Ramẽtasão 5:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo yna Esemy, wenikehpyra exiko yna ryhmatopõpyry poko; yna eneko, yna poremãkatopõpyry eneko.

Ramẽtasão 5:1 ပူးပေါင်းရင်းမြစ်များ

Neemia 1:3

Ynara tokarose toto ya: “Juteu tõ akoĩpyry etuarimãko mã toto. Toto htomãko roropa imeimehnõ nonory poe morotona aytotyamo. Pata Jerusarẽ apuru tõ tykararahse mã kehko, omõtoh roropa onukurãkara tyahse rokẽ mã kehko apoto ke.”

Neemia 1:8

Wenikehpyra exiko õmihpyry poko eya: “Jurumekaryhtao oya xine, Izyraeu tomo, amarokõ pahnõko ase imehnõ nonory poro.

Neemia 4:4

Mame ynara tykase ywy Ritonõpo a: “Ritonõpo, mokaro omiry etako yna poihtory eya xine! Yna eunohtoh eya xine iramapoko ropa epona xine. Ah ĩkyryry tõ tomatonanohse nexĩ kehko. Ah imehnõ toto arõ toto, typoetorykõme imepỹ nonory pona.

Jo 10:9

Wenikehpyra exiko orino risẽme kyriase; ikurepatome jyrĩko ropa mahno?

Jo 7:7

Ritonõpo, wenikehpyra exiko, isene jehtoh puu katoh sã rokẽ mana. Jenuru ke jũme tãkye ehtoh onenepyra ropa exĩko ase.

Saumu 119:153

Ritonõpo, jetuarimary eneko, kypynanohko õmihpyry poko wenikehpyra jexiryke.

Saumu 74:18

Ritonõpo yna Esemy, wenikehpyra exiko oeunohkehpyra oepetõkara exiry poko. Popyra ehtoh poko mã toto, opoihtõko mã toto.

Saumu 79:12

Ritonõpo, mokaro imehnõ nonory põkõ zuãnohko 7me opoihtotopõpyry eya xine emetakame!

Saumu 79:4

Imehnõ nonory põkõ, ynakatonomory, yna poihtõko, exianãko mã toto, yna eunohnõko mã toto.

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

Jeremia 15:15

Mame ynara tykase ywy: — Ritonõpo, zuaro mase. Wenikehpyra exiko ypoko, kuakorehmako roropa. Yyryhmananõ poe kymỹpoko. Jepetõkara pyno pyra exiko jetaparyino eya xine. Tuaro mase õmiry omipona jexiryke ykerekeremãko mã toto.

Jeremia 51:51

Ynara ãko matose: “Ehxirõko ynanase tounohse yna exiryke. Toehxirose ynanase imehnõ ahno tomõse exiryke osa kurã taka Ritonõpo Tapyĩ taka.”

Ramẽtasão 1:11

Jerusarẽ põkõ pusuh ãko mã toto, tonahsẽ zupĩko. Tymõkomory kurã ke tonahsẽ epehmãko mã toto isene ro toto ehtohme. “Kueneko, Ritonõpo, jetuarimary eneko!” ãko mã toto.

Ramẽtasão 1:20

“Eneko ke, Ritonõpo, sam katoh ya, emynyhmãko ase yronymyryme! Xitãko ase ukurohtao yyrypyry poko, õmiry omipona pyra toehse jexiryke. Imehnõ etapãko mã toto jarao, osema tõ ao. Tapyi tao roropa orihnõko mã toto.

Ramẽtasão 1:9

Mokyro nuriame ehtoh osenẽko mana, zupõ xikurome exiryke. Yrome oty kara nexiase, torẽtyke pyra imeĩpo toexiry poko. Mokyro poremãkatopõpyry popyra nexiase ipunaka, emuhkehkananõ pyra nexiase. “Ritonõpo, kueneko ajohpame samo, etuarimãko ase jepetõkara orẽpyra toehse exiryke.”

Ramẽtasão 2:15

Ytoytoketõ pata kuroko oeunohnõko mã toto. “To!” ãko mã toto opoihtotorỹko roropa mã toto, Jerusarẽ põkomo. “Ajohpe pyra, sero pata tosehtose: ‘Pata Kurãme, Enekure Potu?’ nary.” “Sero pata kure ehtoh poko epyrypãko toh nexiase, imehnõ nonory po porehme?”

Ramẽtasão 2:20

Eneko ke Ritonõpo, yna Esemy! Oty katohme yna wãnohnõko mah sero samo? Nohpo tõ typoenõ õnõko mã toto, toto pyno toto ahtao ro. Urutõ kõ, oturuketõ roropa totapasẽme exĩko mã toto Atapyĩ kurã tao!

Ramẽtasão 3:19

Wenikehpyra ase jemynyhmary poko, toiroro jehtopõpyry poko, sam katoh poko ya te, jetuarimatopõpyry poko roropa.

Ramẽtasão 3:50

Ritonõpo osenuhmatoh pona kapu poe yna enetohme.

Ramẽtasão 3:61

Ritonõpo Jesemy, jeunohtopõpyry eya xine totase oya, tyriry se toto ehtoh waro mase emero.

Apakuke 3:2

Ritonõpo, imehnõ nekarohpyry onyrihpyry poko totase ya, osenuruhkãko ase. Seromaroro morohne tyriko ropa ynaneneryme, pake onyrityã imehxo ehtopõpyry samo. Yna zehno awahtao ro yna pynanohko.

Ruka 23:42

Mame Jezu a ynara tykase ynororo: — Ypoko wenikehpyra exiko Jezu, tuisame toehse awahtao, tykase ynororo eya.