Ramẽtasão 2:2 - Ritonõpo Omiry: A Bíblia Sagrada na língua Aparai do Brasil

² Juta pyno pyra toehse Ritonõpo, ipatary tõ tonahkapose eya tapyi jamihmãkõ maro. Zehno toexiryke tomase toto eya nono pona. Toehxirose Juta tõ tuisary tõ nexiase, kowenume erohketõ maro.

Ramẽtasão 2:2 ပူးပေါင်းရင်းမြစ်များ

Jo 2:3

Mame ynara tykase Ritonõpo: — Ypoetory Jo meneno? Moro nono po imepỹ pyra mana Jo panono. Zae exiketyme mana. Ajohpe pyra exiketyme, jeahmaneme roropa mana. Zae pyra ehtoh poko pyra mã ynororo ipunaka. Õmiry omi poe onewomara toehse ywy, iiryhmatohme oya, zae aexiry kuhtohme oya repe. Oerekohmara ynororo ahtao ro tyyryhmase ynororo oya. Morara ahtao ro zae ro exiketyme mana, ajohpe pyra ipunaka, tykase Ritonõpo joroko tamuru a.

Saumu 21:9

Toto enahkãko mana apoto zemime exikety samo toeporehkase ahtao. Toto zehno Ritonõpo exiryke, toto enahkãko mana, apoto ke toto zahkãko mana.

Saumu 74:7

Atapyĩ Kurã tykararahse eya xine, nono pona tomase, tyahkase eya xine; Oesary nuriame tyripose eya xine, oeahmatoh esary.

Izaja 22:5

Moro ẽmepyry enehpoase Ritonõpo Jamihmehxo Exikety kyya xine, ẽmepyry oserehtopo, otupitopo, kyporemãkatopo jakanahmã Enepotoh po. Pata apuru tõ tytohkase kehko, moro pata põkõ kui katoh totase ypy tõ po.

Izaja 23:9

Ritonõpo nexiase, Jamihmehxo Exikety, morohne poko tõsenetupuhse, epyrypaketõ ime pyra tyritohme, tuisamehxo exiketõ tosekumurukõ po porohtohme.

Izaja 25:12

Moape patary jamihmãkõ kararahnõko mana, apuru tõ kaetokohxo exiketõ roropa, typahsẽme exĩko mã toto nono pona.

Izaja 26:5

Imehnõ motye kure osekaroketõ typoremãkase eya, ipatarykõ kaetokohxo exikety tykararahse eya, apuru tõ pipahme tyripose eya nono pona.

Izaja 27:11

Wewe amoriry tõ toorihse mã kehko, toetahtahkase mã kehko; morohne anỹnõko apotopokõme nohpo tõ mana. Putuhtome exiketõ sã Izyraeu tõ exiryke toto pyno pyra Ritonõpo exĩko mana, toto wãnopyryhtao onewomara mana.

Izaja 43:28

Ytapyĩ Kurã nuriame tyripose otuisarykomo a. Morara exiryke Izyraeu tõ tonahkapose ya, ypoetory tõ typoremãkapose ya.”

Izaja 47:6

Ypoetory tõ poko tyekĩtapãse exiase, ynymenekatyã poko; morara exiryke typoremãkase toto ya, toto ekaroase oya xine. Yrome toto pyno pyra mexiatose; tytamuhpopãse exiketõ tyrohmanohpose oya xine yronymyryme.

Jeremia 13:14

Mame toto akuhmõko ase emero oripo tõ samo osepokona, tamuhpomãkomo poetohti tõ maro. Toto pyno pyra exĩko ase, nupunato onenepyra exĩko ase, toto enahkapõko ase, toto onewomara exĩko ase ipunaka.

Jeremia 19:15

Ritonõpo Jamihmehxo Exikety, Izyraeu tõ Esemy nekarohpyry: — Putupyra exiketõme sã matose, jomiry etary se pyra roropa matose; morara exiryke popyra ehtoh emero enehpõko ase sero pata pona, pata tõ pisarara exiketõ pona roropa Jerusarẽ zomye awãnohtohkõme jomihpyry ae ro.

Jeremia 21:7

Tuisa Zetekia, tamuximãkõ maro, imehnõ isene exiketõ tõxinamase ahtao etonatoh poe, omise konõto ehtoh poe te, tyrohsẽ poe roropa, emero tapoisẽme exĩko tuisa Napukotonozo a, imehnõ epetõkara a roropa toto etapary se exiketomo a. Toto orihmapõko Napukotonozo mana; toto pyno pyra exĩko mana, nupunato toto onenepyra xine exĩko mana. Ywy, Ritonõpo, oturũko ase.

