Ramẽtasão 2:8 - Ritonõpo Omiry: A Bíblia Sagrada na língua Aparai do Brasil

⁸ Jerusarẽ apuru tõ emary se toehse Ritonõpo nexiase. Toto enahkapory poko tõsenetupuhse ynororo. Oseremara mana toto enahkary pona. Apuru tõ maro kaetokohxo exiketõ typahse mã kehko nono pona.

Ramẽtasão 2:8 ပူးပေါင်းရင်းမြစ်များ

2 Samueu 8:2

Mame moapita tõ typoremãkase Tawi a. Imihme tyripose eya nono pona toto ikuhtohme eary ke. Oseruao ahtao asakoro eary pune ehtoh totapase eya, toiro eary pune onetapara nexiase. Naeroro mokaro moapita tõ Tawi namotome toehse. Epehpyry tonehse eya xine Tawi a ekarotohme.

2 Tuisa 21:13

Jerusarẽ põkõ wãnohnõko ase, Samaria põkõ wãnohtopõpyry sã ya te, tuisa Akape, Izyraeu tõ esẽ, wãnohtopõpyry sã roropa ipakomotyã maro. Paratu korokary sã pata Jerusarẽ korokãko ase, tytaõke pyra ehtohme, tõtorimase paratu ehtoh samo zuhkurenaka.

Jo 13:21

Juãnohpyra ke exiko te, ouno pyra kyriko enaromyra jehtohme.

Izaja 22:5

Moro ẽmepyry enehpoase Ritonõpo Jamihmehxo Exikety kyya xine, ẽmepyry oserehtopo, otupitopo, kyporemãkatopo jakanahmã Enepotoh po. Pata apuru tõ tytohkase kehko, moro pata põkõ kui katoh totase ypy tõ po.

Izaja 28:17

Zae ehtoh rĩko ase tyrinanõ kyryryme, ajohpe pyra ehtoh ykyryryme exĩko mana, ikuhtohme.” Atapyĩkõ õsewomatohkõme ekarõko matose repe. Yrome morohne arõko konopoimo mana topuxikiri maro, tarosẽme exĩko mana tuna zueme toehse exiryke.

Izaja 3:26

Pata Jerusarẽ põkõ aorihtyã hnamõko mã toto. Nohpo sã xitãko mã toto, typorohse nono po, tynio hnamone sã toiroro.

Izaja 34:11

Torõ tõ moro nono esẽme exĩko, tymỹkõ rĩko mã toto moroto, emero rokẽ po. Patãpome moro nono rĩko Kuesẽkõ mana, ahno pyra ipunaka, pake ehtopõpyry samo sero nono ripitoryhtao.

Izaja 5:5

“Seromaroro ourutorỹko ase, ynara tyrĩko ase ynarykahpyry uwa tõ poko: utupi apuru kararahnõko ase, uwa zoko tõ ewomatopo. Moro apuru pahnõko ase onokyro tõ omõtohme moro aka, uwa zoko tõ enahkatohme.

Jeremia 14:2

“Juta tõ ihnamõko mana, xitãko. Ipatarykõ orihnõko mã kehko, ahno tapotũkehse mã toto, imihme nono pona, ihnamoryme, Jerusarẽ põkõ takorehmanekõ kohmãko mã toto.

Jeremia 5:10

Oepetõkara enehpõko ase anarykatyã uwa zoko tõ akohtohme, yrome emero porehme onenahkapopyra exĩko ase. Jomi poe uwa amoriry tõ kararahnõko oepetõkara mã toto moro amoriry tõ ykyryryme pyra exiryke.

Jeremia 52:13

Ritonõpo Tapyĩ Kurã tyahkase eya te, tuisa tapyĩ konõto roropa te, tamuxime exiketõ tapyĩ tõ roropa emero tyahkase eya.

Ramẽtasão 2:17

Tyriry se Ritonõpo ehtopõpyry tyrise eya, kuenaroximatopõpyrykõ eya moino ro, tyrise eya. Izyraeu tõ tonahkapose eya, onypynanohpyra. Kuepekõkara tonehpose eya kyporemãkatohkõme, atãkyematohme roropa kyporemãkatopõpyrykõ poko.

Ramẽtasão 2:18

Pata Jerusarẽ, ah ãpuru tõ nykohtã toto Ritonõpo a akorehmapotohme! Xitakehpyra exiko saereme, koko, iporiry sã oxity tõ ehtohme. Oseremara exiko. Onyhnamokehpyra exiko!

Ramẽtasão 2:2

Juta pyno pyra toehse Ritonõpo, ipatary tõ tonahkapose eya tapyi jamihmãkõ maro. Zehno toexiryke tomase toto eya nono pona. Toehxirose Juta tõ tuisary tõ nexiase, kowenume erohketõ maro.

Ramẽtasão 2:5

Epekara samo Ritonõpo a Izyraeu tõ tonahkase. Itapyĩ tõ jamihmãkõ tomapose eya, tuisa tapyĩ konõto maro. Ihnamotoh tonehse eya, tãkye pyra ehtoh maro, ixitatopo enahpỹme samo Juta tomo a.

Ezekieu 20:22

Yrome toto onenahkara tokurehse ywy juaro exiketõ pokoino imehnõ nonory po; ajohpe jekaropyra toto ehtohme, Ejitu poe Izyraeu tõ arotopõpyry ya tonese eya xine exiryke.