Rewitiku 10:3 - Ritonõpo Omiry: A Bíblia Sagrada na língua Aparai do Brasil

³ Mame ynara tykase Moeze Arão a: — Sero poko oturũko Ritonõpo nexiase kyya xine ynara tykase ahtao: “Oehketõ upũtokoxi tomeseke toexirykõ se mã toto zae toehtohkõme ipunaka, orihpyra toehtohkõme. Imoihmãkõ ẽpataka imehxo jyripory se ase ypoetory tomo a.” Yrome mynyhme rokẽ Arão kynexine.

Rewitiku 10:3 ပူးပေါင်းရင်းမြစ်များ

Jenexi 18:25

Ahno kurã onetapasaromepyra mase pohnõ maro, iirypyryme pyra toto ahtao. Morara onyripyra exiko. Omoro rokẽ zae sero nono põkõ apiakaneme mase. Zae rokẽ ahno apiakãko mase.

Jo 2:10

Yrome Jo ynara tykase eya: — Õtururu ajoajohpã otururu sã mana. Ritonõpo nekarotyã kurã apoĩko sytase. Morararo etuarimatoh apoĩko roropa sytase Ritonõpo winoino, tykase Jo typyty a. Morara ahtao ro Ritonõpo onykerekeremara Jo nexiase. Tyyrypyry poko pyra roropa nexiase ipunaka.

Saumu 119:120

Tykytyky ãko ase oẽpataka, enaromỹke ase yna apiakaryke oya.

Saumu 148:14

Typoetory Izyraeu tõ tyripose eya kokoro rokẽ jamihmehxo toto ehtohme. Naeroro eahmatoko, ipoetory tõ anamonohpyra exiketomo, Izyraeu tomo, ipyno aehtyamo. “Kure mase, Ritonõpo,” kahtoko!

Saumu 39:10

Ritonõpo, kuãnohkehko, orihsasaka ywy ypipohtoh tonõ ke oya!

Saumu 39:9

Mynyhme ase, oturupyra ase, oya sam tykamexipose jexiryke sero samo.

Saumu 46:10

“Osetapakehtoko,” ãko ynororo. “Zuaro ehtoko ypoko, ywy ase Ritonõpo. Sero nono põkõ tuisaryme ase. Sero nono esẽme ase, porehme.”

Saumu 89:7

Ouno mã toto kurãkõ tõximõse ahtao; osenuruhkãko mã toto oeneryke tyya xine.

Saumu 93:5

Ritonõpo, jũme õmihpyry zae mana, Atapyiny jũme oesary kurãme mana, jũme exikehpyra mana.

Exutu 14:17

Ejitu põkõ osenetupuhtoh ripõko ase tũpore. Izyraeu tõ ekahmãko mã toto tuna kuaka. Mame Imehxo jekarõko imehnõ mana, Ejitu tuisary te, soutatu tõ maro te, ikanary tõ aronanõ maro toto poremãkaporyhtao ya.

Exutu 14:4

Mame tuisa aosenetupuhtoh ripõko ase tũpore oekahmatohkõme, mame iporemãkapõko ase soutatu tõ maro, yjamitunuru enepotohme. Ejitu põkõ juaro exĩko mã toto, ywy ase Ritonõpo Oesẽkomo. Mame aomipona toehse Izyraeu tomo.

Exutu 19:22

Ymaro oturuketõ zuruko roropa tyyrypyrykõ korokapotohme nuriame pyra toto ehtohme, toto oehtohme ya. Toto rypyrykõ onykorokapopyra toto ahtao etapãko ase.

Exutu 19:24

— Oyhtoko eya xine, tykase Ritonõpo Moeze a. — Moromeĩpo Arão enehta amaro xiaro. Yrome mokaro ymaro oturuketõ, imoihmãkõ roropa oehsaromepyra mã toto sero pona, jesaka. Tooehse toto ahtao toto etapãko ase.

Exutu 30:30

Mame Arão ahpako imũkuru tõ maro. Toto imenekako jomipona toto ehtohme ymaro oturuketõme.

Izaja 39:8

Morara kary etaryke tyya, tuisa Ezekia ynara tõsenetupuhse, etonara exĩko isene ro jahtao, jorikyry ponãmero. Naeroro tozuhse ynororo, ynara tykase: — Ritonõpo nekarohpyry oya jurutohme kure mana.

