Ramẽtasão 3:2 - Ritonõpo Omiry: A Bíblia Sagrada na língua Aparai do Brasil

² Jaropoase ynororo ikohmamyry aka, osema tõ ae jenyokyase saerehkatoh maro pyra.

Ramẽtasão 3:2 ပူးပေါင်းရင်းမြစ်များ

Jo 18:18

Mokyro taroposẽme exĩko mana isene exiketõ esary winoino. Saereme ehtoh winoino roropa taroposẽme exĩko mana xinukutumã aka.

Jo 30:26

Tãkye jehtoh eraximãko exiase, yrome popyra ehtoh toehse; saerehkatoh eraximãko roropa exiase, yrome xinukutume sã toehse.

Izaja 59:9

Kypynanohpyra xine ro Ritonõpo mana iirypyryme kuexirykõke. Saerehkatoh zupĩko sytatose repe, yrome ikohmamyry rokẽ enẽko sytatose; ẽmepyry eraximãko sytatose yrome xinukutumao ytoytõko sã sytatose.

Jeremia 13:16

Oorypyrykõ ekarotoko Ritonõpo Oesẽkomo a, onykohmãnohpopyra ynororo ahtao ro, tykohmãse ahtao osetapãko matose ypy tõ pona. Ẽmepyry saereme ehtoh eraximãko matose repe, yrome xinukutume moro tyripõko mana koko samo, saereme pyra tyripõko mana ipunaka.

Jeremia 4:23

Mame osenuhmase. Sero nono patãpome nexiase tytaõke pyra, Kapu ao ezuru pyra nexiase.

Ramẽtasão 2:1

Zehno toehse Ritonõpo ahtao, pata Jerusarẽ tyõtose eya akurũ xinukutumã ke. Pata Jerusarẽ tyripose eya ypyme typahsẽme rokene. Apitoryme pata kurãme nexiase, kapu ao aexihpyry samo, toepyrypase Izyraeu tomo typatarykõ poko. Yrome typenekehse Ritonõpo ahtao moro turumekase eya. Tytapyĩ kurã roropa turumekase eya.

Teuteronomiu 28:29

Tãxiahtao xiaxiake ytoytõko matose tonurãkara samo, oemary ke oesemary zupĩko matose. Orẽnõko matose emero poko oerokurukohtao, oryhmatorỹko imehnõ mana, omõkomory kurã arõko imehnõ mana, typynanohneke pyra exĩko matose.

Juta 1:13

Pohkane konõto sã roropa mã toto tuna konõto kuaõ samo. Ãtaryka arõko pohkane, isawã xikuromãkomo. Moro sã mokaro rypyry osenẽko. Xirikuato ytoytoketyme toehse ahtao, moro sã mã mokaro exĩko. Toto esary menekãko Ritonõpo mana, mya xinukutumao, jũme toto ehtohme moero.

Juta 1:6

Wenikehpyra ehtoko roropa Ritonõpo nenyohtyã poko. Toitoine mokaro imehxo toexirykõ se toehse. “Ritonõpo sã orẽpyra sytatose,” tykase toto ajohpe. Ritonõpo ime exiry typoenohse eya xine. Morara exiryke mokaro ẽmãko Ritonõpo mana etuarimatoh taka. Keti ke sã tymyhse mã toto jũme xinukutumao. Tũtara mã toto apiakatoh konõto eraximatohme toto a. Tooehse ropa Jezu ahtao: “Popyra matose ya,” ãko mã eya xine. Wenikehpyra ehtoko mokaro poko, Ritonõpo ime exiry poenohnanõ poko.