Ramẽtasão 2:1 - Ritonõpo Omiry: A Bíblia Sagrada na língua Aparai do Brasil

¹ Zehno toehse Ritonõpo ahtao, pata Jerusarẽ tyõtose eya akurũ xinukutumã ke. Pata Jerusarẽ tyripose eya ypyme typahsẽme rokene. Apitoryme pata kurãme nexiase, kapu ao aexihpyry samo, toepyrypase Izyraeu tomo typatarykõ poko. Yrome typenekehse Ritonõpo ahtao moro turumekase eya. Tytapyĩ kurã roropa turumekase eya.

Ramẽtasão 2:1 ပူးပေါင်းရင်းမြစ်များ

2 Samueu 1:19

Kutuisarykõ imehxo mã toorihse, ypy tõ po, Izyraeu tõ nonory po! Orẽpyra exiketõ soutatu tõ toorihse toto!

1 Koronika 28:2

Mame mokaro ẽpataka toexikihmase Tawi, toto zurutohme. Ynara tykase ynororo: — Jepe tomo, etatoko pahne: tapyi riry se exiase, Ritonõpo omihpyry ẽ esaryme, Ritonõpo pupuru apõ esaryme. Uuru kurãkãko ase parata maro, topu tomo, apupari roropa, tapyi ritohme: “Imehxo mase, Izyraeu tõ Esemy,” katohme.

Saumu 132:7

“Ehmaropa Ritonõpo tapyĩ taka, seahmatone apõ ẽpataka,” tykase yna.

Saumu 89:45

Tamuhpõmehxo tyripose ynororo oya tamuhpõme exipyra ro ahtao; toehxirose ynororo yronymyryme, tyripose exiryke oya.

Saumu 99:5

Ritonõpo Kuesẽkõ seahmatone kuosekumurukõ po syporohtone apõ konõto ẽpataka. Ritonõpo Kuesẽkõ kure rokẽ mana.

Izaja 64:11

Ynanyrihpyry Atapyĩme kurano, oeahmatoh potu, yna tamuru a oeahmatohme, moro tyahkase apoto ke. Yna kyryry kurã emero typahse mana, ipyno yna ehtopõpyry.

Jeremia 30:14

Opyno aexityã emero tuenikehse mã toto opoko, opoko penetara toehse mã toto. Amaro tõsetapase ywy, jepekarame awahtao samo. Awãnohtopõpyry jetuhxo nexiase oya oorypyry tuhke exiryke, popyra oehtoh itamurume exiryke roropa.

Ramẽtasão 1:1

Myhene! Myhene! Jerusarẽ turumekase mana. Apitoryme tẽme nexiase ahno ke! Pata kure potu nexiase. Enese tooehse mã toto moino, nono etyhpyry poe, yrome seromaroro pytỹpome sã toehse mana. Tuisa ẽxiryme sã nexiase pata tõ rãnao, yrome imehnõ namotome sã toehse mana.

Ramẽtasão 1:12

Ikuroko ytoketomo a Jerusarẽ põkõ ynara ãko: “Kuenetoko ke! Imehnõ etuarimapitopyra nexiase jetuarimary saaro. Zehno toehse toehtoh po tuãnohse ywy Ritonõpo a sero samo.

Ramẽtasão 2:17

Tyriry se Ritonõpo ehtopõpyry tyrise eya, kuenaroximatopõpyrykõ eya moino ro, tyrise eya. Izyraeu tõ tonahkapose eya, onypynanohpyra. Kuepekõkara tonehpose eya kyporemãkatohkõme, atãkyematohme roropa kyporemãkatopõpyrykõ poko.

Ramẽtasão 4:1

Uuru xinukutumehme sã toehse! Uuru kurã zemime pyra mana! Topu tõ, Ritonõpo Tapyĩ kyryry sapararahme typahse mã kehko osema tõkehko ae!

Ramẽtasão 4:11

Ritonõpo Kuesẽkõ zehno toexiryke apoto tukase eya. Jerusarẽ tyahkapose eya porehme.

Ezekieu 13:13

Seromaroro ynara ãko Ritonõpo Kuesẽkõ mana: — Ozehno xine jexiryke tyryrykane jamihme exikety enehpõko ase konopo maro itamurume, topuxikiri panõ maro moro apuru emapotohme.

Ezekieu 19:12

Yrome zehno exiketomo a zoko imity tõ maro touse. Nono pona tomase. Tyryrykane a xixi tũtatoh winoino uwa epery tanorymase. Amoriry tõ tytahkase; tasarahse, tyahkase kehko.

Ezekieu 24:21

ekarotohme oya xine, Izyraeu tomo: epyrypãko matose Ritonõpo Tapyĩ kurã tosao ro jamihme exiryke. Moro enery se matose, moro taka oytorykõ se roropa matose. Yrome moro rĩko Ritonõpo mana nuriame. Opoenõ tehme ahtao Jerusarẽ po totapasẽme exĩko mã toto etonatoh po.

Ezekieu 30:18

Ejitu jamitunuru tonahkase ahtao ya, orẽpyra aehtopõpyry tonahkase ahtao roropa, moro jamitunuru poko toepyrypase toto exiryke, xinukutume kohmãnõko pata Tapane po. Akurume exĩko Ejitu po, pata tõ põkõ emero tarosẽme exĩko imehnõ nonory pona namotome.

Joeu 2:2

Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Mateu 11:23

— Amarokõ roropa Kapanaũ põkomo, imehxo se matosehxo, oepyryparykõ se oexirykõke repe, yrome apahtorỹko Ritonõpo mana apotoimo htaka. Ynara exiryke, yjamitunuru tonese oya xine repe. Yrome oorypyrykõ onurumekara matose. Jenetupuhpyra roropa matose oesẽkõme. Morohne tonese ahtao Sotoma põkomo a zahpyra ro toh exiry, ipatarykõ zahpyra roropa exiry. Tyyrypyrykõ onurumekara toto exiryke tyahse Sotoma põkomo ipatarykõ maro.

Ruka 10:15

— Amarokõ roropa Kapanaũ põkomo, epyrypãko matose imehxo oexirykõ poko repe. Yrome osenekunohnõko rokẽ matose. Imeĩpo oematorỹko Ritonõpo mana apotoimo htaka, tykase Jezu eya xine.

Ruka 10:18

Yrome ynara tykase Jezu eya xine: — Ỹ, joroko tamuru mokyro. Aepukahpyry enene nenenehkane samo, kapu ae.

1 Samueu 4:21

Mame tumũkuru tosehpase Ikapome, ynara karyke: “Izyraeu tyjamihkehse, turumekase Ritonõpo a,” tykase, Ritonõpo omihpyry ẽ tarose exiryke te, imeretamuru toorihse exiryke roropa te, inio roropa toorihse exiryke, enara.

1 Samueu 4:22

Ynara tykase rokẽ ynororo: — Izyraeu turumekase Ritonõpo a. Aomihpyry ẽ tarose exiryke, tykase.