Izaja 49:3

Ynara tykase ynororo ya: “Izyraeu, ypoetoryme mase, amaro jehtoh eneryke tyya xine tuhkãkõ jeahmãko mã toto,” tykase.

Izaja 52:11

Ypoetory tomo, Papironia poe otũtatoko! Irumekatoko emero porehme, mame nuriame aexityã anapopyra ehtoko. Ekurãkatoko amarokomo, Ritonõpo Tapyĩ mõkomory kurã aronanomo.

Ezekieu 20:41

Oenehpotorỹko ropa ase imeimehnõ nonory poe, sapararahme oehtohkõ poe, oximõme orĩko ropa ase, mame onekarorykõ zahkãko matose onekarorykõme ya. Yzamaro exĩko matose imeimehnõ nonory põkõ neneryme; morara ahtao Ritonõpo kurãme jehtoh enepõko ase imehnõ ahno a.

Ezekieu 28:22

Kaxiko eya xine, ywy, Ritonõpo Oesẽkõ ynara ãko ase: “Pata Xitõ, oepekara ase. Morara exiryke ynyriry eneryke eya xine, jeahmãko mã toto. Apatary põkõ wãnopyryhtao ya, zuaro exĩko matose emero, ywy ase Ritonõpo, kure rokẽ ase.

Ezekieu 38:16

Moro ẽmepyry toehse ahtao jomi poe oehnõko mase ynonory pona imeimehnõ nonory põkõ juaro ehtohme, kure jehtoh enetohme eya xine ynyriry poko amaro xine.

Ezekieu 40:46

Osa zakorony osenuhmakety inikahpozakoxi imehnõ oturuketõ esaryme nexiase apoto apõ poko erohketõ esaryme. Mokaro oturuketõ emero Zatoke pakomotyã nexiase, Rewi pakomotyamo. Mokaro rokẽ Ritonõpo omi poe omõnõko mã toto Ritonõpo ẽpataka erohtohme.

Ezekieu 42:13

Ynara tykase mokyro ya: — Sero tapyi tõ asakoro kure mã kehko Ritonõpo kyryryme. Moro tao oturuketõ, Ritonõpo ẽpataka ytoketõ tonahsã kurã enahnõko mã toto. Moro osa tõ kurãme exiryke, moro tao tynekarory kurã kurãkãko oturuketõ mana: tiriiku tõkehko, tynekarorykõ tyyrypyrykõ korokapotohme te, popyra toehtohkõ korokapotohme, enara.

Rewitiku 21:15

kure rokẽ ipoenõ, ipakomotyã roropa ehtohme nuriame pyra. Ywy ase Ritonõpo, ya mokyro tapiakase oturuketyme ehtohme.

Rewitiku 21:17

— Oturuko Arão a, apakomotyã kurãkõ ahtao rokẽ tonahsẽ enehnõko mã toto tynekaroryme ya. Jũme moro ynyripohpyry omipona ehtoko.

Rewitiku 21:21

Orutua kõ emero oturukety Arão pakõme ahtao, jaxiry miramirame exiketyme ahtao tonahsẽ onenehpyra mana tynekaroryme ya; emero nuriame exiketõ ahtao tynekarory onekaropyra mã toto ya, jotyme.

Rewitiku 21:6

Zae ehtoh poko anamonohpyra mã toto, nuriame pyra toehtohkõme, Ritonõpo nyripohpyry omipona. Okyno tõ enehnõko mã toto etapatohme jahkatohme, tynekaroryme Ritonõpo a. Moro mã tonahsẽme sã Ritonõpo a mana. Naeroro nuriame pyra tahtao xine rokẽ, ytõko mã toto Ritonõpo ẽpataka.

Rewitiku 21:8

Tonahsẽ enehnõko oturukety mana tynekaroryme Ritonõpo a. Naeroro zae rokẽ exiketyme, nuriame pyra oturukety ekarõko ahno mana. Ywy ase Ritonõpo. Zae rokẽ ase nuriame pyra, ypoetory tõ Izyraeu tõ tymenekase ya zae rokẽ toto ehtohme roropa, nuriame pyra.

Rewitiku 22:9

— Oturuketõ emero ynyripohpyry omipona exĩko mã toto; moro omipona pyra toehse toto ahtao iirypyryme exĩko mã toto, aorikyry ke tuãnohsẽme exĩko mã toto. Ywy ase Ritonõpo, tapiakase toto ya nuriame pyra toto ehtohme.

