Rewitiku 18:4 - Ritonõpo Omiry: A Bíblia Sagrada na língua Aparai do Brasil

⁴ Morara exiryke jomihpyry omipona ehtoko. Ynyripohpyry oya xine omipona ehtoko. Ywy ase Ritonõpo Oesẽkomo.

Rewitiku 18:4 ပူးပေါင်းရင်းမြစ်များ

Saumu 105:45

Tosẽkõ omihpyry omipona toto ehtohme, inyripohpyry onurumekara aehtohkõme. Kure mase, Ritonõpo! kahtoko eya.

Saumu 119:4

Õmihpyry mekaroase yna a, Ritonõpo, omipona yna ehtohme tomeseke roropa.

Ezekieu 20:19

Ywy ase Ritonõpo Oesẽkomo. Jomihpyry omipona ehtoko, ynyripohpyry roropa omipona ehtoko.

Ezekieu 36:27

Juzenu kurã rĩko ase okurohtaka xine, jomiry omipona oritorỹko ase. Ynyripohpyry oya xine tyrĩko matose, emero porehme.

Ezekieu 37:24

Ypoetory Tawi panõ toto tuisaryme exĩko mana, toiro ipynanohnekõ nae exĩko mã toto emero porehme, ynyripohpyry omipona anamonohpyra exĩko mã toto.

Rewitiku 18:2

ynara tyripotohme Izyraeu tomo a: — Ywy ase Ritonõpo Oesẽkomo.

Rewitiku 18:26

Yrome amarokõ emero, Izyraeu tomo, imehnõ roropa amaro xine exiketomo, jomihpyry omipona ehtoko. Ynyripohpyry roropa oya xine omipona ehtoko. Mokaro popyra ehtoh poko pyra ehtoko ipunaka.

Rewitiku 18:5

Jomihpyry omipona awahtao xine, ynyripohpyry oya xine omipona roropa awahtao xine, isene exĩko matose. Ywy ase Ritonõpo.

Rewitiku 19:19

— Ynyripohpyry tõ oya xine omipona ehtoko. Okyno tõ onumũkuapopyra ehtoko tyorono a. Otyro puhturu otoxie anarykara ehtoko otupikõ po. Kamisa tyorõ risẽ otoxie upo anamurupyra ehtoko.

Rewitiku 19:37

— Jomihpyry omipona ehtoko, ynyripohpyry tõ oya xine. Ywy ase Ritonõpo.

Rewitiku 20:22

— Jomihpyry omipona ehtoko, ynyripohpyry oya xine roropa omipona ehtoko, moro nono ynekarohpyry oya xine aaropopyra xine ehtohme.

Ruka 1:6

Mokaro oximaro kure rokẽ toh kynexine Ritonõpo a. Ritonõpo omipona toh kynexine ipunaka, inymeropohpyry omipona roropa toh kynexine.

João 15:14

Jepeme matose jomipona awahtao xine.

Teuteronomiu 6:1

Tõturuse Moeze Izyraeu tomo a. Ynara tykase: — Senohne Ritonõpo Kuesẽkõ omihpyry, inyripohpyry tõ ya amorepatohme oya xine. Morara exiryke aomihpyry omipona ehtoko moro nono pona toeporehkase awahtao xine, apoitohme oesarykõme.