Jeremia 5:10

Oepetõkara enehpõko ase anarykatyã uwa zoko tõ akohtohme, yrome emero porehme onenahkapopyra exĩko ase. Jomi poe uwa amoriry tõ kararahnõko oepetõkara mã toto moro amoriry tõ ykyryryme pyra exiryke.

Ramẽtasão 2:17

Tyriry se Ritonõpo ehtopõpyry tyrise eya, kuenaroximatopõpyrykõ eya moino ro, tyrise eya. Izyraeu tõ tonahkapose eya, onypynanohpyra. Kuepekõkara tonehpose eya kyporemãkatohkõme, atãkyematohme roropa kyporemãkatopõpyrykõ poko.

Ramẽtasão 2:21

Nuasemãkõ ekepyry tynomose osema tõ ao, tamuhpomãkõ ekepyry roropa. Ypoenõ totapase epetõkara a, oryximãkomo, nuasemãkõ roropa. Moro ẽmepyry toehse ahtao, zehno toehse awahtao, omoro Ritonõpo mokaro metapase. Onypynanohpyra mexiase ipunaka.

Ramẽtasão 2:5

Epekara samo Ritonõpo a Izyraeu tõ tonahkase. Itapyĩ tõ jamihmãkõ tomapose eya, tuisa tapyĩ konõto maro. Ihnamotoh tonehse eya, tãkye pyra ehtoh maro, ixitatopo enahpỹme samo Juta tomo a.

Ramẽtasão 3:43

“Yna zehno toehse mexiase, yna tokahmase, yna totapase roropa oya, yna onypynanohpyra mexiase zehno oexiryke,

Ezekieu 5:11

— Ynara ãko Ritonõpo Kuesẽkõ mana: Ytapyĩ kurã nuriame tyripose oya xine exiryke popyra oehtohkõke te, onyrityã xikuromã ke roropa, ajohpe pyra ynara ãko ase oya xine: oenahkapotorỹko ase opyno xine pyra exikety samo.

Ezekieu 7:4

Awãnohtorỹko ase yronymyryme, opyno xine pyra exikety samo. Awãnohtorỹko ase onyrityã xihpyry emetakame, juaro oehtohkõme, ywy ase Ritonõpo.

Ezekieu 7:9

Opynanohpyra xine exĩko ase, nupunato oenepyra xine exĩko roropa ase. Awãnohtorỹko ase popyra ehtoh poko toehse oexirykõke. Morara ahtao juaro exĩko matose, ywy ase Ritonõpo, ywy ase awãnohnekomo.

Ezekieu 8:18

Morara exiryke sam ãko mã toto, tuãnohse toto ahtao ya, toto zehno jexiryke. Epasaromepyra toto ripõko ase; toto pyno pyra exĩko ase ipunaka. Ykohmãko mã toto opore tyjamitunurukõke repe: “Yna akorehmako, ajohpame samo,” ãko mã toto, yrome toto omiry onetara exĩko ase.

Ezekieu 9:10

Morara exiryke seromaroro epasaromepyra toto ripõko ase emero porehme. Toto pyno pyra exĩko ase ipunaka. Toto rĩko ase, imehnõ ryhmatopõpyry sã eya xine.

Mikeja 5:14

Oneponãmarykõ Asera kyryry tõ, xikihme exiketõ emãko ase, apatarykõ roropa enahkapõko ase.

Marakia 1:4

Ezau pakomotyã, etomita tomo ynara karyhtao: “Kypatarykõ tonahkase mã kehko, yrome tyrĩko ropa sytatose.” Ritonõpo Jamihmehxo Exikety toto ezuhnõko mana: “Tyrise ropa ahtao eya xine ipahnõko ropa ase. Mokaro nonory esehpãko imehnõ mana ‘Popyra exiketõ nonoryme,’ te ‘Mokaro zehno exikehpyra Ritonõpo exĩko mana, jũme,’ ” ãko mã toto.

Mateu 18:33

Naeroro kure imehnõ pyno roropa oexiry, opyno jehtopõpyry samo,” tykase pata esemy typoetory a.

2 Korĩtiu 10:4

Sero põkõ jamitunuru ke pyra kyzehnotokõ poremãkapõko ynanase, Ritonõpo jamitunuru ke rokẽ toto poremãkapõko ynanase. Ritonõpo jamitunuru ke joroko tamuru omipona se exiketõ jamitunuru enahkapõko ynanase. Oseosezuhketõ omiry zae pyra ahtao toto poremãkapõko ynanase roropa.

Teuteronomiu 28:52

Apatarykõ emero Ritonõpo nekarory oya xine apurũko mã toto, apuru tõ, topu tõ risẽ, kaehxo exiketõ, jamihme exiketõ roropa, epukãko mã kehko, oewomatohkõme tonetupuhse oya xine repe.

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.