Ramẽtasão 3:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo a juãnopyry waro ase, sam tykamexipose jexiryke eya, zehno ahtao.

Ramẽtasão 3:1 ပူးပေါင်းရင်းမြစ်များ

Jo 19:21

Oenupunako ypoko, jepe tomo, Ritonõpo a tapurose jexiryke.

Saumu 102:11

Isene jehtoh jerutume sã mana kohmãsasaka ahtao; apotũkehnõko ase onahpoty anoryry sã rokene.

Saumu 71:20

Popyra ehtoh tonehpose oya ya, jetuarimatoh roropa, yrome yjamitunuru ekarõko ropa mase ya, janỹnõko mase orihpyra jehtohme.

Saumu 88:7

Yzehno oehtoh omoxinety sã ypoko nase, opoe pohkane tõ jakurihmõko mana.

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Jeremia 38:6

Mame tapoise ywy eya xine, tõmase ywy eya xine tuisa mũkuru, Maukia pẽkamã aka, tapyi konõto erase tõ zarã rãnao. Eary tõ ke tonyhtose ywy moro aka. Tuna pyra nexiase, ikurepato rokene; moro aka tyhtose ywy.

Jeremia 43:6

orutua komo te, nohpo tomo te, poetohti tõ roropa tuisa ẽxiry tõ maro. Tarose toto emero tuisa Nepuzaratã nynomotyã kowenatu Ketaria maro. Paruke te, ywy roropa tarose eya xine tymaro xine.

Jeremia 8:21

Ukurohtao jeano tapurose mana wekyry tõ tapurose exiryke. Xitãko ase, tapotũkehse ywy ipunaka.