Ramẽtasão 2:3 - Ritonõpo Omiry: A Bíblia Sagrada na língua Aparai do Brasil

³ Zehno toehse Ritonõpo exiryke Izyraeu tõ jamitunuru tonahkapose eya. Yna epetõkara tooehse ahtao yna akorehmary se pyra nexiase. Yna takorekehkase eya apoto samo, tomye exiketõ zahkary samo emero.

Ramẽtasão 2:3 ပူးပေါင်းရင်းမြစ်များ

2 Koronika 34:25

Turumekase ywy eya xine. Tynekarorykõ tyahkase eya xine imehnõ eahmatohme, ywy kara. Toto zehno toehse ywy inyrihpyrykõ xihpyry pokoino. Jerusarẽ zetũ tanỹse ya. Apaipyra ropa mana.

Jo 16:15

“Jemynyhmaryke upo, topuxiximã risẽ, amuruase. Mame typorohse ywy nono pona, typoremãkase jexiryke.

Saumu 132:17

Taro toiro Tawi pary rĩko ase tuisa imehxo, taro roropa ynymenekahpyry poenõ jũme tuisame tyripõko ase.

Saumu 74:11

Oty katohme yna akorehmary se pyra hmahno? Oemary anỹko mokaro wãnohtohme.

Saumu 75:10

Popyra exiketõ jamitunuru enahkãko mana; yrome Ritonõpo omipona exiketõ jamihmehxo exĩko mã toto.

Saumu 75:5

orẽpyra oehtohkõ poko epyrypara ehtoko, ãko ase.”

Saumu 79:5

Ritonõpo, otãto ahtao yna zehno exikehnõko mahno? Jũme yna zehno exikehpyra hma? Otarame yna poko tohne oehtoh ezehpỹme sã mana, apoto samo?

Saumu 89:24

Jũme anamonohpyra ase Tawi akorehmary poko, ipyno exikehpyra ase, yjamitunuru ke orẽpyra exĩko mana.

Saumu 89:46

Otãto ise ro Ritonõpo? Jũme otonẽnõko mah? Otãto ise ro yzehno oehtoh nae apoto zatyry samo?

Izaja 1:31

Jamihme exiketõ onahpoty tonorẽ sã exĩko mã toto. Inyrihpyrykõ xihpyrymãke osenahkãko mã toto, apoto ke samo, apoto ezehkane pyra ahtao.

Izaja 42:25

Naeroro kyzehno xine toehtoh ke tuãnohse sexiatose, toetuarimase roropa sexiatose etonatoh tao. Kyzehno xine aexiry apoto sã nexiase zahnõko Izyraeu tõ rãnao. Yrome zuaro pyra sexiatose. “Otara exĩko nae?” tykase, onenetupuhpyra sexiatose ipunaka.

Jeremia 21:14

Yrome ywy, Ritonõpo, awãnohtorỹko ase onyrityã emetakame. Apoto zukãko ase otuisary tapyĩ konõto zahkatohme, emero zomye exiketõ maro tyahkasẽme exĩko mana. Ywy Ritonõpo oturuno.”

Jeremia 4:4

Juta tomo, Jerusarẽ põkõ roropa, õmihpyrykõ onetapohpyrykõ ya omipona ehtoko. Osekarotoko ya Oesẽkomo a; moro onyripyra awahtao xine ozehno xine jehtoh apoto sã zukãko mana popyra ehtoh poko oehtopõpyrykõke. Zahnõko mana apoto samo, mame onezehkasaromepyra exĩko imehnõ mana.

Jeremia 48:25

Moape orẽpyra ehtoh takurihmose, ajamitunuru tonahkase mana. Ywy Ritonõpo oturuno.

Jeremia 7:20

Naeroro ywy, Ritonõpo, tohne jehtoh kuãnõko sã ase sero Ytapyĩ pona. Zehno jehtoh kuãnõko sã ase ahno pona, okyno tõ pona te, wewe tõ pona te, tykyrysã pona. Apoto sã tarõkõ zehno jehtoh exĩko mana, ezehpỹ sã exĩko mana.

Ramẽtasão 1:13

“Apoto tonehpose eya ypona yzahkatohme ukurohtao. Ahno apoitoh tyrise eya japoitohme, tomase ywy eya nono pona. Imeĩpo jurumekase jetuarimatoh tao jũme samo.

Ramẽtasão 4:11

Ritonõpo Kuesẽkõ zehno toexiryke apoto tukase eya. Jerusarẽ tyahkapose eya porehme.

Ezekieu 13:13

Seromaroro ynara ãko Ritonõpo Kuesẽkõ mana: — Ozehno xine jexiryke tyryrykane jamihme exikety enehpõko ase konopo maro itamurume, topuxikiri panõ maro moro apuru emapotohme.

Ezekieu 7:14

Rue etõko mã toh repe, atakimãko mã toto, emero repe. Yrome ytopyra ekurehnõko mã toto, etonatoh pona, zehno Ritonõpo ehtoh oepyryke emero pona; oxisã toto wãnohnõko Ritonõpo mana.

Naum 1:6

Zehno Ritonõpo ahtao xikihme ẽpataka ehsaromepyra mã toto, isene ro ehsaromepyra sytatose emero. Zehno aexiry kuãnõko mana iporiry sã apotoimo, ẽpataka topu tõ ehmõko rokene.

Marakia 4:1

Ynara ãko Ritonõpo Jamihmehxo Exikety: — Moro ẽmepyry oehnõko mana: epyrypaketõ emero tyahkasẽme exĩko mana, popyra exiketõ maro, onahpoty samo tonore ahtao. Tonahkasẽme exĩko mã toto ipunaka.

Ruka 1:69

Kypynanohnekõ enehpone kyya xine. Orẽpyra exikety mokyro. Tawi parỹpyryme ynororo.

Ruka 3:17

Arexi tõkehko apiakane sã Ritonõpo mana. Arexi kurã kurãkãko esẽ mana tytapyĩ taka. Ipihpyrỹpyry pahnõko mana apoto htaka. Moro saaro kuapiakatorỹko Ritonõpo mana. Tõmipona exiketõ menekãko mana tõmipona pyra exiketõ htae, tõmipona exiketõ jũme tymaro ehtohme. Yrome tõmipona pyra exiketõ pahnõko mana, apoto htaka, ezehpy htaka, tykase João eya xine.

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.