Ramẽtasão 3:7 - Ritonõpo Omiry: A Bíblia Sagrada na língua Aparai do Brasil

⁷ Keti ke tymyhse exiase omoxinety ke Ritonõpo a; ãpuruhpyry tao ase, epasaromepyra roropa ase.

Ramẽtasão 3:7 ပူးပေါင်းရင်းမြစ်များ

Jo 19:8

Jesemary tapuruse eya, ytopyra jehtohme. Jesemary tõ tonẽse eya ikohmamyry a.

Jo 3:23

Ritonõpo poe zuaro pyra mã toto imeĩpo toto ehtoh poko, ipoe tapuruse sã mã toto zomye.

Ozeja 2:6

— Morara exiryke omoxino tõ ke mokyro apurũko ase, apuru rĩko ase osema tao moro ae ytopyra ropa aehtohme.

Ramẽtasão 1:14

“Yyrypyry tõ emero oximõme tyripose eya tymyhse sã toto ehtohme, ypymyry pokona, omoxinety samo. Tapotũkehse ywy. Tokarose ywy eya jepetõkara a, toto onyporemãkasaromepyra exiase.

Jeremia 40:4

Seromaroro omyhpokãko ase, keti oũko ase omekũ tõ poe, oytotohme ise oehtoh pona. Oytory se awahtao ymaro Papironia pona, eropa, kure rokẽ opyno exĩko ase. Yrome oytory se pyra awahtao ytopyra exiko. Taro oesary menekãko mase oesaryme ehtohme. Ytoko ise oehtoh pona, kure oya ahtao.

Jeremia 38:6

Mame tapoise ywy eya xine, tõmase ywy eya xine tuisa mũkuru, Maukia pẽkamã aka, tapyi konõto erase tõ zarã rãnao. Eary tõ ke tonyhtose ywy moro aka. Tuna pyra nexiase, ikurepato rokene; moro aka tyhtose ywy.

Saumu 88:8

Turumekapose ywy oya jepe tomo a, nuriame exiketyme jenẽko mã toto. Ãpuruhpyry tao exiketyme sã ase, epasaromepyra ase.

Tanieu 9:12

Õmihpyry ae ro yna wãnopyry poko, morara tyrise oya. Yna te, yna tuisary tõ maro tuãnohse oya yronymyryme. Moro sã exipitopyra pata tõ po sero nono po, Jerusarẽ wãnohtopõpyry sã oya.

Ramẽtasão 5:5

Yna rohmanohpõko mã toto yronymyryme jumẽtu samo, kameru sã roropa, tapotũkehse ynanase, yrome yna oneremapopyra mã toto.

Ramẽtasão 3:9

Ytosaromepyra ase; jesemary tapuruse exiryke eya topu konõto ke.

Saumu 88:9

Jetuarimary ke jenuru tonukehse sã mana. Ritonõpo Jesemy, kokoro rokẽ okohmãko ase, jemary anỹnõko ase jotururume oya.