Rewitiku 8:35

Tehme ehtoko taro Tapyi Kurã omõtoh tao 7me ẽmepyry ae 7me ikohmamyry maro Ritonõpo nyripohpyry omipona oehtohkõme ipunaka oorikyrykõino. Moro tokarose Ritonõpo a ya ourutohkõme.

Numeru 16:5

Ynara tykase ynororo Kora tomo a, imaro exiketõ maro: — Kokoro pakeimo typoetory tõ enepõko Ritonõpo mana, tapiakase exiketõ tymaro aerohtohme. Tynymenekahpyry enehpõko Ritonõpo mana apoto apõ pũtokoxi toto ehtohme.

Numeru 20:12

Yrome ynara tykase Ritonõpo Moeze a, Arão maro: — Jenetupuhpyrahme sã mexitou. Yjamitunuru kurã onenetupuhpopyra mexitou Izyraeu tomo a. Morara exiryke Izyraeu tõ anaropyra exĩko matose moro nono pona ynekarory pona esarykõme.

Mateu 10:37

— Morararo ymotye omykõ pyno awahtao xine asa maro, ypoetoryme nymyry pyra matose. Morararo opoenõkõ pyno awahtao xine, oẽxirykõ, omũkurukõ roropa, yrome ypyno hkopyra awahtao xine, ypoetoryme nymyry pyra matose, tykase Jezu.

João 12:28

Papa Kapuaono, ime oexiry enepoko imehnomo a, “Kure mase,” katohme toto a, tykase Jezu. Mame kaino omi totase toto a: — Imehxo jehtoh tonepose ya eya xine. Imeĩpo enezomopõko ropa ase eya xine, tykase omi kaino.

João 14:13

Mame ekaroporyhtao Papa a, emero ekarõko ase oya xine, Papa omi poe ekaroporyhtao, Papa ime exiry enepory se jexiryke oya xine.

Teuteronomiu 32:51

Amarokomo, asakoro ro a, tamonohse yneneryme oya xine, Izyraeu tõ ẽpataka. Meripa tunary enatyry pũto awahtao xine, moe pyra pata Kate poe, ona tonorẽ Zim po, imehxo jyripyra mexiatose.

2 Tesaronika 1:10

Jezu tooehse ropa ahtao tosẽkõ eahmãko ipoetory tõ mana. “Imehxo mase,” ãko toto, Jezu enetupuhnanomo. Mokaro maro exĩko matose roropa, ynanekarohpyry tonetupuhse oya xine exiryke.

1 Peturu 4:17

Okynã pyra kuepehmatorỹko Ritonõpo mana kynyrihpyrykõ epehpyryme. Kurã ke zae exiketõ epehmãko mana zae toto ehtopõpyry epehpyryme. Yrome tõmipona pyra exiketõ tuarimapõko mana zae pyra toto ehtopõpyry epehpyryme. Osemazuhme typoetory tõ epehmãko mana. Naeroro kuetuarimarykõ motye kuhse tõmiry kurã onenetupuhpynõ tuarimapõko Ritonõpo mana.

1 Samueu 2:30

Naeroro ynara ãko Ritonõpo mana, Izyraeu tõ Esemy: “Osemazuhme Jomihpyry poe jũme oturuketõme Rewi pakomotyã toehse.” Yrome seromaroro ynara ãko mana: “Jomihpyry amonohnõko ase, jomipona pyra toehse oexirykõke. Jomipona exiketõ rĩko ase kure. Yrome yse pyra exiketõ se pyra roropa ase jomipona pyra toto exiryke.

1 Samueu 3:18

Morara exiryke Samueu a tokarose Ritonõpo Omihpyry Eri a. Emero tokarose eya Ritonõpo oturutopõpyry. Morara exiryke ynara tykase Eri: — Kuesẽkõme mana. Ah nyrino tyriry se toexiryke, tykase.

1 Samueu 6:20

Mame tõturupose Pete-Seme põkomo: — Onokyhxo owõnõko nae Ritonõpo ẽpataka? Zaehxo exiketyme Ritonõpo mã ipunaka. Aza rokẽ aomihpyry ẽ aropõko sytatou myahxo taroino?