Porowepio 7:7 - Ritonõpo Omiry: A Bíblia Sagrada na língua Aparai do Brasil

⁷ nuasemãkõ enease tuaro hkopyra exiketomo; mame toirõ enease putupyra exikety.

Porowepio 7:7 ပူးပေါင်းရင်းမြစ်များ

Jo 24:15

Imeimehnõ nohpo poko exikety kokonie pukuro eraximãko tõmyty zõtõko mana onenepyra imehnõ ehtohme.

Saumu 119:130

Õmihpyry poko atamorepatopo saerehkatoh sã mana, tuaro pyra exiketõ tuarõtanohnõko mana.

Saumu 19:7

Kure kuhse Kuesẽkõ omiry mana, kyjamihtanohtorỹko kukurohtao xine mana. Aomiry zae mana, naeroro enetupuhnõko sytatose, tuaro pyra exiketõ tuarõtanohnõko mana.

Porowepio 1:22

— Tuaro pyra exiketomo! Otara ahtao rowohpe oehtohkõ rumekãko matou? Otara ahtao ãtahmãkarykõ tuaro ehtoh poko rumekãko matou? Jũme tuaro oexirykõ se pyra hmatou?

Porowepio 1:32

Tuaro pyra exiketõ orihnõko mã toto tuaro ehtoh se pyra toexirykõke. Zae ehtoh waro pyra exiketõ osenahkãko mã toto, tuaro pyra toehtoh se rokẽ toexirykõke.

Porowepio 1:4

Tuaro pyra exiketõ amorepãko tuaro toto ehtohme tamuhpõme pyra ro toto ahtao. Poetohti tõ amorepãko zae ehtoh menekatohme eya xine, zae ehtoh poko toto ehtohme.

Porowepio 10:13

Tuaro exiketõ zuaro ehtoh poko oturũko mã toto, yrome popyra ehtoh poko exiketõ tuãnohsẽme exĩko.

Porowepio 12:11

Otupi poko toerohse awahtao tynahke mase, pitiko rokẽ pyra, yrome tyorõ poko rokẽ osenetuputyryhtao ekurehnõko mase, tuaro pyra exikety sã mase.

Porowepio 14:15

Emero rokẽ zae ekarõko tuaro pyra exikety mana, yrome tuaro exikety osenetupuhnõko mana tomeseke sã toytotohme.

Porowepio 14:18

Tuaro pyra exiketõ tynyrityã emetakã apoĩko mã toto, yrome tuaro exiketõ epehpyryme tuarohxo exĩko mã toto.

Porowepio 19:2

Emero rokẽ tyriryhtao osenetupuhpyra ahtao zae pyra mana; taryporyke awahtao azahkuru oesemary menekãko mase.

Porowepio 19:25

Epyrypaketõ tuãnohse ahtao zae mana, tuaro pyra exiketõ tuarohxo exĩko mã toto imehnõ motye kure osekaropyra ehtohme; tuaro exiketõ tupokase ahtao tuarohxo exĩko mã toto.

Porowepio 22:3

Tuaro exikety popyra ehtoh oepyry enẽko mana, otonẽnõko mana; yrome tuaro pyra exikety etypohpyra mana, imeĩpo atasamãko mana.

Porowepio 24:30

Tupito tõ kuroko toytose ywy akĩme exikety tupi enese, putupyra exikety.

Porowepio 27:12

Tuaro exiketõ popyra ehtoh oepyry enẽko mã toto, otonẽnõko mã toto, yrome tuamekaro exiketõ tomeseke pyra ytõko mã toto, imeĩpo atasamãko mã toto.

Porowepio 5:1

Aimo umũkuru, otato exiko jomiry a tuaro jexiryke, josenetupuhtoh zae exiryke roropa.

Porowepio 6:20

Kuku, omy omihpyry omipona exiko, jũme wenikehpyra exiko roropa asa namorepatopõpyry poko.

Porowepio 6:32

Yrome imepỹ nohpo poko exikety tuaro pyra exiketyme mana; osenahkãko mana.

Porowepio 8:5

Poetome ro mase, zae ehtoh waro nymyry pyra ro mase. Atamorepako zae ehtoh waro oehtohme. Putupyra exikety sã pyra exiko. Zae ehtoh poko atamorepako tuaro oehtohme.

Porowepio 9:16

“Omõko, tuaro pyra exiketomo!” ãko mana. Putupyra exiketomo a ynara ãko roropa mana:

Porowepio 9:4

“Omõtoko, tuaro pyra exiketomo!” Tuaro pyra exiketomo a ynara ãko mã ynororo:

Jeremia 4:22

Ynara ãko Ritonõpo mana: “Ypoetory tõ tuaro pyra mã toto, juaro pyra roropa mã toto. Poeto pitiko sã mã toto, putupyra rokene, onenetupuhpyra mã toto. Popyra ehtoh poko tuarohxo mã toto. Yrome zae ehtoh poko zuaro pyra mã toto ipunaka.”

Mateu 15:16

Ynara tykase Jezu eya xine: — Tuaro pyra ro matohu? Mokaro saaro matose.