Ramẽtasão 4:2 - Ritonõpo Omiry: A Bíblia Sagrada na língua Aparai do Brasil

² Poetohti tõ Jerusarẽ põkõ uuru kurã sã toh nexiase kyya xine, Yrome seromaroro oripo sã rokẽ mã toto orino risẽ sã rokene.

Ramẽtasão 4:2 ပူးပေါင်းရင်းမြစ်များ

Izaja 30:14

Tonahkasẽme rokẽ exĩko matose, oripo samo tytohkase ahtao, zokonaka oxinamara mana ikarã anỹtohme apoto htae, tuna anỹtohme roropa pẽkamã kuae.”

Izaja 51:18

Opoenõ maro, atapyĩ taõkõ maro, toiro oemary apoine pyra mana aarotohme, ãkorehmatohme oytory poko.

Jeremia 19:1

Mame Ritonõpo a tonyohse ywy oripo epekahse, orino risemy. Tamuximãkõ taropose eya ymaro toto ytotohme oturuketõ tamuhpomãkõ tuhkã kara maro,

Jeremia 19:11

Ynara tykase Ritonõpo Jamihmehxo Exikety ekarotohme eya xine: — Sero ahno itahkãko ase, sero pata roropa, sero oripo sã tyhmosẽme exĩko mã toto, onukurãkasaromepyra ropa exĩko mã toto. Aorihtyã ekepyry tonẽsẽme exĩko mã toto Topete po imepỹ osa pyra exiryke toto zonẽtohme.

Jeremia 22:28

Mame ynara tykase ywy: — Otarame tuisa Joakĩ oripo sã toehse, tyhmose aexihpyry, typahse aexihpyry, ise pyra toehse aexihpyry? Oty katohme tarose ynororo ipoenõ maro tomase roropa imepỹ nono pona, zuaro pyra aexihpyry pona?

Ramẽtasão 2:21

Nuasemãkõ ekepyry tynomose osema tõ ao, tamuhpomãkõ ekepyry roropa. Ypoenõ totapase epetõkara a, oryximãkomo, nuasemãkõ roropa. Moro ẽmepyry toehse ahtao, zehno toehse awahtao, omoro Ritonõpo mokaro metapase. Onypynanohpyra mexiase ipunaka.

Ramẽtasão 5:12

Zehnotokomo a yna tuisary tõ tõsexihse wewe pokona; tamuximehxo exiketõ tyhtomase, tounohse roropa eya xine.

Ozeja 8:8

Imehnõ ahno sã Izyraeu toehse mana, toiparo rokẽ sã mã toto, otyme pyra mã toehse toto.

Zakaria 9:13

Juta tõ rĩko ase taky samo etonatoh kyryryme, Izyraeu tõ pyrou sã exĩko mã toto. Orutua kõ, Jerusarẽ põkõ ytapemãme exĩko mã toto, mokaro maro osetapãko ase Kerexia põkõ maro.”

2 Korĩtiu 4:7

Yrome kymarokomo oripo sã sytatose, Ritonõpo nekarohpyry ẽme sã rokene. Jamihme pyra sytatose orino risẽme sã rokene. Naeroro orẽpyra kuahtao xine Ritonõpo poe rokẽ orẽpyra sytatose kuamoreme xine pyra.

2 Timoteu 2:20

Imehxo exiketõ tapyĩ tao oripo tõkehko nae. Typyne exikety nae, uuru risemy, parata risẽ roropa. Typyne pyra exiketõ nae roropa, wewe risemy te, orino apuhsẽ tõkehko, kurãkõ ẽme nae, emero rokẽ ẽme nae, enara.