro oturutoh tao, saereme, koko, enara. Mame toto ewomãko mana, toto onurumekara roropa mana tapõ po iporotyhpyry.