Porowepio 7:11 - Ritonõpo Omiry: A Bíblia Sagrada na língua Aparai do Brasil

¹¹ Musurehpe nexiase, ihximyra, toytory poko osema tõ ae torẽnase ynororo.

Porowepio 7:11 ပူးပေါင်းရင်းမြစ်များ

Jenexi 18:9

Mame tõturupose ynaroro: — Otoko na Sara, opyty? — Tapyi tao, tykase Aparão.

Porowepio 25:24

Kurehxo tapyi pitiko tao oexiry tupito po, kure hkopyra tapyi tao nohpo maro oseosezuhketyme.

Porowepio 9:13

Putupyra exikety ahtao ynara sã mana: opore oturukety, tuaro pyra exikety, ihximyra, musurehpe exikety.

Titu 2:5

Ritonõpo omi poe tuaro toto ehtohme, imehnõ orutua poko pyra oryxiã ehtohme, tytapyĩkõ tao rokẽ kure toto ehtohme, tyniokõ omipona toto ehtohme roropa. Tyniokõ omipona pyra Jezu poetory ahtao imehnõ ynara ãko toto eneryke tyya xine: “Otarãme Ritonõpo omiry se hkopyra mokyro mana,” ãko toto ipoko.